¹ Ndikulewa bzachadidi mwa Mkhilistu . nimbanama lini neye, chikumbumtima changu chikundichitira umboni ine na Mzimu Wakuchena ² kuti pala ine ndaphatiwa na nsisi zikulu zense nakuwawidwa moyo kwakupitirira. ³ Thangwe ndikutondo kukhumba kuti ine nditatembereriwa na kuikhiwa pambali kuna Mkhirisitu pala udidi bwa abale wangu, wadzinza wangu malingana na kuthupi. ⁴ Iwo mbaa Isaraeli .Ana chiterezera, ulemerero, mpangano, mpfupo ya chitongi, utumiki mtchalitchi. na lonjezo. ⁵ Waiwo mba abereki omwe adachokera kuna Mkhirisitu wabwera na ulemu ku thupi---iye omwe ni Mulungu wawense. Athembiwe kwa muyaya. Amen. ⁶ Soma kulilini ninga mafala ya Mulungu akhala yakutaza, Nakuti ni wense lini wakuchokera ku Isaraeri omwe mba Aisarayeri. ⁷ Pinango niwense lini wa mbeu ya abrahamu ali wana wache. ''Soma, ''Kudzera mwa Isaki mbeu yako imdzachemeriwa.'' ⁸ Tsono kuti, wana wa kuthupi ambakhala lini wana wa Mulungu. Soma wana wakulonjezewa ambalewengiwa mbewu yache . ⁹ Nakuti mafala yadalonjeziwa ngomweya: ''Pa nthawe iyi ine nimdzabwera, apo mwana wachimuna amdzaperekiwa kuna Sara.'' ¹⁰ Tsono mpsokhabzo lini, soma Rabeka adakhala na mimba na mamuna m'bodzi, m'mbereki wathu Isaki_ ¹¹ thangwe wana akanati kubaliwa ayai apo akhanati kuchita bzinthu bzabwino pinango bzakuipa, nakutsimikizika mtima na Mulungu ninga kusankhula bzikakhale bzakuima mwakuchemeriwa, ¹² neye thangwe la basali, soma thangwera iye wakuchemerayo_terepo kudanembiwa kuna iye, ''Mkuluyo amdzakhala wakubonera kuna mng'ono.'' ¹³ Bziri ninga ndimo bzidanembiwira: ''Yakobo nimmukonda, soma Esau ine nimmuwenga." ¹⁴ Apa tsono tinilewa chiyani? Apa chilipo chakusaya kulungama na Mulungu? Nampodi kuterepoyo. ¹⁵ Poti iye adalewa kuna Mose, ''Nidzachitira chifundo kuna iye omwe nimdzakhala naye chifundo, napo nidzakhala na nsisi kuna iye omwe nimkhala naye nsisi.'' ¹⁶ Naterepo, ni thangwe lini la iye omwe ambapha, ayai thangwera iye omwe ambathamanga, soma thangwera Mulungu, omwe ambaonesa chifundo. ¹⁷ Thangwera manemba yakulewa kuna Farao, ''Thangwera ibzi ndidakulamusa iwepo, kuti ndikaonesere mphamvu yangu mwa iwepo, nakuti dzina langu likabvekere pa dziko lense la pansi.'' ¹⁸ Tsono kinangoko, Mulungu anichitira chifundo omwe Mulunguyo wafuna, kuna omwe iye akufuna, iye animuumira mtima. ¹⁹ Pomwepo iwe umdzalewa kuna ine, ''Thangweranyi iye akudandaula? Thangwe mbani adalambiza bzakufuna bzache?'' ²⁰ Tsono munthu, iwepo, ndiwe mbani kuti ugazane mafala na Mulungu? Chinthu chakukonzewa chimdzalewa na omwe adachikonza, ''Thangweranyi wandikonza terepayu?'' ²¹ Kodi nyakuumba mitsuko alibe ufulu bwa kuumba na dongo lokha lokhalo mtsuko wakuphatizira bzakulemekezeka, na mtsuko winango pomwe wakuphatizira bzakusaya kulemekezeka? ²² Mulungu mchiyani, omwe akufuna kuwonesa ukali bwache na kudziwisa mphamvu yache, adabzilekelera na kubzilekelereratu kwenekwene bzakutengera bzakukalipa bzakukonzekera ku chidzongeko? ²³ Tani tsono achikhal kuti adachita bzobzi kuti akadziwise vida ya ulemerero pa bzakutengera bza chifundo, bzomwe pakutoma akhadabzikonzekera pala ulemerero? ²⁴ Tani achikhala kuti adachita pomwe bzobzi kuna ife, omwe iye adawachemera pomwe sikuti kuchokera pakati pa Ayuda okha, soma kuchokera pomwe pakati pa Wakuchikunja? ²⁵ Ninga ndimo adalewa pomwe mu Hoseya: Ine nimdzachemera wanthu wangu omwe akhali lini wanthu wangu, na iye wakukondeka wache omwe akhali lini wakukondeka. ²⁶ Poti kukhali pa mbuto yomweyo kudalewiwa kuna iwo, 'Ndimwe lini wanthu wangu,' pamwepo iwo amdzachemeriwa 'wana wachimuna wa Mulungu wa moyo.''' ²⁷ Yesaya adalirira bza Isaraeli, ''Napo wana wa Isaraeli akhadawanda ninga mchenga wa mu nyanza, amdzakhala wakusalira ndiwo amdzapulumusiwa, ²⁸ nakuti Mbuya anzalewa mafala yache pa dziko lapansi na kuyamaliza mwachigwatira,'' ²⁹ Ninga Yesaya adalewa kale, ''Akadakhala ninga Mbuya akhalibe kutisiyira ife mbeu, tingadakhala ninga Sodomu, tikadandendemerana na Gomora.'' ³⁰ Nchiyani chomwe ife tingalewe? Kuti wanthu Wachikunja, omwe akhapsaga lini chilungamo, adakhotcha chilungamo, chilungamo mwa chikhulupiro. ³¹ Soma Isarayeri, omwe akhapsaga chilamulo cha chilungamo, alibe kukafikira pa lamulo limwero. ³² Thangwelanyi neye? Thangwela kuti alibe kupsaga nachikhulupiro, soma penu na mwa mabasa. Adakhukhumudwa pa mwala wakukhukhumudwisa, ³³ ninga pomwe kwanembewera, ''Nyang'anani, ine ndatula mu Ziyoni mwala wakukhukhumudwisa na thanthwe lakukhukhumudwisa . Iye wakukhulupirira ilo amdzachita lini manyazi."