¹ Utanopatokili muntu mupati cobukali, mubusena bokuti, umulailile anga mbauso. Ambabo bakubusi balailile mbuli beense bako, ² machembele bapati mbuli ma mama, ambi macembele banini mbuli macizi, mumoyo usalalala. ³ Balemeke bamukabafu. ⁴ Pele na mukamufu ujisi bana na bazikulu, amubaleke pili baiye kutondezya bulemu ku maanda abo. Amubaleke babwedezya bazyali babo, nkambo eci cilabotezya kuli leza. ⁵ Pele ino oyo mukamufu weni weni, usyeede alike, ubikide buyo olushomo lwakwe muli leza okuzwidilizya kwinka anembo okukomba masiku asikati. ⁶ Nikuba kuti, mwanakazi uyanda kulibotezya wafwa kale nikuba kuti ucipona. ⁷ Balailile ezi zintu zyeense, mukuti babule kampenda ⁸ kuti muntu tabambi lwakwe kwambisya bomukwasyi wakwe mweni, oyu wasowa lushomo lwakwe ambi mubi kwinda utashomi. ⁹ Amuleke mwanakazi abalilizigwe kuti ngumukamufu kuti katainsi munini kwinda myaka yama kumi ali musanu omumwi, mwanakazi wo mwalumi womwi. ¹⁰ Mwanakazi izibinkene mukucita zintu, na nkooko wakabamba kabotu bana bakwe, wali sichimwa beenzu, wali ku beleka bantu ba leza cokulibombya, wali kugwasya bapengede, ambi walikulipa kumilimo mibotu yeense. ¹¹ Pele kuli abo bamukabafu bacili banini, kaka kulemba muli eyo nkamu. Nkambo zisusi zyaba zunda balasiya kilisitu, okukwatwa ambi. Mponya namu balabisya nkambo takwe nibabamba nzibakashomezya. ¹² Mucindi nconyina, balaba obukandu okunoendeda munganda abantu. ¹³ Tabali buyo bakandu pele bambola ezya malabali banjilila twambo tutabayeme, baamba nzibatelede. ¹⁴ Ncecico eco nceyanda kuti bamukabafu bacili banini bakwetwe, bazyale bana, babambe naanda abo, okuti basinkondoma babule mbubatubelekezya. ¹⁵ Nkaambo mpubali kale bamwi bamukabafu bakasanduka okutobela satani. ¹⁶ Kuti na kakuli mwanakazi mushomi ujisyi bomukowa ba mukamufu omumuleke abagwasye, mukuti mbungano itanyamunywu mukuli wakwe. ¹⁷ Amuleke baalu beendelezya mbungano kabotu balemekwe kwindilila, kwambisya abo boonda mulimo wokukamboka okwisya. ¹⁸ Nkaambo malembe amba kuti,ütamwangi kumulomo mupulu uma maila."ambi simulimo ulelede kujana bulumbu bwakwe. ¹⁹ Utanozuminina kaambo kambwa mwalu aati kuti kakuli bakamboni bobile na botatwe. Balaye basikucita zibi boonse catangalala kucita kuti bayowela mpawo. ²⁰ Ndikumbila mukwamba mukuti, leza o kilisitu jesu ambi abangelo basalele, babambe ezi zyoonse kakutakwe lusalululo, kakutatwe kucita cili coonse mukuyanda umwi. ²¹ Ndikulailila mukwamba mukuti, leza o kilisito Jesus ambi abangelo basalele, bambae ezi zyoonse kakutakwe lusalululo, kakutakwe kucita cili conse mukuyanda umwi. ²² Utanofwambi kubika maanza ako alimwi mutabani zibi zyoumwi. Welede kulibamba lwako omweni. ²³ Utacinywi manzi. Mucindi cokuti, pele kobelesya otwani tokugwasya mwida nkambo mboli sibukila bulo. ²⁴ Zibi zyabamwi bantu zilalibonya, ambi zilabasolwedela kukubetetwa. Pele zimwi zibi zicilila musule. ²⁵ Mbonyina namuya imwi milimo mibotu ilizibikeni, pele nikuba imwi ikonzyi kusiswa.