¹ Ngakoke, bazalwane bami lengibalangatelako, kujabula nemichele wami, manini nicine eNkhosini, bangani labatsandzekako. ² Ngiyabayala bo Evodiya naSintike kutsi ababe nemcondvo munye eNkhosini. ³ Yebo, ngiyanicela, mhlobo locotfo, nisite lomfati lebe asebenta nami ekwandziseni liVangeli, kanye naKlemente naletinye tisebenti lengibambisene nato, emabito abo lasencwadzini yekuphila. ⁴ Tfokotani eNkhosini ngaso sonkhe skhatsi.Ngiphindze ngisasho, Tfokotani. ⁵ Kubeketela kwenu lokucotfo akwatiwe ngibo bonkhe bantfu. INkhosi seyisedvutane. ⁶ Ningakhatsateki ngalutfo. kunaloko, kukhuleka kwenu nekuncusa kanye nekubonga, ticelo tenu atatiwe nguNkulunkulu, ⁷ Nekutfula kwaNkulunkulu, lokwendlula konkhe kucondza, kutolondvolota tinhlitiyo tenu kanye nemicabango yenu kuKhristu Jesu. ⁸ Kwekugcina, Bazalwane, konkhe lokumaciniso, konkhe lokuhloniphekako, kuko konkhe lokulungile, nangako konkhe lokumsulwa, nangako konkhe lokutsandzekako, nangako konkhe lokutusekako, nangabe kukhona lokuhle, nangabe kukhona lokubongekako, cabangani ngaletintfo. ⁹ Letintfo letifundzile kanye nalenikutfolile kanye nalenikuvila kanye nalenikubonile kimi, tenteni letintfo, Nkulunkulu wekutfula utoba nani. ¹⁰ Ngijabule kakhulu eNkhosini ngobe ekugcineni senite navusetela kunginakekela kwenu. Beninginakekela naphambilini, kepha benite litfuba lekungisita. ¹¹ Angikusho loko ngobe ngidzingile. Sengifundze kutsi ngeneliseke nome ngusiphi simo. ¹² Ngiyakwati kuhlupheka, kantsi futsi ngiyakwati nekubusa. noma ngayiphi indlela nasetintfweni tonkhe ngifundze imfihlo yekwesutsa nekulamba, nekwenetiseka kanye nekweswela. ¹³ Ngingakwenta konkhe ngaye longinika emandla. ¹⁴ Noko, nente kahle nekuhlanganyela nami ebumatimeni bami. ¹⁵ Nine baseFiliphu niyati ekucaleni kweliVangeli, ngalesikhatsi ngishiya Masedoniya, alikho libandla lelangeseka endzabeni yekupha kanye nekwemukela ngaphandle kwenu nodvwa. ¹⁶ Nome ngiseThesalonika, nake nangitfumela lusito ayi nakanye. ¹⁷ Akusikona kutsi ngifuna tipho. kunaloko, ngifuna sitselo lekungisona sitakwandzisa inzuzo kini. ¹⁸ Ngemukele konkhe ngalokugcwele, ngalokungetulu.ngenelisekile manje ngamukela nakuEphafrodithu tintfo lenati tfumela.Tingemakha lanuka kamnandzi, leminikelo yemukelekile futsi iyamtfokotisa naNkulunkulu. ¹⁹ Nkulunkulu wami utohlangabetana nato tonkhe tidzingo tenu ngemucebo webukhosi kuKhristu Jesu. ²⁰ Manje akube ludvumo kuNkulunkulu longuBabe wetfu, kuze kube nguphakadze naphakadze. Amen. ²¹ Mvuselani bonkhe labangcwele kuKhristu Jesu. Bazalwane lengikanye nabo bayanibingelela. ²² Bonkhe labangcwele baNkulunkulu lenginabo banibingelela, kakhulu endlini Khesari. ²³ Umusa weNkhosi Jesu Khristu awube nemoya wenu.