¹ Mumanyima no mayuwa mutanu na limweya Jesu opo himba Pitolosi, Jacobo, naminaye Joani, na kualaleta kucina no peulu no lilundu. ² Kuma na fetulwa pa meñe oo. Lupala lwaye kwesa wenji liiwa, na ito yaye kweshs wenji liseli. ³ Apa akulumbuka, amona Mushe na Elia ambaulile naye. ⁴ Pitolosi opo alaba na kuambela Jesu, "Mulena, kwa wapa nji twikale pano, inji wahinga, kuma ni tenda ipapela ihatu_himweya hyoe, himweya hya Mushe, na himwehya hya Elia." ⁵ Yo hyambilange ngeyo, akwikalelile, opo atuwamena mu libui no kwesha, apo kame, opo kutunda lii omo mu libui, lya kwaamba inji, "Oyu mwanannge ni hingile, oyu ni wapelile, mumutetece." ⁶ Alutiwa apa nayuba ngeyo, opo angwa ufulumano na kwiyapa. ⁷ Honyi Jesu opo akeyela na kukwata na kwambela, "mwinguke kame mwa keyapa." ⁸ Honyi opo afetuka na kutaneka kono hiwanji kumona munu ene Jesu feela. ⁹ Apa na shetumuka kutunda pa lilundu, Jesu opo oalaela, kwa ambelanji," mwaka bihieca munu eci pono kutwalapa mwana munu mbaingukela kwafu." ¹⁰ A lutiwa aye opo a amba, kumwipula nji "kanti ngepi a ñoli apa ambanga nji Elia yo wa kutateka kukeya?'' ¹¹ Jesu alaba na kwamba nji ," Elia hemwa kuma akukeya na kuya lukisa oinu. ¹² Kono na miambela nji, Elia ona ku keya kale, kono akena amulimuka. Pona kwikala ngeyo, kuma natenda yoshe eyi na fufunga okwae. Ngeyo bene, o mwana munu naya kuma nyandela mu mukaha oo." ¹³ Honyi alutiwa opo alimuka nji kuma na ambela ya Joani Mukolobezi. ¹⁴ Apa na kuma kwaanu, mulume opo keya o kwaye, na kwamba nji, ¹⁵ Mulena, oyubele mwanange no mulume makeke, akola kanono na kunyanda yonene. Apa naapa angwelanga mu mulilo na mu meyu. ¹⁶ Kuma nimuleta kwa alutiwa oe, kono akena amupanga" ¹⁷ Jesu opo amba na kwaalaba nji, " nou mukowa no kuhalumela, kuma na kwila nenu nako ca kukuma kupi? Kuma na kukulimukihya kwenungepi? Omulete kuno kwange." ¹⁸ Jesu opo nyongonyena o dimona, opo bene opo cimutunda, honyi oyo mushimani opo yoya eco nako bene." ¹⁹ Honyi kumukunda alutiwa a jesu opo akeya kwaye na kwaamba nji , Ngepi otwi apa na tukwanga oku citundihya ? ²⁰ Jesu opo oamba nji," kakuli otumelo cenu cinyonyo. Kakuli hemiwa na miambambeala nji, Hiwanga mwa kwata tumelo cinyonyo wenji nona ca mbuto oa masitete,enga mwatehya kwambela ili lilundu, "Tundapa oce paya, enga kuma lihimbuluka, kame enga hiwanji elhi mupalelwa. ²¹ Kono eci dimonano ngeya ko atwehye kutunda feela ene na tapelo na kukuyumena ilya. ²² Akile ngeyo mu Galilea, Jesu opo ambela a lutiwa ae nji, Mwana munu kuma a kupiwa mumakaha ano anu. ²³ Kame kuma aku muipaa, honyi kuma akwinguliwa oliiwa no hatu." Alutiwa op a swaba yonene. ²⁴ Apa na kuma ku kapenauma, Alume no atelisi opo akeya kwa Pitolosi na ku mwambelanji, "kanti o muluti wenu kaiki o mali no mutelo? ²⁵ Opo ambanji,"Eni" Pitolosi apa nakeya munjiyo, Jesu opo tateka kumwambihya na kuamba nji,"Wanahana ike, Saimoni? O malena no lifasi a himbanga kupi o ñomba na mitelo?" ²⁶ "Kwako, "Pitolosi opo alaba. "Honyi anoo akulukuluha, Jesu op amba. ²⁷ Kono inji twake ngenya o atelisi muhibi, oce muliwate, oka yumbelemo kalobo, kame oka kwate oshi no matatekelo. Apa o mwahamihya mukanwa, kuma oka wana mo sheleñi _Omuhimbe na kumupa a telisi no mitelo wange nawe."