¹ Ncobeni muuya usalala ulamba kuti cindi ciza bamwi bayosiya lushomo okuyogama kuswilila njisyo zyobubeji zzwa kumyuuya mibi. ² Njisyo zyabasikupa amenso babeji, bali emyoyo yakalibala yakadintwa acisimbi cipiya. ³ Bo balalesya bantu kukwatana okusesya zilyo zimwi leza nzyaakalenga kuti abo bashomamokuziba zye nchonzyo balye cokulumba leza. ⁴ Kufumbwa nzyakalenga leza nzibotu. ambi takwe citambulwa cokulumba leza cikakwa. ⁵ Nkambo amwi a leza okukomba cokulumba zyamba zisalala. ⁶ Na kuti waiyisya bashominyoko zintu ezi, ulaba simulimo mubotu wa Jesu kilisito. Nkaambo yebo ulisikwa amajwi olushomo ambi kwiinda munjisyo mbotu ezya nzyitutibela. ⁷ Pele kokaka twaano tobuyo tuyandwa amachembele. Muchindi cokuti ulisye kuba obuumi bokupa leza bulemu. ⁸ Kuyiisya mubili kulagwasya bunini, pele buumi bokulemeka leza bulagwasya muzintu zyoonse. Nkaambo bulashomezya zileleko obuumi bweni awa o buumi buciza. ⁹ Majwi aya aleelede kwashoma okwaatambula. ¹⁰ Ncecoco ncitubeleka cenguzu okulwanina, nkambo tulolushomo kuli leza upona, oyo kali ngomuisyi wabantu beense, pele mukwambisya ngwabo bashoma. ¹¹ Kolailila okwiyisya zintu ezi. ¹² Kutabi muntu ukubausya akaambo kokuti uliminini. Mucindi cokuti kuli abo basyoma, babe citondezyo mukwambola, mubwende, mulushomo, omukusalala moyo. ¹³ Kusiskila ndizoze, sungwala mukubala malembe, okukamboka, okwiyisya. ¹⁴ Utauboosyi cipego eco cili muli yebo, echo cakapegwa kuli yebo kwinda mu businisimi, ciindi bapati bembungano nibakakubika maanza. ¹⁵ Sungwala kuli ezi zintu. Ba muli nzyizyo, mukuti beense babone kuti buumi bwako bobuna kilisitu buyobukomena. ¹⁶ Ulibambe kabotu lwako e njisyo nzyoisya. Zizwidilila muli ezi zintu, nkambo wacita namuya, niinga ulalifutula lwako ambi abo bakuswilila.