¹ Tsapano wamphamvufe titakule bzakufooka bza anyakusaya mphamvu, tisabzikomedwese tekha . ² Tendeni aliyense wa ife an'komedwese mwanzache pakumuchitira bzabwino, pala kumulimbikisa. ³ Pakuti Yesu alibe kubzikomedwesa yekha. Soma bzidanembiwa , ''Kuti bzakuipa ndibzo adakulewani bzidzagwa kuna ine.'' ⁴ Tenepo bzense bzidanembiwa kale kuti bzimbatilangize pala kuti kudzela mkuderekha timbakhale wa chiyembekezero mwa chikondi na kulimba mtima. ⁵ Tsapano Mulungu wachikondi na kulimbisa mtima akufuna mwense mukhale wakulingana mwa Yesu Mkhiristu. ⁶ Iye mbaachite bzobzi pala kuti bzakukumbuka bzakulingana na mulomo ubodzi tingakwanise kulemekeza Mulungu Baba wa Mbuya Yesu Mkhirisitu. ⁷ Tenepo tambiranani munthu na mwanzache, pakuti yesu adakutambiranimbo imwepo , ku ulemelero bwa Mulungu. ⁸ Ndikulewa kuti Mkhilisitu adakhala kapolo wa m'gwatiso kuti alatize chadidi cha Mulungu , kuti atchimikizire bzomwe adalonjeza kuwapasa abereki wathu, ⁹ na kuti Wachikunja alemekeze Mulungu pa chikondi chache. Pakuti kudanembiwa , ''Tsono nidzakunamatirani pamaso pa wanthu Wachikunja apo nim'dzaimba kunamata dzina lanu.'' ¹⁰ Yakulewa pomwe kuti, ''Sekerani imwe wanthu Wakunja, pabodzi na wanthu wache." ¹¹ Tenepo, ''Namatilani Mulungu, mwense wanthu Wakunja; tendeni tense tim'namatire iye". ¹² Tenepo, Yesaya akulewa , " Muzi wa Jese umdzabwera, uchidzatonga wanthu Wachikunja; umweyu wanthu Wachikunja adzamudikhilira.'' ¹³ Tsono Mulungu wachiyembekezero akudzazeni na chisangalaro chense na mtendere mwa chikhulupiliro, kuti mphamvu ya Mzimu Wakuchena akuwandiseni mwachiyembekezero. ¹⁴ Inepano ndekha ndakomedwa namwe, abale wangu . Ndine wakukomedwa thangwe imwepo pomwe ndimwe wakudzala na bzabwino , wakudzaziwa na mzeru. Ndakomedwa pomwe na imwepo thangwe mukukwanisa kulangizana. ¹⁵ Soma ndikukunemberani mwakulimbamtima kuti ndikukumbuseni pomwe chinthu chinango, thangwera chisomo ndicho ndapasiwa na Mulungu. ¹⁶ Mphatso imweyi njakuti ukhale kapolo wa Mkhilisitu Yesu kutumiziwa kuna Wachikunja, kubzipereka ninga wansembe wabwino wa Mulungu, kuti bzakupereka bza wanthu Wachikunja bzikhale bzakutawiriwa na Mzimu Wakuchena. ¹⁷ Mwa Yesu Mkhrisitu ndinalo thangwe lakusamwira basa langu mu bzinthu bza Mulungu. ¹⁸ Ine nim'dzakwanisa lini kulewa chirichense kupambula chokhacho ndicho Yesu adaikha mwa inepano pa kubvera kwa wanthu Wachikunja. Pana bzinthu bzomwe bzimbakwanisika na mafala na pomwe kubzichita, ¹⁹ na mphamvu ya bzizindikiro na bzakudabwisa na mphamvu ya Mzimu wa Mulungu . Ibzi bzidachokera ku Yerusalemu kuzungulira ku Iluriko kufalisa uthenga bwabwino bwa Mkhiristu. ²⁰ Mu njira yoyi, ndidafunisisa nimbalengeze uthenga bwabwino, soma sikuti kumbuto ndiko Mkhirisitu akudziwika kale dzina lache ayai, kuchitira kuti ningaikhe maziko yangu pa mbuto pa munthu kale winango. ²¹ Bzili ninga ndimo bzidanembiwira; "Kuna wanthu ndiwo alibe kuuziwa am'dzamuona na omwe alibe kubva amdzabvesesa. ²² Tenepo ndikhatazira kubwera nthawe zizinji kuti ndibwere kuna imwepo . ²³ Soma pano, ndilibe pomwe mbuto kuno, ndakhala ndikufuna kazinjitsa kubwera kwa imwepo kwa magore mazinji ²⁴ Ndina chidikhiliro chakuti ndikuoneni pa nthawe ndiyo nimpita kuyenda ku Spania, nakuti nim'thandiziwa na imwepo pa ulendo bwangu, ndekha ndingadekedwa na kukhala namwe kanthawe kakuchepa. ²⁵ Soma tsapano ndikuyenda ku Yerusalemu, kukathandiza wanthu wakuchena wa Mulungu. ²⁶ . Thangwe chikhali chakukomera wakuMakedoniya na Akaya kuchita mtsonkhatsonkha winango pala wakusaya pa wanthu wakuchena mtima wa Mulungu omwe ali mu Yerusalemu. ²⁷ Inde chikhali chakuwakomera, apo awafiyalisi iwo. Thangwe penu Wachikunja agawana mu bzinthu bzao bza uzimu, aniwafiyalisi Ayuda kuwathandiza iwo na bzinthu bzao. ²⁸ Mthangerache, ningamaliza basali na kuonesesa kuti iwo atambira bzense ndibzo bzidakontcheziwa, nimdzayenda ku Spania na kukuzondani panjira. ²⁹ Ndikudziwa kuti ningabwera kuna imwe nimdzabwera mwakudzala mwa mdaliso wa Mkhirisitu. ³⁰ Tsono ndikudandaulira kuna imwe abale mwa Mbuya wathu Yesu , na chikondi cha Mzimu, kuti mulimbike pabodzi nande mmapembo kuna Mulungu . ³¹ Namatani kuti ndikapulumusiwe kuna iwo wakusaya kubvera wa ku Yudeya , soma pomwe kuti basa langu laku Yerusalemu likatawiriwe kuna wanthu wakuchena mtima wa Mulungu . ³² Mupembe kuti ndidzabwere kuna imwe kudzera mchifuniro cha Mulungu, na kuti ndikhale, pabodzi namwe, pumani. ³³ Mulungu wa mtendere mbaakhale na imwe mwense. Amen.