¹ Eliywa no Pentekonta a pane likuma, mwa na ikala mu ndombo thi mweya. ² Munako thipi keo ku yubahala muyoyo unene weti mepo tha kusinya, na kumba onziwo thoshe naikala. ³ Neku mo nahala oku weti malimi no mulilo aku shambauka, na kuikala peulu tha munu na munu. ⁴ Mwa na umba Mepo thikenu keo a tateka kuamba mu malimi,kutha omo Mepo netha twesetha kutendela. ⁵ Keo mo kunaikala Majuda nayoya mu Jerusalema, a lume a kusepahala, Ku tundela mu matunga mwishi no liwilu. ⁶ Ohu mulumo apa ne u yubahala,esi sicaba singi si kamuha kuwiya kukuwana oku thina komoka kakuli munu na munu mwanakuyubela a amba mu mishobo thoo. ⁷ Mwana mbwetuka na ku ku komokela; ke amba ngao, ''Shemwa, a anu ali apa kambanga si Galilea kao? ⁸ Ike apa twayuba, munu na munu yo amba mu mishobo thetu noku elekiwa? ⁹ Otwe twa Mapata, na Mamede, na Maelami, na apana mu Mesapotamia, na mu Judea na Kapadosia, na Ponto, na Asia. ¹⁰ A ku Frigia na Pamfilia, na Egepita na ali muibaka ya Libia wendi wa kutha ku Sirene, na ngenda na tunda ku Roma, ¹¹ na Majuda pa mweya na ma Poroselite, na Makreta na Maarabe, twa yuba ambaa mu mishobo thetu misebethi tha maata a Mulimu.'' ¹² Oshe na mbwetuka na ku ku komokela yonene; Keo aamba omweya kwa mukwaye, ''Esi a talusa sinu mwike?'' Kono omweya ¹³ keo a sheununa na ku amba, ''a na pende wala wa Veine thipya.'' ¹⁴ Kono Pitolosi keo o imana na a no limuka na Omweya, kutusa o liyii, na kwamba okoo, ''Omwe a lume no mu Judea namwe moshe muyoya mu Jerusalema,enda ngo mulimuke esi siyambo; mu telethe o mayii ange. ¹⁵ Kakuli a anu ka shipenda kao endi sinani omu mwa akaletha, apa ishili hako tha watu tha masikusiku no liywa. ¹⁶ Kono esi so nyiwo no siambiwa ka mupolofita Joele; ¹⁷ 'Mo ikala mu maiwa no ma maneno,' Mulimu amba ngao, 'Mo ni paa o Mepo thange kwa nyama thoshe. Anenu no alume na anano akathi mwa polofita, Andumbana enu mwa mona ya kumona, na añulupathi mwa lota ilota. ¹⁸ Yasikuma a pika ange no alume na akathi mwao mayiwa mo ni apaa Mepo thikenu, keo mwa Polofita . ¹⁹ Mo ni monisa ikaliketha muwilu na maponiso mu lifasi, Unyinga, Mulilo, na Mume wa Munse. ²⁰ Eliywa mo li piluka wiilu na kwethi thi piluke unyinga mweli liywa linene no ku limukiwa la Molyetu kale na kuwiya nje. ²¹ Mo ku tendahala ngao oshe mbo i sana lithina la Muña Bupilo mwa yoya.' ²² Omwe ana no Isilaele,muyube ano mayii; Jesu no Nazareta o mulume na mipu Mulimu mu maketho no maata na itenda yaku komokisa na isupo eyo Mulimu ona njangana kubelekisa oye mukaci kenu, wetini omo mu limukela. ²³ Oyu mulume mwa napiwa mu mu ikaelo no u lukisiwa na ku limukiwa kale kwa Mulimu; Omwe,mo mu na kutusisa makaha a lume nombula mulao, noi payiwa na ku mu kokotela pa sifapano. ²⁴ Kono Mulimu keo o mwingula,ku mu lukulula ku kukola no lifu, kakuli njena kwamba ngao kutwesiwe bene ngeyo kuikala mu maata