¹ Einu yoshe neniñola,Theophilus,,mwana amba yoshe eyo Jesu na tateka kutenda na kuluta, ² Kukuma eliwa nashimbelwa muwilu,apa naman kulaela Omepo Thikenu kuaapositola aana keta. ³ Mumanyima no manyando aae,keo okumona hatha akoho yoyubisisa muisupo ingi. Mumaiwa amakumi mane mumona,kunoyoamba yo mubuso wa Mulimu. ⁴ Apa nakuwana noo pamweya,keo walaela ngao kanatunda mu Jerusalema,kono atatele e sepiso thaiwae, etho naamba , ''mono muyuba ookwange, ⁵ ngao Joani eemwa mwana kolobethe na eyu,kono omwee momukolobethiwa na mepo thikenu apo kupita maiwa nyonyo.'' ⁶ Apaa na kuwana pamweya keo ,amuipula, ''Mulena ethi thonyiko nako thombo kuthetha o muleneñi wa Isilaele?'' ⁷ Keo oambela, ''komwe kulimuka oma nako kao kapa onako thosilimo eyo yaikala mu maata a Tate . ⁸ Kono momunaamuhele omataa omepo thikenu apa mbothiwiya okwenu, mbo mupiluka apaki aange mu Jerusalema na mu Judea na mu Samaria, naku mafeleletho no litunga.'' ⁹ Mulena Jesu apa namana kuamba eiinu,keo a mutwala kuwilu,mwanananuliwela kuwilu,elibui keo limufeka pameo oo. ¹⁰ Ashilukumukela ngeyo kuwilu yotha,wangu wangu,alume aili keo aimana kunyonga no hana kumanga muito ikenu. ¹¹ Keo aamba ngao, ''Omwe alume no Galilea ike apo muimana naku topela kuwilu? Oyo Jesu ona twaliwa kuwilu yoli mukachi kenu, mwa uka kame muthila noukufeka shino muna thela kuwilu.'' ¹² Keo auka ku Jerusalema kulilundu liithaniwa Olive,elyo lili kunyonga na Jerusalema, ooukufeka na musipili wa sabata. ¹³ Apa na kuma,keo atha kumuthuthu nokuwilu,okunaikalanga. Neli Pitolosi,Joani,Jemusi, Andiliyasi,Philipu,Tomasi, Bartholome,Mateu,Jemusi mwana Alphaesi, Simoni wa Zeloti, na Judasi mwana Jemusi. ¹⁴ Oshe mwana kutombolela kulapela pamweya naa kathi,na Maria inawa Jesu, naa minoo. ¹⁵ Mwao maiwa Pitolosi mwanaimana mukachi kaapae, Mathina 120, keo oamba ngao. ¹⁶ ''Makwetu, kwaswanela ngao eliñolo litendahale,,Elyo neliambiwa ku mepo thikenu mumulomo wa Davida kuhamana na Judasi, oyo notwala omweya oyu nokamanga Jesu. ¹⁷ Kakuli neli omweya wetu oyu notukatapela nae oulumiwa.'' ¹⁸ (Oyu mulume mwana ula silwa mutuwelo na wana muunyangunyu wae, keo okuipaa nakukuyatula pakachi, namyoye thae keo thilabutuka. ¹⁹ Aanatunga mu Jetusalema oshe nayuba esisiambo,keo aata etho silwa mumushobo ohoo''Akeldama,''ngao, ''Silwa sa unyinga.'') ²⁰ ''Kakuli kunañoliwa mubuka tha lisamu, 'Muteneke ethilwa saee thithaniwe mahundu,kokuna katunga munu; ;Munu omweya ashimbe oueteleli waye; ²¹ Kwalukanela,ngao, kwana noalume netuenda noo munako tha Jesu yoli mukachi keti, ²² kutateka na kolobetho tha Joani kukuma muliwa nashimbiwa okwetu, aswanela kupiluka paki thothuwo thae.'' ²³ Keo apaka alume aili potho,Josefa noithaniwa Barsabasi, oyo isaniwa kame Justasi,oo mweya Matiasi. ²⁴ Keo alapela naku amba ngao, ''Owe,Mulena, walimuka omichima thanu oshe,keo oineke omweya kwaa ailii oyunatateke ²⁵ ngao ashimbe esibaka no muthebethi wae nau apasotola oo nangwa mo Judas ngao aukele kusibaka thae.'' ²⁶ Keo ataaa,keo kukwatiwa Matiasi, keo amuwaneka kwa apositola okupwa likumi nomweya.