¹ Ino mumunzi wa Kaesala kwali umwi mwalumi Konelius ndelyali zina lyakwe, mupati wenkamu yabasikalumamba ku Italian wali muntu. ² Wali muntu ulipede, wali umwi wali kuyowa abe nganda yakwe yense, wali kugwasya bantu, ape okukomba Leza chokutalekelezya. ³ Munako yomusikati, wakabona muchilangano mungelo kabuza kulinguwe, mungelo wakamwambila kuti, "Koneliyas." ⁴ Koneliyas wakamulangisisya mungelo ape wali yowide loko ponya wakateti, "Ino ninzi echi, omwami?" Mungelo wakateti kulinguwe, "Kombyo zyako ape okugwasya kwako kwasika kujulu mbulu chipaizyo chiyeyigwa mubusya bwaleza. ⁵ Eno tuma balumi kumunzi wa Joppa kuti bakete mwalumi wezina lya Simoni oyo witina kuti Petro. ⁶ Ukala kuli Simoni sikuluka masila. Nganda yakwe ili kumbali olwizi." ⁷ Ino nakainka mungelo wakambola aguwe, Koneliyas wakaita bazike bobile bomu nganda yakwe, ape osikalumambi ukomba kuzina akati kabo bali kumubelekela. ⁸ Koneliyas wakabambila zyense zyacitika onya wakabajuma ku Joppa. ⁹ Ino mubuzuba bwakachilila munako yokusenu nibachili kobweda kusika afwi-fwi omunzi Petro wakatanta enganda kuti akombe. ¹⁰ Ponyina wakafwa nzala, wakayanda chimwi kuti alye- pele bantu nibacili kujika zyokulya zimwi, wakapegwa chilengano. ¹¹ Ponya wakabona julu lyajuka ponya echimwi chintu celu kuseluka, chibende anga ndisila pati chobuza ansi anyika, chiza ansi muzyoko zyense. ¹² Muli chicho mwali banyama bense bamaulu osanwe ape ezintu zikokoba anyika, ape abayuni bomujulu. ¹³ Ponyina ifwi lyakakamwambeda; Petro, Jayaponya ulye." ¹⁴ Pele Petro wakateti, "Kutaba namu, mwami, kambo sinolya chintu chitondwa ape echitasalali." ¹⁵ Pele jwi lyakaza kuli nguwe ape munako yabili; chasalazya Leza, utachiti kuti chili sofu ende." ¹⁶ Echi chakachitika twendo totatwe; ponyinawo busila lyakapilusigwa mujulu. ¹⁷ Inowo Petro nachilyangene kuti echi chilengano chabona kuti chambanzi, ponya, balumi abo baka tumwa kuli Koneliyasi bakaima amulyango, nikwakamana bakabuzya nzila yinka kunganda. ¹⁸ Bakaita ponya okubuzya na Simoni, oyo wali kwitw kuti Petro, na wali kukala awo. ¹⁹ Petro nachili kuyeya zyechi lengano, muya wakajeti kulinguwe, "Langa, balumi botatwe bo bukulangola. ²⁰ Nyamuka koya ansi ponya winke ambabo uta donaiki kwinka ambabo, kambo ndimendabatuma." ²¹ Ponyano Petro wakaseluka kubalumi ponya wakateti, "Ngondime ngumobu yandola, no mwazidanzi?" ²² Mbabo bakateti, "Mupati wabasi kalumamba wezina lya Koneliyasi, muntu usalala umwi wabo uyoina Leza, ape ulumbazigwa kuzisi zyense zyaba Juda, bakapedwe mulumbwe uzwa mungelo usalala wa Leza okutinambila kuti tutumine yebo kuti uze ku nganda yakine, kutengina akaswilizye muli uzwa kuli yebo. ²³ "Ponya Petro wakabatamba kuti bamjile oku zokala nguwe. Nibwakacha wakanyamuka okwinka ambabo, ponya bamwi bazyalwanyina bali kuzina ku Joppa bakamuchilila. ²⁴ Mubuzuba bwakachilila bakaza kuti Kayesala, Koneliya wali kubalindila; watide antomwi babuluhu bakwe ape abenzinyina bali afwi-fwi anguwe. ²⁵ Chakacitika chokuti ino Petro nakanjila, koneli yas wakamuswana ponya wakawa ansi amauluakwe kuti