¹ Morago ga dilo tse lefoko la Modimo Yawe la tla kwa go Aborama mo ponatshegelong, le re, '' o seka wa boifa Aborama! ke nna thebe ya gago le tuelo ya gago.'' ² Aborama a re , '' Morena Yahweh, o tlaa mpha eng,ka ke tsweletse ke sena ngwana le moja boswa wa ntlo yame ke Eliesa wa Damaseko?'' ³ Aborama a re , ''ka ga o a mpha dikokomane, bona yo o tshotsweng mo ntlong yame o tla nna mojaboswa!'' ⁴ Jaanong bonang , lefoko la Modimo Yawe la tla kwa go ene le re, ''Monna yo ga e ka ke ya nna mojaboswa wa gago,mme ene yo o tswang mo mmeleng wa gago e tla nna ene mojaboswa ja gago.'' ⁵ Jalo a mo ntshetsa kwa ntle , a re, ''Lelala kwa legodimong mme o bale dinaledi , fa o ka kgona go di bala''. Jalo a mo raa a re, ''ke ka fa kokomane ya gago e tla nnang ka teng.'' ⁶ Aborama a dumela Modimo Yawe, jalo ene a go mmalela e le tshiamo. ⁷ A mo raya a re '' ke nna Modimo Yawe yo o go ntshitseng kwa Ure wa Bakalathea go go fa lefatshe le gore o le je boswa'' ⁸ A re Morena Yahweh, ke tla itse jang gore ke tla le ja boswa. ⁹ Jalo a mo raya a re, ''ntisetse kgomo ya moroba e e dingwaga tse 3, podi e e namagadi e e dingwaga tse 3 ,phelefu ya dingwaga tse 3, lephoi le leebana.'' ¹⁰ A tlisa dilo tse tsotlhe, a di kgaogana ka bogare , a baa bontlha bo bongwe go lebagana le bo bongwe, mme a seka a kgaoganya dinonyane. ¹¹ Fa dinonyane tse di jang nama di fologela mo ditopong tseo, Aborahama a di koba. ¹² Ya re letsatsi le phirima, Aborama a otsela a robala boroko jo bogolo, a khurumediwa ke lefifi le lentsho le le tshosang. ¹³ Jaanong Modimo Yawe a raya Aborama a re, ''itse se gore kokomane ya gago e tla nna baeng mo lefatsheng le eseng la bone, ba tla nna makgoba ba gatelelwa mo dingwageng di le 400. ¹⁴ Ke tla atlhola morafe o ba tla o direlang, morago ba tlaa tswa mo lefatsheng leo ka lehumo le lentsi. ¹⁵ Mme wena o robala le bo rrago ka kagiso, o tlaa bolokwa mo dingwageng tsa gago tsa botsofe. ¹⁶ Kokomane ya gago ya bone e tla a boela fano gape, ka gore maleo a Baamone ga ise a gole mo go kalo. ¹⁷ Yare letsatsi le sena go phirima go le lefifi ,bona, pitsa ee tukang ka kgabo ya molelo le lebone lele tukang tsa feta mo gare ga maphatlo. ¹⁸ Mo letsatsing leo Modimo Yawe a dira kgolagano le Aborame, a re,'' ke neela dikokomane tsa gago lefatshe le, go tswa mo nokeng ya Egepeto go ya kwa nokeng e kgolo ya Eupherathe e le lefatshe la ¹⁹ Bakeni, Bakenisi, Bakathemone, ²⁰ Bahite, Baperesi, Barephari, ²¹ Baamoni, Bakanana, Bagirigase le Bajebusi.