no lifu. ²⁵ Kakuli Davida no amaba kuneku thaye, ''I na mono Molyenge nako thoshe mu sipolo sange, Kakuli ai kala kunyonga no likaha no silyo ili ngao ko ina shenisiwa. ²⁶ Apa ili ngeyo mucima wange una wapele na lulimi lwange luna nyakalala. Kame, o lutu lwange mo luyoya mu sepo. ²⁷ Kakuli mbo shimwa kuteneka o mooyo wange mu mbumbo, Kamba kuitanetha o mwaana ye nombula uyi ngao a ole. ²⁸ Ona ni limukisa o manzila no upilo; moni tenda wa ku wapela yonene na sipolo soye.' ²⁹ Akwetu, kuwa ngao ni ambe o kwenu ni kwite sepo kuneku la mupatrioreka Davida, oyu nafu na ku bumbekiwa, oyu otenda ngao mbumbo thaye mo thili mukaci ketu na liywa lya pelo. ³⁰ Apa kuli ngeyo, neli mupolofita kame no limuka ngao Mulimu ona kuethe na buitamo o kwaye wa kuyolisa o mweya pa lyoma no lubona otamba kutunda mu lusika lwaye. ³¹ No mona eli itamba kutendaala Kuso na kuamba ya thuho tha kresite, na kuamba ngao njena ku mutenekela mu mbumbo, kapa o nyama thaye thi kume pa kuola. ³² Oyu Jesu-Mulimu o na mwi ngula, otwe twa apaki o u muikaelo. ³³ Keo, apa ana ka mba miswa ku ulyo no likaha la Mulimu na ku wana sepiso no Mepo thikenu ku tunda kwa Tate, o na tumu esi se mu ku monena na kukuyubela pano. ³⁴ Kakuli Davida no shimwa ku kambamela kuwilu, Kono a amba ngao, 'Mulena a ambe na Molyange, ''Otongomane ku likaha lya no silyo ³⁵ Kupitela apa ni lyatangela o yifanu yo ye kwi shwi no mahulu oye.'' ³⁶ Apa kuli ngeyo oshe akonziwo tho Isilaele e limuke siwana ngao Mulimu ona mutende Mulena na Kiresite, oyu Jesu omuna kokotele.'' ³⁷ Keo apa na yuba ehi, mwa na kuyuba ku kola mu micima thoo, ke amba kwa Pitolosi na apositola oshe, ''akwetu, mo tu tenda ngepi?'' ³⁸ Keo Pitolosi wa amba okoo, ''Mubake na ku kolobethiwa, munu na munu, mu lithina la Jesu Kiresite mu wane ku swalelwa kwa wiyi wenu na ku tambula mpo tha Mepo thikenu. ³⁹ Kakuli ethi sepiso tha amana namwe na anenu kuwaneka naya oshe ali kule, angi oshe a tamba Muña Bupilo Mulimu wetu kuisana.'' ⁴⁰ Mwana kutatha na mayiii mangi na kwa susuwetha ngao, ''Mukutundise kolu lusika no kukana ku koñela ya Mulimu.'' ⁴¹ Keo amuhela wo liyii naku kolobethwa, Muliywa elyo mukuna ekethiwa palo tho anu thi kume pa ikiti yatu. ⁴² Mwana twaelako ngana ku matuto na milapelo no apositola, mu kulya na ku lapela. ⁴³ Kuiyapa keo kuwiyela munu oshe, ma makatho mangi ne i ikomokisa yoshe mona tendiwa na apositola. ⁴⁴ Oshe na itana mwa na ikalanga pa mweya na ku ku kwatisa mui ini yoshe, ⁴⁵ na ulisa sifumu neyo yoshe na etana ku itapela mukaci ko oshe, kutha omo na saela munu na munu. ⁴⁶ Liywa na liywa mwa na twaela ngana kutha ku tempele na mucima u mweya. Mwa na lyela kame pa mweya ilya mu myanda thowo, na ku kutapela ilya na micima thikenu, ⁴⁷ Kulumba Mulimu na ku kuyuba na anu oshe, Lywa na liywa Mulena mwa na ekeletha wo palo no anu ana yoyisiwa.