¹ Keo Pitolosi na Joani mwanatha mutempele panako tho kulapela,panako za mutanu na tune. ² Omulume no elekiwa na uyanga kutundeela mulibumo lya inawaye mwana twaliwa kuthelo no tempele no thithaniwa ngao thiwa. Apo ponyiko na mu pakanga liiwa na liiwa ngao alombange yoshe oyu ingena mutempele entho. ³ Apana amona Pitolosi na Joani a shinga kuingena mutempele,keo oa nyepa tutho. ⁴ Pitolosi,keo omutopelisisa na Joani oamba, ''Otutopele.'' ⁵ Omulume no silema ke wa topelisisa, kulibeela kupiwa thinu okwoo. ⁶ Kono Pitolosi mwana amba, ''Kotukwite silibela a gauda, ethi ni kwite , monisikupa. Mulizina lya Jesu Kelesite wa Nazaleta, oende.'' ⁷ Kamu kwata kuli kaha lyothilyo Pitolosi keo omwimeka , mu wangu wangu maulu na mangongo amulume no silema keo atiya. ⁸ Oyombokela muwilu omulume no silema oimana na kuenda; keo oingena na Pitolosi na Joani muyempele, oenda, kuyombauka na ku lumbangetha Mulimu. ⁹ Anu oshe mwana mumona yo enda na ku lumbangetha Mulimu. ¹⁰ Apa na mona ngao yonyiko mulume onaikalanga pathelo thiwa o tempele ku lombanga anu tutho; keo na kukomokela enene mulibaka lyeyi ina tendahala okwae. ¹¹ Apana na kwatelela Pitolosi na Joani ku makaha, anu oshe mwanaitukela mu musiyo withaniwa muthiyo wa Solomon,noku wapelitha. ¹² Pitolosi apa na mone eyi, no alaba anu, ''Omwe anu a maisilaele,mwa komoka ike? Mwatu topeela ngepi, wetini otwe tuna muendisa mu maata na umulimu wetu? ¹³ O Mulimu wa Abrahama, wa Isaka, wa Jakobo, O Mulimu waka yiwetu,mwana lumbaetha mupika waye Jesu. Yonyiko no mukana kumupa muma kaha a Pilato, shiwa apa na thaela kumu lukuula. ¹⁴ Mono mukana mukwenu oyu no ku luka, naku lomba othi sikebenga ngao, athi lukulule. ¹⁵ No mu ipaa mutateki wa moyo, oyo Mulimu naingukitha kwa afu twaapaki etho thinu. ¹⁶ Kutha mu mutomo watumelo mulithina lyae, e lithina lyae lyonyiko lina mutende oyu mulume, mumonanga nakumulika na maata. Otumelo thili kwa Jesu thonyiko thina mupu uikalo uwa potho thenu moshe. ¹⁷ Pano,akwetu, nalimuka ngao momuna tende naku kana kulimuka. ¹⁸ Kono inu na talutha Mulimu mutunwa twa apolofita, ngao Kelesite mwa nyanda, onaitalelethe yoshe. ¹⁹ Mubake, heni, naku piluka, keo ngao uyi wenu utakuliwe, keo ngao ngo ku keye nako no kuku anukitha pa lupala lwa Mulimu.; ²⁰ ngao nga tume Kelesite oyu no keteliwelomwe,Jesu. ²¹ Yo nyiko oyona swanele ku amuheliwa ku liwilu kupitela einu yoshe apa mboi umbiwa upya, kutha omuna ambela Mulimu kukale mukanwa ka mapolofita aye no kukena. ²² Mushe mwana amba shemwa, ''Mulena Mulimu mwa ingukitha mupolofita shinanu me mukachi kenu. Momu teethetha yoshe eyi mba tamba kumi ambela. ²³ Moku tendaala ngao omunu yoshe mbokana ku kuyuba kwayo mupolofita mwa ipaiwa apo bene mukachi kaanu. ²⁴ Eni,na amapolofita oshe kutunda kwa samuele na na wiya munyima thae, mwana ambanga na ku kuuweela ya maiwa aa. ²⁵ Mwaana ama polofita na uonyi ouna tenda Mulimu kwa ahemi enu, etini na ambela ku Abrahama, 'Mu mbuto thoye omu masika oshe a pana pa kaye koshe mwa fuyauliwa. ²⁶ Munyima no kwingula mupika wae Mulimu, mwana mutuma okwenu weli, ngao amifuyawethe kauli muna piluka ku uyi wenu.