1 . Pa liwa lyo u 8, Mushe opaka Aruni na anae , na akulu a thicaba tha Isilaele ; wa mbela Aruni ngao; 2 . O shimbe pohwana wa ngombe no thitabelo baken`isa thibi , na totolo za thitabelo no ku tumbeka, no mbula kunyathahala mu wiili wa yo, keo o ikin`ele potho za Minya moyo. 3 . O ambela ana Isilaele ngao ;Mu shimbe kamembe no mulumeka thitabelo baken`itha thibi ; na namani wa ngombe, na thiyunyi , no thilimo thimwea mu wiili wa yo, e i no mbula kunyazaala , ya thitabelo no ku tumbeka ; 4 . Kame mushimbe pulu na totolo tha thitabelo tha uitumelo, ngao i kinwele potho za Minya moyo; mu shimbe na nubu tho unga una wanekiwa na oli; kakuli pelo Minya moyo mwaku mona alitha o kwenu. 5 . A leta e i na laela Mushe potho no thelo wa tende za kopano ; keo o kopano zoshe thi thako,na kuimana potho no Minya moyo. 6 . Mushe wamba ngao; Momu tenda e i nomulaelwa kwa Minya moyo ngao muitende; keo o kuetha kwa Minya moyo mo kuku monaalitha o kwenu . 7 . Mushe wambela Aruni ngao; Mu nyakupele potho no aletare, mulete thitabelo yhoe baken`itha thibi, na thitabelo thoe no kutumbeka, keo otende thebelezo no tifo zoe, na tifo za thicaba o thi tendele thebelezo za tifo baken`itha thibi, o mu a na laele Minya moyo. 8 . Keo Aruni o sheneena ku aletare, na ku kin`a o namani wae no thitabelo baken`itha thibi, 9 . Ana Aruni a muletela unyinga ; o cupwa munwae wae mu unyinga, na ku shamwena mu mambango no aletare; o unyinga o u unathiyala poo,o u mwaela pashi apo kuna tomiwa aletare. 10 . Kono o maazi na lipio,na maazi no lwambanyama no kwishi za lyoli, a thitabelo baken`itha thibi, wa atumbeka pa aletare ; wendi o mu Minya moyo na laelela Mushe. 11 . Nyama na thipapa o i tumbekela panze no mafulo. 12 . Keo o kinya thitabelo tha ku tumbeka ; ana Aruni a muletela unyinga, o shamwaena aletare noho unyinga, ku mambango oshee. 13 . A muletela thitabelo tha kutumbeka, thitumba na thitumba,keo o mutwi, o u tumbeka pa aletare. 14 .O kusha e i no mulibumo na ipathi, na kuitumbeka na kuikambeka pa thitabelo no kutumbeka, pa aletare . 15 . Keo o tenditha thitabelo tha thicaba; o shimba sicembwe tha thitabelo baken`itha thibi tha thicaba, o thi kin`a ku thi tenda thitabelo baken`itha thibi, o mu a na tendele na sicembwe thi tangi . 16 . O tenda thitabelo tha kutumbeka kutha ka mulao wa thoo. 17 . O tenditha na nubu; o yomonamo ka mwea na likaha ; na kuutumbeka pa aletare panze na thitabelo tha kutumbeka e thi thinatendiwa mathikuthiku . 18 . O kinya poho na totolo, no thitabelotho uitumelo baken`itha thicaba; ana Aruni a muletela unyinga , keo o shamwena aletare nao unyinga mu mambango oshe. 19 . A muletela na maazi no ngombe na no ngu, muthila na muteto na lipio, na manzi no lwambanyama kwishi na lyoli . 20 . A paka mathii pa a mbando, keo o tumbeka mathi pa aletare; 21 . Aruni o tambeka na kuthetha o mbando na matungi yho ulyo, potho no Minya moyo, ngao o e nubu ni tambeka na kushwa; o mu na laela Mushe. 22 . Aruni o ondololela a makaa ae oku nelikwaikalela o thi thicaba,okeo o thifuyaula; keo apa naa manitha thitabelo baken`itha thibi, o thitabelo e thi no kutumbeka, na thitabelo no uitumelo, o shetumuka. 23 . Mushe na Aruni a i ngena mu tende no kopano , apo a na panamo keo o fuyaula thicaba; keo oni o kuetha kwa Minya moyo kukumona alitha kwa thicaba oshee. 24 . Kutunda mulilo potho no Minya moyo, o tumbeka thitabelo na mazi ana ikala pa aletare, thicaba thoshee oko thikumonena ; anu keo a tenda o muhuwo no kutabela, keo onkela pashii na lupala.