amukombe. ²⁶ Pele Petro wakamugwasya kwima, wakateti, '' ima! ambo ndili muntu.'' ²⁷ Petro nauli kwambola anguwe, wakanjila mukati ponya wakajana bantu banji babunge ne antomwi. ²⁸ Wakateti kuli mbabo, "Nyemb nobamukamweni mulizi kuti tachisi mumulao mwalumi we chi Juda kuvwalangana na okupotela muzinakule. Pele Leza wanditondelya kuti Tandilukende kwita mwalumi wense kuti ulisofwe na kuta salala. ²⁹ Checico eci takwe nindaza enkazi, nindakatumwa kuli Yebo. Ponya ndakabuzya kambo nzi ni wakandituma." ³⁰ Koneliyas wakajeti, "Mazuba osanu eli eyi nako, ndalikukomba anako ye nkasalizya munganda yanngu; Ndakabona, kunembo lyangu kwakaima mwalumi wazwede zibiya zibenya. ³¹ Wakateti, 'Koneliyas, nkombyo yako yawingwao Leza, ape okugwasya kwako kwapa kuti Leza akuyubulukwe. ³² Ino tuma umwi ku Joppa,ponya nkalitile mwalumi wezina lya Simoni oyo witwa kuti Petro. Ukala minganda yasikusuma wezina lya Simoni, ino akuza, uyombola kuli yebo. ³³ Ponya ape andamutuma kuli yebo. Wachita ka botu kuza. Ino ponyina, kutuli twense ano ku menso aleza kuti tunuwe zyense ezyo zyaka kulaelela mwami kuti wambe. "Kwinda kuti tulaeleline omwami mbwamba. ³⁴ Ponyina Petro wakajula mulomo wakwe ponya wakateti,"Masimpe, ndabona kuti Leza tasaluli. ³⁵ Kwinda kuti, muzisi zyense oyo umwi uyowo nguwe ape uchita milimo isalala ulatambula kuli nguwe. ³⁶ Nyweso mulizi mulumbe ngwakatuma kubantu boku Izilaeli, ino wakambilizya mulumbe muboju wo lumuno kwindila muli Jesu Kilisitu, oyo mwami wabense. ³⁷ Nywebo nobamukamweni muli zicito zyalikuba, zyakaba mu Judeya mwense, kujalikila mu Galileya, nikwakamana lubabatizyo olo ndwakabilizya Joni; ³⁸ Zichito zijatilikizya Jesu woku nazareta, mbuli Leza mbwakamunanuka omuya usa lala ape enguzu. Wakainka kabuchita zibotu ponya okuponia abo bense badyaminidwe osasani, kambo Leza wali anguwe. ³⁹ Tuli bakamboni bezintu zyense zyakachita Jesu, mwense muzisi zya ma Juda omu Jelusalemu. Bakamujaya kwindila mukumusunga amusamu, ⁴⁰ pele Leza wakamubusya mubuzuba bwatatu ponya wakamutondezya, ⁴¹ kutaisi kubantu bense, pele kuli buyo abo bakamboni mbakasala kusanguna Leza kuli sweebo twatakalya okunywa anguwe nakabuka kuzwa kubafu. ⁴² Wakatulailila kuti tukambauke kubantu ape okupa bukamboni kuti oyu ngonguwe Leza ngwakasa kuti abe mubetesi wabapona ape abafwide. ⁴³ Chili kulinguwe kuti basinsimi bense bape bumboni, kutegwa bense bashoma mulinguwe baka konzye kutambula kulekelelwa kwezinyonyono kwindila muzina lyakwe. ⁴⁴ Petro nachili kwamba ezi zintu, muya usalala wakawida ali abo bense bali kusibilizya mulumbe. ⁴⁵ Bantu baka zulwida mbunga yaba shoni bapalindwe bense abo bakaza o Petro bakakomokwa, kambo chipengo chomuya usalala wakatilwa okuli bamasi. ⁴⁶ Kambo bakamvwa abo bamasi kwambola mundimi zisiene oku lumbaizya Leza. Ponyina Petro wakataba, ⁴⁷ "Kokuti takwe muntu atakasye manzi kuzwa kuli aba bantu kutegwa batababatizi twi, aba bantu batambula muya usalala muli swebo?" ⁴⁸ Ponyina waka balaelela kuti baba batizigwe muzina lya Jesu Kilistu, ponyina bakamu kumbila kuti akale ambabo kwamazuba.