¹ Tsono pana phindulanyi pakukhala Myuda? Apo phindu lakugwatiwa mchiani? ² Kodi mpsikulu mu njira zense? mu njira zense. Chakutoma, Ayuda adapasiwa mafala kuchoka kuna Mulungu. ³ Tsono tani achikhala Ayuda winango alibe chikhulupililo? kodi kusaya kukhulupirira kwaoko kumkhala kwakusaya basa ku chikhulupiriro cha Mulungu? ⁴ Bzingakhale lini telepoyo. M'malo mwache, mulekeni Mulungu akhale wachadidi, napo munthu aliyense ngwakunama. Ninga ndimo kudanembiwira, ''Kuti imwe mukayezeziwe ninga wakulungama na mafala yanu, kuti imwe mukhale wakupambana pomwe chiyeruzo chikubwera.'' ⁵ Tsono penu kusaya kulungama kwathu kuniwonesera kulungama kuna Mulungu, ife tingalewe chiyani? Apa Ife tingalewe kuti Mulungu ngwakuphonya kubweresa chilango pa ife? (Apa ndasewera ninga munthu.) ⁶ Bzingakhale lini telepoyo! Tsono Mulungu adzayeruza tani dziko la pansi? ⁷ Tsono penu kunama kwangu kumthumizira chilungamo kuna ulemelero bwa Mulungu, thangweranyi ine niyeluziwa ninga nyakuphonya? ⁸ Thangweranyi neye kulewa, tsono ife tinilewa bzakuipa, kuti bzabwino bzikalewiwe, ''Tilekeni ife tichite bzakuipa, kuti bzabwino bzibwere''? Kulanga kwawo mkwachadidi. ⁹ Mchiyani tsono? Apa tikubzigaza tekha? Neye terepoyo. Thangwera tidawagaza kale wense Ayuda na Ahelene, wense pabodzi, pakukhala pansi pa bzakuipa. ¹⁰ Ibzi bzili ninga momwe bzidanembiwira: ''Palibe wakulungama, neye m'bodzi; ¹¹ palibe m'bodzi ndiye ambadziwa; palibe m'bodzi omwe ndiye ambapsaga Mulungu. ¹² Iwo wense anyang'ana kumbali; wense pabodzi akhala ninga wakusaya basa. Palibe neye m'bodzi omwe ambachita bzabwino, neye, neye na m'bodzi.'' ¹³ ''Ngololo zawo zakufungula ninga manda. Lilime lawo ndakunama. Ndulu ya nyoka ili m'milomo yawo.'' ¹⁴ ''Mkamwa mwawo mudadzala na bzakutembelera na bzakuwawa.'' ¹⁵ ''Nzayo zawo zikufulumiza kuchosa mulopa. ¹⁶ Kudzonga na kusaya kuli pa njira zawo. ¹⁷ Wanthu omwewa njira ya ufulu ambayidziwa lini.'' ¹⁸ ''Palibe kugopa Mulungu pa nkhope zawo.'' ¹⁹ Tsapano ife tikudziwa bzense bomwe lamulo limbalewa, limbasewera kuna omwe ali pansi pa lamulo, kuti mulomo uliwense usaye chakusewera, nakuti dziko lense likagaziwe na Mulungu. ²⁰ Nakuti palibe munthu amdzadziwika na mabasa ya lamulo pa maso pache. Thangwera kudzera mu lamulo ndiye kumbadziwisa chakuipa. ²¹ Soma kupambula chilamulo chilungamo cha Mulungu chawonekera. Chomwe malamulo na aneneri achitira umboni_ ²² chilungamo ichi chakuchoka kuna Mulungu chimbabwela kudzela na mchikhulupilo mwa Yesu Khristu kuna aliyenseyo omwe amkhulupira. Naku telepoyo palibe kusiyana, ²³ poti wense adaphonya nkupelewera pa ulemelelo bwa Mulungu, ²⁴ apo iwo adayesewa wakulungama kwa fovolo na mwayi wache kudzera kuna matsudzuliwe ya mwa Mkhiristu Yesu. ²⁵ Nakuti Mulungu adapereka Mkhiristu Yesu akhale chakutetezera mwa kukhulupila mu mulopa wache. Iye adapeleka Mkhiristu kuwonesa chilungamo chache, thangwera kusaya kukumbuka bzakuphonyeka bza m'mambuyo ²⁶ Mu kukhosoma kwache. Kuwonesa chilungamo chache pa nthawe ino, kuti iye akhale nyakulungama na kumuyesa iye omwe ana chikhulupiro mwa Yesu. ²⁷ Kuli kuponi tsono kubzithusako? Apa kwachosewa. Nalamulo la moda uponi? Na mabasa? Neye, soma kudzera na lamulo lachikhulupiro. ²⁸ Ife tinimaliza nakuti munthu ambadziwika na chikhulupiro chakusaya basa la lamulo. ²⁹ Ayai Mulungu ni Mulungu wa Ayuda okha? Mesa iye ni Mulungu pomwe wa Wachikunja inango? Inde, ngwawo pomwe Wachikunjawo. ³⁰ Penu, chadidi, Mulungu ni m'bodzi, iye amdziwika na m'gwatiwe na chikhulupiro, na kusaya m'gwatiwe kudzera ku chikhulupiro. ³¹ Apa ifepano tikuchepesa mphamvu lamulo kudzera mchikhulupilo? Niterepoyo lini! m'malo mwache, ife timbakoye lamulo.