1 . Nadiba na Abihu, ana Aruni,a shimbange o mweya na omweya mu ka nyungu no ku tumbekela insense, keo aka yaka mulilo nayo,keo a paka insense poo;alete potho no Minya moyo mulilo wao wana shemwa ku alaela. 2 . Keo mulilo utunda kwa Minya moyo , wa tumbeka; keo a fa potho no Minya moyo . 3 . Mushe o a mbela Aruni ngao: Thonyiko namba Minya moyo ngao: kuingena kwange,mo ku mona ala kwa shenyina o kwange, keo moni tataeziwa kwa thicaba thoshe, keo Aruni o mwena . 4 . Mushe o i thana Mishaele ni Elizafani ana a Uziele, mina iwa Aruni , wambela ngao; Mushenyine kuno , keo mutundithe ana apenu kule na thino thibaka no kukena,panzi na mafulo. 5 A shenyeena, a tunditheza panze na mafulo mui apalo yoo; o mu ana laele Mushe . 6 Mushe o a mbela Aruni na anae ana thiyalapo, Eliazare na Itamare ngao; Ko muna balula mitwii zenu, shwango muyatula o yapalo yenu, ngao ko muna faa,Keo Minya moyo o shemwa ku lwanena kopano zoshee; mu teneke anaa apenu no nzuo za Isilaele oshe,a lile ana tumbekiwa, kalibaka la tumbekiwa a tumbulela Minya moyo . 7 Ko munatundela pa thelo no tende za kopano, ngao ko muna faa;kakuli oli no kuwethitha Minya moyo zekalo pa mitwi zenu. A tenda mwna ambele Mushe. 8 . Minya moyo o ambela Aruni ngao : 9 . Kona nwa veine kapa wala, o wee na anoe a pa mu tamba kuingena mu tendi zo kopano, ngao komuna faa.Mulao na kamita muma nako mu mathika enu oshee a wiya ; 10 . Ngao mulimuke ku lemua ethi njo Mulimu,nethi tha Mulimu ,ethi no kukena nethi no mbulula ku kena; 11 . Mulimuke na kuluta ana Isilaele milao zoshe thina piwa kwa Minya moyo, na mulomo wa Mushe. 12 . Mushe wambela Aruni ngao,na kwa Eliazare na Itamare anae a ili ana thiyalapo: Mushimbe nubu thina thiyalapo pa makin`ino a na tumbekeliwa Minya moyo, ethi thinakana kuza mumela, muthi lyele panze na aletare,kakuli thinakene yonene. 13 . Mo mu nzi lyela muno mu thibaka no kukena ; kakuli tho nyiko no tapeliwa o wee na noe mu ma kin`elo no tumbekela Minya moyo, kakuli no nyiko no ku laelwa. 14 . Kendi ezo mbando no ku tambekwa na litungi no ku nanulwa, momu elyela mu thibaka no kukena,o wee na noe no alume na no akazii,kakuli ina piwa o wee, Thono tapeliwa o we na anoe, mu ma kin`eno a uitumelo no anaa Isilaele. 15 . Kendi mathi a tumbekiwa pa mulilo , mwaleta o litungi no ku nanulwa na mbando no ku tambekwa, i letiwe na kutambekiwa potho no Minya moyo; mo i piluka yoe na anoe, mulao wa kamita ; mo nyiko na laelela Minya moyo. 16 . Mushe o i pula sicembwe no thitabelo baken`itha thibi ; kon`o o wana ngao thina tumbekiwa ; keo o lwanena Eliazare na Itamare anaa ana thiyala kwana Aruni ngao ; 17 . Eke munakanene ku thi lyela sicembwe tha thitabelo baken`itha thibi mu thibaka no ku kena? Kanti thinu no ku kena yo nene; Minya moyo o na miputho, ngao na tho mutunde thibi mu kopano , keo mu tendele kopano thebelezo za tifo baken`itha thibi zatho potho no Minya moyo . 18 . Mu mone, mane na unyinga watho njekale uletiwe mu thipaka thikenu; kanti kambe mo muna lyele thitabelo etho mu thibaka no kukena , o mu ina ku mi laela. 20 Aruni keo wa mbela Mushe, ngao; O mone pelo a na lete thitabelo baken`itha thibi, na thitabelo tho tha kutumbeka na mulilo potho no Minya moyo ; keo omee, o mu ina ni wiyele e yii yambo mo ni lyaa ngepi thitabelo baken`itha thibi ngao e thi thinu mothi piluka thinu thiwa mu mewo a Minya moyo? 19 Keo Mushe o yuba ngeyo o yubithitha.