¹ Kwekugcina bazalwane bami, Tfokotani eNkhosini. nginibhalela loku njalonjalo kini ngobe nitositakala. ² Caphelani tinja , nicaphele tisebenti tebubi. caphelani bekusika imitimba yenu. ³ Kepha labasoke sibili-labo labakhonta Nkulunkulu ngaMoya waNkulunkulu, sitibonga kuKhristu Jesu, asetsembeli enyameni. ⁴ Nome nami bengingatsembela enyameni. nangabe ukhona longacabanga kutsi angetsembela enyameni , ngabe ngimi kakhulu. ⁵ Ngasoka elangeni lesiphohlongo, kubantfu bakaIstrayeli, wesive sakaBhenjamini, umHebheru wemaHebheru; ngekwemtsetfo ngumFarisi ⁶ Njengemtingeli, ngahlukubeta libandla; ngekulunga kwemtsetfo, angisolekanga. ⁷ Kepha lokwabayinzuzo kimi, ngakushaya indiva ngnca yaKhristu ⁸ Yebo konkhe ngekushaye indiva ngebukhulu bekumati Khristu Jesu iNkhosi yami. Ngaye ngikushiye tonkhe tintfo-ngikushaye tibi-kute ngizuze Khristu ⁹ ngitfolwe kuye, kute kungabi kulunga kwami ngekwemtsetfo, kepha kube ngekukholwa kuKhristu -lokulunga lokuvele kuNkulunkulu kungekukholwa. ¹⁰ Manje ngifuna kumati nemandla ekuvuka kwakhe kanye nekuhlanganyela etihluphekweni takhe, ngifane naye ngekufa kwakhe, ¹¹ kute nakungenteka nami ngikubone kuvuswa kwalabafile ¹² Akusho kutsi konkhe loku sengikubambile noma ngimsulwa, kepha ngicondze kutsi kube ngekwami njengobe ngazuzwa nguKhristu Jesu. ¹³ Bazalwane angicabangi kutsi nami lucobo sengikubambile. Kepha kunye lengikwentako: ngiyakhohlwa ngelimuva kepha ngitilulela kulokusembili. ¹⁴ Ngibabele emgomeni kuyawemukela umklomelo waseZulwini ngekubitwa nguNkulunkulu ngaKhristu Jesu. ¹⁵ Sonkhe tsine lesesikhulile engcondvweni, asesicabange nganayi indlela; Uma ngabe ucabanga ngalokwehlukile nome ngayini, Nkulunkulu utoveta loku kuwe. ¹⁶ Kuphela lesisifikile kuko asibambelele kuko ¹⁷ Ngilingiseni , bazalwane. Sondzelani nibuke laba labahamba ngetibonelo letibona kitsi. ¹⁸ Banyenti bayahamba-labo lengingakake nganitjela ngabo, nyalo nginitjela ngetinyembeti- nje ngetitsa tesiphambano saKhristu. ¹⁹ Siphetfo sabo kufa. ngobe nkulunkulu wabo sisu sabo, kanjalo neludvumo lwabo lingemahloni. Bacabanga ngetintfo temhlaba. ²⁰ Kepha tsine buve betfu buseZulwini lapho silindzele khona uMsindzisi , iNkhosi Jesu Khristu. ²¹ Uyawugucula imitimba yetfu yaphasi ifane nemtimba wakhe wenkhatimulo, ngemandla akhe langehlela ngawo wonkhe ngephasi kwakhe