¹ Ino mucikombelo caku Antiyoki, kwakali basinsimi bamwi aba mayi. Kwali Banabasi, Simoni(walikwitwa kuti Nija) Lusiyasi woku Cyrene, Manayeni(muzyalwanyina wakakomezigwa o Helodi mwendelezi, o Saulo. ² Nibakacili kukomba mwami okulimya kulya, muya usalala wakati,"mundibikile ambali Banabasi o Saulo, kubeleka mulimo ngundakabaitila." ³ Nibakamana kulimya kulya kukomba, okubika manza abo ali aba balumi, bakabatumizya. ⁴ Ino Banabasi o Saulo, nibakatumwa omuya usalala, bakainka ku Selusiya, kuzwa kuya bakainka omugolo ku Caipulasi. ⁵ Nibakacili mudolopo lya Salamasi, bakakambauka jwi lya leza muma sinagogi abajuda. Bali jesi o Joni anguwe kuti akabagwasye. ⁶ Nibakandulula nsumbu mane bakakusika mumunzi wa pafosi, bakajana simajiki umbi, musinsimi mubeji wabajuda, zyina lyakwe wali Banabasi. ⁷ Oyo simajina walikumvwana omuleli wensubu ya Paphos, wali mwalumi musongo. Oyu mwalumi wakaita Banabasi o Saulo, kambo wali kuyanda kunvwa jwi lya leza. ⁸ Pele Elimasi"simajiki"(mbombubo obu zyina lyakwe mbwisandululwidwe) wakabakazya, wakasola kusandula mwendelezi kuzwa kulushomo. ⁹ Pele,öyo witwa kuti Paulo, izwide omuya usalala, eakamulangisisya loko. ¹⁰ Okuti,ÿebo omwana wa diabulosi, uzwide yense mishobo yolweno obubi. Uli sinkondonyina wo mishobo yense yobusalalali. Toyoleki kusandula nzila ziluleme zyamwami, uyolekana? ¹¹ Nakamana kubona cakacitikide mwendelezi, wakashoma, kambo wakakomokwa kunjisyo zya mwami. ¹² Nakamana kubona cakacitika mwendelezi, wakashoma, kambo wakakomokwa kujisyo zya mwami. ¹³ Ïno Paulo abeenziyina bakabika mugolo kuzwa ku pafosi kusika ku pelega mu pamfiliya. Pele Joni wakabasiya okupiluka ku Jelusalemu. ¹⁴ Paulo abenzyinyina bakenda kuzwa ku pelega okuza ku Antiyoki wa Pisidiya. uya ba kainka muma sinagogi mubuzuba bwensabata okukala ansi. ¹⁵ Nikwakamana kubalwa komulawo aba sinsimi, bapati be sinagogi bakabatumina mulumbe, waamba,"nobazyalwama na mulijesi kufumbwa mulumbe wokukulwaizya wabantu bokuno amwambe. ¹⁶ Mponya Paulo wakaima okutambika janza lyakwe, wakati<"nobantu baisilayeli anywibo nomulemeka leza, muswililizye. ¹⁷ Leza waba bantu baisilayeli wakasala bamatata besu okubavuzya bantu nibakede munyika ya Egepita, ejanza lyenguzu wakabagwisya mulinjiyo. ¹⁸ Kwemyaka ili makumi one wakababamba munkanda. ¹⁹ Kamanide kusinya-sinya mishobo yezisi ili musanu mwabili munyika ya kenani, wakapa bantu besu nyika yabo lube lukono. ²⁰ Ezi zyense zyakatola myaka yalikuyanda kusika ku zyanda yone amakumi osanwe. Nizyakainda ezi zyeense, leza wakabapa buyatuzi kusikila kuli samiyele musisnsimi. ²¹ Mponya bantu bakakumbila mwami, leza wakabapa Saulo mwana wa Kishi, mwalumi uzwa kumukowa wa Benjamini, kuba mwami kwemyaka ili makumi one. ²² Nakamugwisya leza kuzwa mubwami, wakabusya Davida kuti abe mwami wabo. Cakali kambo ka Davidi mwana wa Jese kuba muntu ngweyandisya, ucita zyeense zyeyanda kuti acite. ²³ Kuzwa kulunyungu kwa muntu leza ndakweta ku Izilayeli mufutuli, Jesu mbuli bwakashomezya kucita. ²⁴ Katana kusika jesu, Joni wakakambauka lubbizyo lokwempwa kubantu beense ba Izilayeli. ²⁵ Mbuli Joni mbwali kumaninizya