¹ Pinango imwe mukudziwa lini kodi , adzinza (kuti ine ndikukewalewa nawanthu omwe akudziwa bza malamulo), kuti malamulo yana chilamulo pokhapokha penu munthu anamoyo? ² Thangwe mkazi wakulowodwa ambamangiwa na lamulo kuna bayache pomwe iye ana moyo, soma penu mwamunayo wafa, iye amba tsudzuliwa kuna lamulo la kulowodwalo. ³ Napo thangwe lache, pamene bayache ana moyo, penu iye anikhala na mamuna winango, mkazi omweyo adzachemerewa wachigololo. Soma penu mamunayo wafa, mkaziyo adzatsudzuliwa kuna lamulo, iye adza lewedwa lini wa chigololo penu ani lowodwa na mamuna winango. ⁴ Telepoyo, abale wangu, imwepo pomwe mudayesewa wakufa na lamulo na thupi la Khilistu. Ndipopa kuti mukhale wache wa winango, ndipopa, iye omwe adamusiwa kuna wakufa, kuti ife tikabale bzipatso kwa Mulungu. ⁵ Tsono pomwe ife tikhali mu thupi, bzilakolako bza machimo, bzomwe bzikhali bza chilamulo, bzikhachita bziwalo bzathu kuti bzibale bzipatso bza imfa. ⁶ Soma tsapano tida tsudzuliwa kuna chilamulo. Tidafa kuna chimwechi chomwe tida phatiwa nacho kalekale. Telepoyo kuti titumikile mu Mzimu watsapano, neye kuti m'chilembo cha kalekale. ⁷ Pamwepa tidzalewa tani tsono? Apa chilamulo ni tchimo palokha? Ni terepoyo lini. Soma, ine ndikadadziwa lini tchimo, ndikadasaya kudziwa lamulo. Poti ndikadadziwa lini chilakolako chikanati kulewa chilamulo. ''Imwepo nampodi kusilira,'' ⁸ Soma uchimo pomwe budagumana lamulo umbachita mkati mwangu bzilakolako bzense mwa lamulo. Nakuti pakusaya lamulo, uchimo nibwa kufa. ⁹ Tsono kalekale ine ndikhali wamoyo pakusaya lamulo, soma pomwe lamulo lidabwera, uchimo buda tsitsimuka moyo tsono ine ndidafa. ¹⁰ Tsono lamulo lomwe likhali lakupasa moyo lidandigumana lakupasa imfa ine. ¹¹ Nakuti pomwe uchimo budagumana thangwe mwa lamulo budandi nyengeza ine. Na lamulo lidandipha ine. ¹² Tetepo chilamulo m'chichena, na chilangizo chache m'chichena, na chilungamo, m'chabwino. ¹³ Tsono tsapano chabwino chile chidasanduka imfa kuna ine? Ni terepoyo lini. Soma uchimo, kuti buwoneke kuti ni uchimo, bwandichtila imfa mwachabwino chile, kuti uchimo bukakhale bwakuku phonyesa kudzera na lamulo. ¹⁴ Nakuti tinidziwa kuti chilamulo m'chauzimu, soma ine ndili mwa thupi. Ine ndidagulisiwa ku ukapolo bwa uchimo. ¹⁵ Nakuti chomwe nim'chita, nim'chidziwa lini. Nakuti chomwe ndikufuna, nimbachita lini, chomwe ndikufuna lini, ndicho ndimbachita. ¹⁶ Tsono penu nimbachita bzomwe ine ndikufuna lini, ine ndikutawizana nacho chilamulo kuti chilamulo nichabwino. ¹⁷ Tsono tsapano ndine lini omwe ndimbachita bzobzi, soma uchimo bomwe bukukhala mkati mwangu. ¹⁸ Nakuti ine ndimbadziwa mkati mwangu, chomwe chili m'thupi mwangu, chimbakhala lini chinthu chabwino. Nakuti kufuna chabwino ndinako, soma ine ndimbachita lini . ¹⁹ Poti chabwino chomwe ine ndimbachifuna, ine ndimbachichita lini, soma chakuipa chomwe ine nimbachifuna lini, ndicho nimbachita. ²⁰ Soma penu ine nim'chita bzomwe ine ndikufuna lini kuchita, tsono ndine lini pomwe omwe ndikuchita, soma ni tchimo lomwe lili kukhala mkati mwangu. ²¹ Tsono, ine ndagumana na lamulo: Panthawe yomwe ndikufuna kuchita chabwino, chakuipa chimba gumanika na ine. ²² Tsono ine nimbakomedwa na chilamulo cha Mulungu na umunthu bwa m'kati mwangu. ²³ Soma ndikuona lamulo linango m'bziwalo bzangu. Lili kumenyana nakugazana na lamulo lipsa mu mtima mwangu. Lili kunditengera ine ku ukapolo bwa lamulo la tchimo lomwe ni bziwalo baza thupi langu. ²⁴ Ndine munthu nyakusauka! Mbani adzandiletsetsa ku thupi lakufali? ²⁵ Tsono kutenda kuyende kuna Mulungu kudzera kuna Yesu Khilistu Mbuya wathu! Tsono kinangoko, ine ndekha ndisunge chilamulo cha Mulungu m'kati mwa mtima wangu. Soma pomwe, na thupi ine ndisunge lamulo la uchimo.