¹ . Minya moyo wamba na Mushe na Aruni ngao: ² . Mu ambele anaa Isilaele, ngao :E i e yoya mutamba kulya ku iyamana ili mu litunga : ³ . Thiyamana thipi na thipi thikwete mapathi no kukutapa , thikwete mapazi meeli, a tha sota muonyi, ⁴ . Kono ei i thota ambu,kapa i kwete mapazi no kukutapa ambu,eyo komu na ilya , wendi kamele, kakuli tha thota muonyi kono ka thikwete mapathi no kukutapa, tha mazilo o kwenu. ⁵ . Na sanondo, kakuli a sota muonyi kono ka kwete mapazi no kukutapa; yaye oyo wa mazilo o kwenu. ⁶ . Na kalumba, kakuli ka sota muonyi , kapiluke ka mazilo o kwenu. ⁷ . Na ngulu , kakuli shwango yo kwata mapazi no kukutapa, tuma paziana tuili,njeku sota muonyi; naye wa mazilo o kwenu . ⁸ . Komunalya nyama za yoo, shwango kuikwata ei kwata yo inafu; yamazilo o kwenu. ⁹ . Kwei no mumeyu, e i mutamba kulya ei : Yoshe i kwete meele na mayayukwei iyoya mu meeyu, kapa mu mawate kapa mu maambai, muipiluka ilya yenu. ¹⁰ . Kono yoshee no mbula meele na mayayu, no mu mawate na mu maambai, shwanga yoshe ienda mu meeyu, ei iyoyamo, muipiluka ya mazilo o kwenu. ¹¹ . E piluke ya mazilo omkwenu, ko munalya nyama zayo; na ibimbi yayo,ipiluke ya mazilo omkwenu. ¹² . No mumeyu yoshe no mbula meele na mayayu, ipiluke ya mazilo omkwenu. ¹³ . Kuin`unyi, ei mutamba kutopela ngao ya mazilo, ei nombula kuliwa: Mbande na ngonga, na n`wani, ¹⁴ . thipungu na mankoli, na kan`oti, mu mishobo zayo ; <sup>15</sup> . Na man`walala zoshe mu mishobo zayo,; ¹⁶ . Na sifi na lingomba, na sambamba, na sikakuwa, mu mishobo zayo; ¹⁷ . Ka kulun`un`u ,na mulindeti, na lisikita; ¹⁸ . Na lingwemba, na liya , na linon`u; <sup>19</sup> . Na mombo, na sitolo mu mishobo zayo; na mukuwela, na sikampafwa. <sup>20</sup> . Ei yendithi mubumo, nei ikwete ma mbaba na makondo mane, moi piluka ya mazilo okwenu; <sup>21</sup> . Kwei yendithi mabumo i kwete maulu mane,mo mu lya ei ikwete mitumbu peulo no makondo ayo,ei ishuluka pashi. <sup>22</sup> . Ei mutamba kulya ei: Linziye likulu mumishobo zayo,na limpasu mu mishobo zayo na lisende mu mishobo zayo, <sup>23</sup> . Kono ilongolo inyonyo ei ituka, ei ikwete maulo mane ,moipiluka ya mazilo o kwenu. <sup>24</sup> . Munu na munu o tamba ku kwata izimbi no eyo yoi nafu, mwa tamba kupiluka wa mazilo ku kwala mangola ngola. <sup>25</sup> . Mu kwenu na mu kwenu ona shimbi thizimbi theyo no kufa, nango a kushe o i apalo yaye,mwa piluka wa mazilo kutwala mangola ngola. <sup>26</sup> . I yamana yoshe i kwete mapazi no kukutapa, kono mapazi ayo ka meeli, kon`o ya sota muonyi, moi piluka ya mazilo o kwenu ; munu na munu o tamba kuikwata mwa piluka wa mazilo. ²⁷ . No makondo mane yenda na makato yoshe, mui piluka ya mazilo omkwenu; munu na munu o tamba ku kwata oi zimbi zayo no kufa mwapiluka wa mazilo ku twala thingola ngola. ²⁸ . O yu otamba kushimba thibimbi thayo, mwakusha iapalo yaye, mwa piluka wa mazilo ku twala mangola ngola,E yo moipiluka ya mazilo o kwenu. ²⁹ Ku tuazhama