¹ Amubaleke bense bali mu jokwe mbuli bazike bape basimalelabo bulemu bwense. Balede kucita namuya kutegwa zina lya leza enjisyozitasampoliki. ² Bazike bajesi basimalelo bazumide tabaelede kutabatondezya bulemu nkambo mbazyalwanyina. Nikuba namu belede kubabelekela kwinda, nkambo basimalelo bagwasigwa o mulimo wabo mbazumini ape mbayande. Iyisya ape ulalailila zintu ezi. ³ Kuti umwi wayisya njisyo zyokubeja ape katazuminani amajwi eni eni i mwami wesu Jesu kilisisto ape enjisyo zyo mwami, ⁴ Ulatwanga ape takwe ncamvwa. Ujesi moyo uciswa wokuyandisya kukazyanya kazyanya amatwi ayetela munyono, kukazyanya, kusampolana kuyeyelana zibi. ⁵ Okulwana akati kabantu batajesi mano batazi lusinizyo. Bakasweka masimpe ape bayeya kuti bubotu njezila yokujana mali manji. ⁶ Ino bubotu bokulamwa nimpindu mpata, ⁷ Nkambo takwe citwakaza aco munyika ape takwe ncitukonzya kutolelezya kuzwa muli njiyo. ⁸ Nikuba namu atakutile ezyakulya ape enzya kuzwata. ⁹ Ino abo bayanda kuvuba bawida mumasunkusyo, mu kakole. Bawida mu zintu zyobufubafuba ape omukunyonyoka, ape mu zintu zimwi ezyo zibawidizya mumapenzi omulunyonyoko. ¹⁰ Nkambo kuyadisya mali ngomuyanda wo bubi bwense. Bamwi bantu bazi yandisya bakazwa mumuzumino okuti jana mumapenzi manji. ¹¹ Pele yebo, omuntu wa leza ligwisye kuzintu ezi. Soleka bululami, bubotu, muzumina, luyando lukakatio, ape okulibombya. ¹² Lwana nkondo mbotu yomuzumino. Jatisya ku bumi butamani obo mbuwakaitilwa, ape mbuwakambilizya kabotu kumenso abakamboni banji. ¹³ Ndapa malailile aya kumenso a leza, upa bumi kuzintu zyeense, obwa jesu kilisito, wakapa bumboni bubotu kunembo lya ponso Pilato. ¹⁴ Kuti ubambe mulawo kakutakwe kampenda manga butongo kusikila kuyubululwa ko mwami wesu kilisito. ¹⁵ Leza uyoyubununa bube bwa kilisito mu cindi celede_leza, ulelekidwe ape ngosinguzu, mwami wa bami ape mwendelezi wa bendelezi. ¹⁶ Inguwe alike ngutafwi ape ngukala mu mumuni utaswenwa afwifwi. Takwe muntu umubona nanga kumuzibulula. Kuti nguwe akube bulemu ape obulelo butamani. Akube namuya. ¹⁷ Balailile ba vubi muno mu nyika kuti batanotwanga ape natanoshoma mu buvubi, butasyomeki. Balede kusyoma muli leza ualapa kuli swebo buvubi bwe nconzyo kuti tunonenwe. ¹⁸ Bambile kuti bacite ziboyu, kuti bavube mu milimo mibotu, ape okuba o luyandisyo lwakabana. ¹⁹ Muli eyo nzila bayoliyobweda ntalisyo mbotu kuli ezyo ziciza, nkokuti bakajate bumi bwe nconzyo. ²⁰ Timoti, zibambe ezyo zyakapegwa kuli yebo. Tantamuka kuli zitawo leka kwamba kokukazyana, ape emizezo yo buyo, eyo yobubeji iba mbuli kuti nduzibo. ²¹ Bamwi bantu balazika mbauka ezi zintu ape bakapalizya kuzwa mu lusyomo. lise alube anywibo.