¹ Kono Saulo, wachili kwambola kukonga zyoku jaya basikaiya bo mwai, wakainka kumupaizi mupati ² mponya wakamukumbila magwalo oku sinagogi ku Damascus, kutegwa kuti na akujana kufumbwa uzulilwa kuli eyo nzila, nikuba mwalumi na mwanakazi,, kuti akonzye kubeta kabangidwe kujelusalemu. ³ Nachili kobwenda echi chakachitika kuti nakasika afwi-fwi oku Damascus, ponyima ano kwakamunika alinguwe mumuni wakazwa kujulu; ⁴ ponyina wakawa ansi ponya wakamuha jwi liteti kuntu nguwe, "Saulo,Saulo, undipenzezyanzi?" ⁵ Saulo wakatamba, "Ndiweni, mwami? "Mwami wakateti, "Ndime Jesu, ngopenzya; ⁶ pele nyamuka , unjile mumunzi, ponyina ulambilwa cotocite." ⁷ Balumi bokobwenda o saulo bakaima kubula chkwamba kumvwa jwi, pele takwe ngubakabona. ⁸ Saulo wakanyamuka kuzwnsi, ponyina wakajula menso akwe, takwe chakabona; bakamwenzya kabamujesi kujanza kumujo la ku Damasiko. ⁹ Kwamazuba otatwe talikubona, ape takwe nakalya na kunywa. ¹⁰ Ino ku Damasiko konali sikwiya wezina lya Ananias. Mwami wakamwambila muchi lengano, "Ananias!"Wakateti, "Bona, Ndili ano, mwami." ¹¹ Mwami waketi kulinguwe, "Nyamuka, ape koya mukazila kategina isumene, ape oku nganda ya Juda ubuzye mwalumi uzwa ku Taesus we zina lya Saulo, kambo ulikukomba. ¹² Wabona muchilengano mwalumi wezina lya Ananias wobuza kuzobika manza alinguwe kuti abone ape." ¹³ Pele Ananias wakataba, "Mwami, ndaka mvwa kuzwa kubanji zyamba oyu mwalumi, bubi bunji mwakachita kubantu bako basalala mu Jelusalemu. ¹⁴ Ulijesi nguzu kuzwa kumupaizi mupati kuti ange bense kuno abo banta azi na lyako." ¹⁵ Pele mwami wakateti kuli nguwe, "Koya, kambo ndamusla kuba chibelesyo changu, kunyamuna ina lyambu akati ka kabamasi ponya okubami ape okubana ba Izilaeli; ¹⁶ kambo ndiyomutondezya zinji zya yope nga kambo kezina lyangu." ¹⁷ Ponyana Ananias wakainka, okunjila mu nganda kubika manza akwe alingune, wakateti, "Omuzyalwama saulo, mwami Jesu, wakalitondezya kuli yebo munzila ni wali kuyobuza, wanditunza kutegina yebo u konzye kutambula kubona ape uzule omuyu usalala." ¹⁸ Ponyinawo kumenso akine kwakazwa zintu ziswana anga makina zyakawa kuzwa kumesnso a Saulo, ponya waka bona! Wakanyamuka ponyina waka babatizigina; ¹⁹ ape wakalya ponyina wakadiya wkaka la abasikwiya mu Damasiko kwamazuba abalwa. ²⁰ Ponyinawo wakakambauka Jesu muziko mbelo, kuteti mwana Leza. ²¹ Abo bense bakamunwa bakakomokwa. Ponya bakateti, "Kokuti taisi nguwe oyu mwaluni wakanyonyona abo bakata muzina eli mu Jelusalemu? Waza kuno kuzo babweza kubanga kumupaizi mupati. ²² "Pele Saulo, wali kuyo bukomena mu nguzu, ponya inketelezya kunyongana akati kaba Juda abo bali kukala mu Damasiko nakabatondezya kuti Jesu ngu Kilistu. ²³ Nikwakainda mazuba manji, majuda baka kanza beense kuti bamujaye. ²⁴ Pele Saulo wakauziba muzezo wabo. Bakaima amilyango musikati ape amasiku kuti bamujaye. ²⁵ Pele basikwiya bakwe bakamwinzya masiku kumuselusya muncizuma kubulambo. ²⁶ Ino nakasika ku Jelusalemu, Saulo wakasola kuswanana abasikwiya, pele baka muyowa bense, takwe nibakashoma kuti wali sikwiya. ²⁷ Pele Banabas wakamubweza kumutola kubapostolo, ponya wakabambila saulo mbwakabona mwami munzila ape omwami mbwakambola kuli nguine, ape Saulo mbwa kakambalika chenguzu ku Damasiko muzina lya Jesu. ²⁸ Wali ambabo, nakainka kunjila ape okuzwa kunobuzinguluka mu Jelusalemu. Wakambola chenguzu muzina lyo mwami Jesu. ²⁹ Ponya wakakazyanya aba glecian Juda; pele bakasola kunyanda kumujaya. ³⁰ Ino bazyalwanyina nibaisamuwa namu bakamutola kuli kaisaela ponya okumutandila ku Tarso. ³¹ Ino ponya, chikombelo chomu Judeya, Galilaya, ape Samaliya, wakaba olumuno ape wakayakwa! Ape okwenda mukuyowa mwami ape omukumbulizigwa omuya usalala. Chikombelo chakakomena okuyungizizigina. ³² Nikwakamanawo, Peter nakamana kwendela zibaka zyense, wakasika kubantu baleza ba salala abo bali kukala mumunzi wali kwitw kuti Luda. ³³ Oko kwakakujana umwi muntu wezina lya Eneya' , walede mubulo bwakwe kwe myaka ili musanu eyi tatu, kambo wayumide mubili. ³⁴ Petro wakateti kulingu ine, "Eneyas, Jesu kilistu wakuponya. Buka nyamuna bulo bwako, "Ponyina aho wakabuka. ³⁵ Ponya bense abo bali kukala mu Luda ape omu Sarona bakamubona oyu mwaluni ponya bakasandukala kumwami ³⁶ Ino mu Joppa kwali sikwiya umwi wali kwitwa Tabita (Echi cipandulula "Dorika"). Oyu mwanakazi wakalizwide emilimo mibotu ape emichito yoluse eyo njakachita kubachete. ³⁷ Chakacitika kuti muli ayo mazuba wakachiswa okufinai; ino nibakamusanzya, bakamula zika munganda yomujula. ³⁸ Ino Luda yali afwi-fwi o Joppa, ponyina basikwiya nibakanvwa kuti Petro kwali, bakamutumina bantu bobile, kumukombelezya, "nKoza kuli cho kutachedwa." ³⁹ Ponya Petro wakanyamuka kwinka ambaba ino nibakasika, bakamutola munganda yomunjulu, ponya bamukabafu bakaima ali nguine ka balila, kumutondezya zibaki ezizwato zyali kusuma Dorika nachili kupona ambobo ⁴⁰ Petro wakabatandila anze bense kuzwa mu nganda, wakafukama, okukomba; Ponya, waka sandukila kumutunta, wakateti, "Tabita, buka."Ponyina wakajula menso akwe, ponya nakabona Petro wakakala. ⁴¹ Ponya Petro wakamupa janza lyakine o kumwimika; Ponya wakaija bantu baleza basalala ape abukamufu, wakabetela nguwe kapona. ⁴² Eyi nkani yakazibika mwense mu Joppa, ponya bantu banji bakashoma mumwami. ⁴³ Mponya wakakala mazuba manyi mu Joppa oumwi Simoni musumi wamasila.