na ku ilongolo nei yenditha mabumo, ei mutamba kutopela ngao ya mazilo: ngeti, na muku, na mukolozwani mu mifuta zayo; ³⁰ Siku, na sombela,na thitatu, na mbulu, na chongono. ³¹ .. Eyo mumutamba kuitopela ngao ya mazilo okwenu mukachi kwei yenda na libumo yoshe; munu na munu o tamba kuikwata apa itamba kufa, mwa piluka kutwala mangola ngola. ³² . Thinu thoshe thitamba kungweliwa kwei itunda ku izimbi yayo,mothipiluka tha mazilo; kapa thibina tha thi tondo,kapa thiapalo, kapa litalo, kapa oku mu thebeza thinu thipi na thipi katho, mo thikushiwa mu meu, kame mo thipiluka tha mazilo ku kwala mangola ngola; pechi mbothi piluka thikenu kame. ³³ Ka nyungu kapi na kapi no lima, o mu mutamba ku ngwela thimwea thei thai zimbi zayo,mo ka piluka ka mazilo na thoo; keo nangu mui pae ako kanyungu. ³⁴ . Ilya yoshe iliwa,no mukanyungu, amba itamba kumwaeliwa ku meu a inu yeyo yo inafu,mo i piluka ya mazilo; na ngeyo ei inwiwa yoshe yo eli mu kanyungu no ngeyo, moi piluka ya mazilo. ³⁵ . Thinu thipi na thipi ethi thinangweliwa thi mweya tha ibimbi yeyo, mo thipiluka tha mazilo; kapa ovene,kapa mafuwa, mwa andauliwa,kakuli ya mazilo; momui topelo ngao ina shemwa kukena. ³⁶ . Kono haili liwelu welu, kapa lithima o mu muli meu mangii, eyo ena kene; kono munu opi otamba kukwata ibimbi yei ina ngwele mu mathima ao, mwa piluka wa mazilo. ³⁷ . Thinu thimweya tha ibimbi yeyo apa thitamba ku ngwela pa mbuto ezo muinga ku kuna, ezo mbuto mozi piluka zekenu. ³⁸ . Kono mbuto ezo, kumona zi pakiwa meu, thi mweya tha ibimbi yeyo thingwela peulu zayo, ezo mbuto mozipiluka za mazilo o kwenu. ³⁹ . Thiyamana thimwea the mulya,apo thikufela , munu kumona o kwata thibimbi thatho, mwapiluka wa mazilo kutwala mangola ngola. ⁴⁰ . O yu otamba kulya nyama za thibimbi thatho, mwa kusha iapalo yaye, mwapiluka wa mazilo ku twala thingola ngola; o yu otamba kunanula thibimbi thatho, mwatamba ku kusha iapalo yaye,apiluke wa mazilo ku twala mangola ngola. ⁴¹ . Ei yendiyha libumo mo ipiluka ya mazilo o kwenu; komu naitenda thi lya. ⁴² . Ei yenditha mabumo,kapa ku nyamunya,ya maulu mame kapaya maulu mangii, eyo ilongolo yoshe ei nyamunya pashii,ko mu na ilya, ipilue ya mazilo o kwenu. ⁴³ . Komuna kuumba mazilo na thinu thipi na thipi yei yenda na mabumo; kame kumuna ku thilapaza nayoo, na ku piluka a no mazilo muli baka zayo. ⁴⁴ . Kakuli ome Minya moyo Mulimu wenu: Mu ku kenithe keo mupiluke a nokukena;kakuli O me,no mukwa kukena; ponyiko namba ngao, komu naku thilafaza na thinu thipi kapa thipi thienda na libumo pashii. ⁴⁵ . Kakuli Ome Minya moyo i na mitunditha mu litunga lya Egepita, ngao ni piluke Mulimu wenu.Kelyo lipaka mupiluke a no kukena,kakul Ome, nomu kwa kukena. ⁴⁶ . Wo nyiko mulao u na tomiwa baken`itha iyamana, na iyunyi, nei iyoya yoshe, nei iyowa pa meu, nei yenditha mabumo pashii yoshee. ⁴⁷ . Wo nyiko mulao owo,mo mukufunditha kuketa ei no kukena nei no mbula kukena,iyamana iliwa nei nombula ku liwa.