¹ Nangabe kukhona kukhutsateka kuKhristu , nangabe kukhona kudvudvuteka lokuvela ngelutsandvo, nangabe bukhona budlelwane ngamoya, nani nesisa nesihe , ² Ngako ke ngijabuliseni ngekuba mucondvo munye, nibe nelutsandvo , nibe munye kuMoya, niphindze nibe nanhloso yinye ³ Ningenti lutfo ngembango nobe ngeludvumo lwelive. Kepha ngekutfobeka yentani labanye babe ncono kunani. ⁴ Nguloyo naloyo anganakekeli kwakhe ,kepha anakekele nekwalabanye. ⁵ Banini nalomcondvo lowawuku Khristu Jesu , ⁶ Lona,yena lowaphila anesimo saNkulunkulu, kepha wangete watilinganisa naNkulunkulu nje ngentfo langabambelela kuyo. ⁷ Kunaloko watidzela watsatsa simo sekuba sisebenti, watalwa waba nje ngebantfu. ⁸ Watitfoba wadzimate walalalela kwate kwabasekufeni, kufa kwesiphambano! ⁹ Ngako Nkulunkulu naye wamphakamisa kakhulu wamnika libito lelalingetulu kwawo onkhe emabito. ¹⁰ Wakwenta loko egameni lenkhosi kute emadvolo onke akhotsame, emadvolo alabo labaseZulwini kanye nalabase mhlabeni nalawo laphasi kwemhlaba. ¹¹ Wakwenta loko kute netilwimi tonkhe tivume kutsi Jesu Khristu uyiNkhosi, enkhatimulweni yaNkulunkulu Babe ¹² Ngako, Bazalwane bami, benilalele , hhayi ebukhoneni bami kepha kakhulu manje sengingekho, sebentelani kusindziswa kwenu ngekwesaba nangekutfutfumela. ¹³ Njengobe kunguNkulunkulu losebenta kini kutsandza nekwenta ngekwetsandvo yakhe lenhle. ¹⁴ Yentani konkhe ngaphandle kwekukhonona nobe kuphikisana ¹⁵ kute ningasoleki futsi nibe msulwa, bantfwana baNkulunkulu ningasoleki emkhatsini wesitukulwane lesigwegwile nalesiphambene, kufanele nibe kukhanya emhlabeni. ¹⁶ Bambelelani evini lekuphila ngiyawuba nekutibonga ngelilanga laKhristu ngekutsi angigijimelanga lite nobe ngasebentela lite ¹⁷ Kepha nome mine bengingacitfwa njengemhlatjelo kumhlatjelwe kanye nekukholwa kwenu, mine ngajabula ngitfokote ngani. ¹⁸ Nani kanjalo kufanele nijabule nitfokote ngami ¹⁹ Kepha ngiyetsemba eNkhosini Jesu itotfumela Thimothewu kini madvutane, kute ngitewukhutsateleka nase ngati letintfo ngani. ²⁰ Nje ngobe ngite lofana naye, lona lonikhatsalelako nine. ²¹ Ngobe bonkhe batifunela tintfo tabo, hhayi tintfo taJesu Khristu ²² Kepha niyakwati kwetsembeka kwakhe, ngobe ayidvodzana yababe, ukhonte nami eVangelini. ²³ Ngiyetsemba ngitomtfumela masinyane nangibona kutsi kwami kuphelelaphi ngami. ²⁴ Ngiyetsemba eNkhosini kutsi mine ngiyabuya masinyane ²⁵ Kepha ngicabanga kutsi kubalulekile kutfumela Ephafrodithu aphindzele kini. Ungumnaketfu kanye nesisebenti, lisotja lophindze abe ngumendlulisi nesisebenti setidzingo tami. ²⁶ Njengobe abekhatsateke kakhulu ,alangatelela kuba nani, ngobe benati kutsi uyagula. ²⁷ Njengobe abegulela kufa. Kepha Nkulunkulu wabanemusa kuye, hhayi yena kuphela , kepha nakimi, kute ngingabi nelusizi elusizini. ²⁸ Ngaloko ngakukhutsalela kakhulu kumtfumela , kute nanimbona futsi nitfokote , nami ngibe nelusizana. ²⁹ Siyakwemukela Ephafrodithu eNkhosini ngekutfokota konkhe. Nhloniphani bantfu nje ngaye. ³⁰ Njengobe kwabangumsebenti waKhristu lowaphose wafa. Lowatidzela ngekuphila kwakhe kute agcwalise leningeke nikwente nisangikhonta