¹ Ndikumpereka kuna imwe Foebe nana wathu, omwe ni kapolo wa mpingo wa ku Senkileya, ² kuti imwepo mumutambire mwa Mbuya. Chitani ichi mu dongosolo la wanthu wakuchena wa Mulungu, apo mumupe chithandizo chense ndicho amfuna kuchoka kuna imwe pakuti iye wathandiza wanthu azinji na inepano kubodzi. ³ Kulimba kuna Purisika na Akulla, anyabasa anzangu mwa Yesu Mkhiristu, ⁴ omwe adapereka miyoyo yawo thangwela ine. Ndikupereka kutenda kuna iwo, sikuti ndinepano ndekha, soma mipingo yense ya wanthu Wachikunja. ⁵ Kulimba kuna mpingo omwe uli mnyumba mwawo. Kulimba kuna Epineto wakukondeka wangu, omwe ni chipatso chakutoma cha Mkhirisitu ku mpingo waku Asia . ⁶ Kulimba kuna Maria, omwe adaphata basa mwakulimbika kuna imwe. ⁷ Kulimba kuna Androniko na Yunia , anzangu pomwe na akaidi anzathu. Iwo ambadziwika bwino na anyakupfunza, apo ndiwo adanditsogolera kuna Mkhiristu. ⁸ Kulimba nuna Ampliato, wakukondewa wangu mwa mbuya. ⁹ Kulimba kuna Uribano, nyabasa mwayathu mwa Mkhirisitu na Sitaku, wakukondeka wangu. ¹⁰ Kulimba kuna Apele, omwe ngwakutawiriwa mwa Mkhilistu. Kulimba kuna wakubanja la Aristobola. ¹¹ Kulimba kuna Herodiana, m'bale wangu. Kulimba kuna wakubanja la Narikiso omwe ali mwa Mbuya. ¹² Kulimba kuna Trufena na Trufaso, omwe ambaphata basa kwenekwene mwa Mbuya. Musewere na Perisi wakukondeka wangu, omwe adaphata basa lizinji mwa mbuya. ¹³ Musewere na Rufo , wakusankhika mwa mbuya, na mayi wache na wangu. ¹⁴ Kulimba kuna Asunkrito , Felego, Hermo, Patroba, Henna na abale wense omwe muli nawo. ¹⁵ Kulimba kuna Filologo na Yulia, Nerea na nana wache, Olumpa na wanthu wakuchena mtima wa Mulungu wense na abale omwe munawo. Mumusane munthu na mwanzache na chimpsompsonano chakuchena. ¹⁶ Mipingo yense ya Mkhirisitu ikupereka kulimba. ¹⁷ Tsapano ndikukudandaulirani, abale, kuti muchenjere na iwo wakumbayambisa mgawanikano na bzakukhukhumudwisa kusemphana na chipfunziso ndicho mwapfunzachi. Chokani pana iwo. ¹⁸ Wanthu ninga amwewa ambatumikira lini Mbuya wathu Mkhirisitu, soma kukhutisa mimba zawo. Na mafala yawo yakunyodoka na kupumpsa ambanyengeza mitima ya wakusaya kuphonya. ¹⁹ Na chiyezezero chanu chakubvera kumbafika kwa wanthu wense. Ndikukomedwa, tsono, pa imwe, soma ndikufuna mukhale wanzeru zakuti mchabwino, na lazawu ku chakuipa. ²⁰ Mulungu amdzadzonga Satana pansi pa nzayo zanu. Chisomo cha Mbuya Yesu Mkhirisitu chikhale namwe. ²¹ Timoteo, wakuphata naye basa, akupereka kulimba, na Lusias, Yason, na Sosipateri, azinzangu. ²² Ine, Teritias, omwe ndidanemba tsambali, ndikupereka kulimba mwa Mbuya . ²³ Gayo, mulendo kwa ine na mpingo wense akupereka kulimba. Erasto, wakukoya bzinthu bza mzinda akupereka kulimba, na Kwalito m'bale. ²⁴ Chisomo cha ambuye wanthu yesu chikhale na imwe mwense . Amen. ²⁵ Tsono kuna iye omwe angakwanise kukupasani mphamvu thangwera uthenga bwangu bwabwino na ulaliki bwa Yesu Mkhirisitu, thangwera bvumbuluso lomwe lidabisiwa kalekale ²⁶ soma tsapano bzazimbulika apo bzadziwika ku madziko yense thangwera bzakunembanemba bza aneneri, na utongi bwa Mulungu wamoyo, pa kubweresa chikhulupiliro cha kubvera . ²⁷ kuna Mulungu yekhayo wanzeru, kudzera mwa Yesu Mkhilistu, ulemelero bukhale kwa nthawe za nthawe. Ameni.