mulimo wakwe wakati, Ino muyeya kuti ndime ni? tandinsi nguwe mw. Pele muswililisye umwi wobuza musule lyangu mumpato zyamaulu akwe syelede okuzyanununa. ²⁶ Nobazyalwama, bana bolunyungu lwa Abulahamu, abo akati kenu balemeka leza, cili kuliswe kutegwa mulumbe ujatikizya lufutuko watumwa. ²⁷ Kambo abo bakala mu Jelusalemu abeendelezi babo takwe nibakamuziba, mponya bakazizikizya majwi abasinsimi abalwa nsabata ensabata kwindila mukumupa mulandu. ²⁸ Nikuba namuya takwe nibakajana kambo keelede lufu bakakumbila Pilato kuti amujaye. ²⁹ Nibakamana kucita zintu zyeense zyalembidwe kujatikizya nguwe, bakamwangula kuzwa aciingano bakamuzika mukumbu. ³⁰ Pele leza wakamubusya kuzwa kubafu. ³¹ Wakabonwa kwamazuba manji aabo bazide anguwe kuzwa ku Galili kusika ku Jelusalemu. Abantu sunu mbakamboni bakwe kubantu. ³² Ino tumwambile mulumbe mubotu, cishomyo cakaza kuma tata besu. ³³ Wakazuzikizya kambo kesu, bana babo, kwinda mukubusya Jesu. Mbuli mbucilembidwe muntembauzyo yabili.úli mwanaangu, sumu ndaba uso'. ³⁴ Kutegwa wakamubusya kuzwa kubafu okutapiluka ape, leza wakambola munzila eyi: ndiyokupa zileleko zyeni-zyeni zisalala zishomezidwe kuli Davida. ³⁵ Cecoco eco luaamba muntembauzyo imwi, toyozumizyi mubelesi wako usalala kubana kubola. ³⁶ Kambo Davida nakabeleka ziyanda leza kulunyungu lwakwe mwini, wakafwa; wakazikwa antomwi abamaisi mponya mutinta wakwe wakabola. ³⁷ Pele oyo leza ngwakabusya takwe nakabola. ³⁸ Ino kulinnwebo, nobazyalwama, kuti kwindila mumuntu oyu kulekelela kwezibi kwakakambukwa kulinwe. ³⁹ Mulinguwe oonse ushoma wasalazigwa kuzwa kuzintu zyeense wzyo mulawo wa Mozesi muwatali kukonzya kumusalazya. ⁴⁰ Mponya ino mucenjele kuti zintu basinsimi zibakambola zitacitiki kulinwebo: ⁴¹ Mukunga nywebo nobasikunyansya, muyokankamana okufwidilila. ⁴² Mbuli Paulo a Banabasi, bantu bakabakombelezya kuti bakonzye kwamba majwi aya awana ape nsabata iza. ⁴³ Muswangano we sinagogi niwakamana, bunji bwama juda abasimasi bakamucilila paulo o Banabasi, bakabambila okubayumya-yumya kuti bakalilile musule lwa leza. ⁴⁴ Munsabata yakacilila, cisi cense cali kunvwa jwi lya mwami. ⁴⁵ Majuda nibakabona mabunga abantu, bakazuzigwa omunyono okutalika kukazya zintu zyakambwa o Paulo okumwaamba zibi. ⁴⁶ Pele Paulo o Banabasi bakambola cenguzu okuti, celede kuti jwi lya leza litangunwe kwambwa kulinwebo. Kubona nwebo kamulitonta kuzwa kulinwebo okulilanganya nobeni kutelela buumi butamani, mulange, tuyolanga kuli basimasi. ⁴⁷ Kambo namuya mwami watulailila, nakati'ndakusala mbuli mumuni kulibasimasi, kuti wete lufutuko kumabazu ense enyika. ⁴⁸ Basimasi nibakanvwa eezi, bakanonenwa okulumbaizya jwi lya mwami. Mbuli banji mbubasalidwe kubuumi butamani bakashoma. ⁴⁹ Jwi lya mwami lyakamwaisigwa cisi ceense mocizulwa. ⁵⁰ Pele majuda bakasongelezya banakazi bamasi bazibidwe maningi abalumi bo lupati-pati becisi. Bakatalika kupenzya Paulo o Banabasi okubatanda kuzwa mucoko cabo. ⁵¹ Pele Paulo o Banabasi bakatukununa suko lyabo kuzwa kumaulu abo kulimbabo. ⁵² Mponya bakainka kucisi ca Ikoniyumu. Mponyabasikwiya bakazula kunonenwa o muuya usalala.