¹ Muciya nako alutiwa opo akeya kwa Jesu na kwamba nji, ' Anyi yo mukulu mu mubuso no kuwilu?" ² Jesu op ihyana kanuke kayomo, kukapaka mukaci koo, ³ Hemwa na miambela nji, ine o mufetuka na kwikala wenji anukana atomo, hiwanjiko njilamba mutwehya okukengena mu mubuso no kuwilu. ⁴ Honyi, munu yohye mbo kushuwa wenji mwanuke yo mukulu mu mubuso no kuwilu. ⁵ Oyu yohye nokwikala wenji mwanuke mulicina lyange ani amuhel. ⁶ Konobyoshe letela a atomao a lumelile okwange inji atnuke kwikile feela wino okuku mangela liwe likulu muhingo, na kuyumbelwa pa ndunga ni liwate. ⁷ Bumai ku litunga kabaka no kwikala na ingwisho!kwa autokwa inji ingwisho ikeye, kono oubmai ku minu woyu oingwisho ina keyele. ⁸ Inji likaha kapa likondo lyoe lya kuletala kungwa, limatuleko na kuliyumbela kule noe. Kwikile wino kwingena muupilo oikile hianga kapa hihole kupita kuyumbeliwa mu mulilo no kuhapwa okite makaha meli kapa makondo ameli. ⁹ Inji lyeño lya kuletela kungwa , olitongole mo na kuliyumbela kule noe. Kwikile hiwana okwingena mu upilobna lyeño limweya kupita kuyembeliwa mulihele no mulilo okite meño meli. ¹⁰ Mumone nji mwa kanyenya hiwanga omweya kwao anucana Kakuli na miambela nji kuwilu omañeloi oo a amonanga kukupala lwa Tate no kubwilu.. ¹¹ Kakuli mwana munu kuma na keya kuya yoyihya aya na yonga. ¹² Ngepi yo bmunahanile? Inji mweya akwate mwana wa mangu, honyi lingu limweya opo likucela, a makumi mutanu na makumi mane na mutanu na mane no mangu kaku ahiya kuhyambweli no lilundu ku kafaa iliblimweya lina kucele? ¹³ Inji akaliwane, hemwa na miambela nji, kuma aliwapela kupita a makumi mutanu na makumi mane na mutanuna mane na mangu ana kana kuyonga. ¹⁴ Munjla no ngeyo, kaanji tato caye ihwenu no kuwilu nji omweya kwa anucana akafe. ¹⁵ Inji mukoe akutenda sibi, oce kwaye mu kakueleze nawe naye yohoci. Inji a ku teteca, ona muwana mukoe. ¹⁶ Kono nji kakutetece, ohimbeko omweya kapa aili inji muka ambaule owu paki no milomo cili kapa cihatu upakihiwe. ¹⁷ Honyi apa kana kuyuba, oa mbeleko keleke eco taba cenu, Inji kame akana kuyuba okeleke, omutaneke inji wa sibi kapa mutelisi wa mutelo. ¹⁸ Hemwa namiambela nji, yoshe mu manga pashi na kuwilu ina mangiwa, kame yoshe mulukulula pashi na kuwilu ina lukuluha. ¹⁹ Kame na miambela nji, pano pashi ohinu hyohye ehi alomba opo muhikuyuba openu mwa ili, Tate oyu no kuwilu a hitenda. ²⁰ Kakuli apa anakopanela anu aili kapa ahatu mulicina lyange, apo name ponili mukaci koo. ²¹ Henyi Pitrosi opo keya kwa Jesu na kwaamba nji ,"mulena, tungaci otu swanela kuni foseza na kumu swalela mukwange? Ine mutanu na twili? ²² Jesu opo mwambela nji ,' koni kuambelile inji mutanu na twili, ko ine mutanu wa makumi na makumi meli kapa ataimisiwa na mutanu na twiili. ²³ Apo honyi mubuso no kuwilu wa kufeka na mulena no faa kulukisa oinu na tanga aye. ²⁴ Apa natateka oku itaneka, opo laela mutanga omweya oyu no mukwatela likumi lya makili no matalenta. ²⁵ Kono kakulihiwanji akwata mukwa mwa kulifela, molyae opo laela nji a holihiwe, kuwaneka namukaci waye, na naye na inu yoshe hetanga, naiyoshe na fanena kuhola. ²⁶ Apo o mutanga opo ngwa pashi, kumukubamena, na kuamba,"muolyange, oniyubele makeke, kuma naku kulifela yohye. ²⁷ Honyi oyo mulena na mutanga, apa na siismuka na makeke, opo mulukulula na kumu swalela o hikoloti. ²⁸ Kono oyo mutanga apa natunda apo opo kuwana na mutanga yomweya , oyu nomukwatela mwanda wa mali. Opo mulumba kumukwata , na kutateka kuo oa, nakuambanga nji, Oni lifele eyi noni kolotela. ²⁹ Kono oyo mukwaye opo ngwa pashi kumushowelela, yo ambilange, oniyubele makeke, kuma nikulifa. ³⁰ Kono mutanga no mtatekelo op kana kupita nji a muyubele makeke, op muhimba kuka muyumbela mutolongo kutwala nako mba mulifela ohikoloti hyaye. ³¹ Apa akwaye atanga na mona eyi naitendahala, kuma na swaba yonene. Oop acela mulena naku kamuambela yohye eyi inatendahala. ³² Opo honyi mulena woyo mutanga op muhyana na kuambela nji, ''owe o mutanga no hikuba, kuma naniku swalela yohye hikoloti kakuli kuma noni shoilela. ³³ Akena wa swanela nawe kukwatela makeke mukoe mutanga?