¹ mafalisi na masaduki opo akeya olwaye kuya mulika inji a monishe ohisupo hi tundundile kuwilu. ² Kono opo oalaba na kwa ambela," apa kwakwikala ohikenakenu, mwa amba nji kuma kwikala wino, kakuli kuwilu kwa kiha. ³ Omahikuhiku, mwambanji," kwafulana, oliwilu lya kiha na kukwayuka: mwa limuka oku toloka eyi no kuwilu , kono ko mutwehye okutoloka oyi supo no ma nako. ⁴ Omukowa no mahuwa na isinyi afa isupo, kono hiwanji ohisupo mba piwa ine isupo hya Jonasi . Honyi Jesu opo ca na kuahihya. ⁵ A lutiwa aye apa nakuma kuya, opo aku wana nji ana bulama oyi ngwa. ⁶ Jesu opo oambela nji,"Mwiyape na kumamela o mumela no Mafalisi na Masaduki." ⁷ Alutiwa opo akuambauca na kuamba nji, kakuli kotwa ihimba ingwa." ⁸ Jesu kuma na limbulula na kuamba nji, "onwi no tumelo cinyonyo, ngepi yo mu kuambauca nji kakuli komwa i himba ingwa? ⁹ Kanti komuhupulile na ku utwisisa o mutanu n o ingwa na anu o mutanu no likiti, na izuma ingi nai kopanyiwa? ¹⁰ Kapa ingwa mutanu naili na makiti mane no anu, na ingaci oizuma na mutundi shapo? ¹¹ Ngepi yomukana ku utwisisa inji akena na mi ambela kutalusa ingwa? Mulemuhe na ku mamela o mumela na Mafalisi na Masanduke. ¹² Honyi ponji a mamele ini akena ambela nji a mamele mu ingwa kono a mamele o mulutelo no Mafalisi na Masanduki. ¹³ Jesu henyi opo nakeya kuhibaka pepi na Sesare wa Mafilipu, opo oipula alutiwa aye,kuamba nji," Anyi yo toyanga anunji yo mwana munu? ¹⁴ Opo amba nji, Amweya ambanga nji Joani Mukolobezi, amweya, kame, inji Jeremia, kapa o mweya no mapolofita ." ¹⁵ Opo aipula nji, " kono onwi mwaamba nji ome no anyi?" ¹⁶ Kualaba, Saimoni Pitolosi opo amba nji," owe kelesite, mwana mulimu wo kuyoya". ¹⁷ Jesu opo mualaba na kuamba nji, " omukwa fayauci , owe Saimoni mwana Jona , kakuli nyama na unyinga koya hikulimukihya enhinyi, kono tate oyu ikile kuwilu. ¹⁸ Kame nakuambelanga nji owe o Pitolosi, apo pa licwe kuma niumba op keleke cange. O mielo no afu komba cingene po. ¹⁹ Kuma nikupa o ma kii no mubuso no kuwilu. Eni mwa kumnga pano pashi na kuwilu mo sha kumangeliwa, kame ehi mwa kukutula pano pashi na kuwilu shomba mukutula." ²⁰ Honyi Jesu opo laela a lutiwa ayenji akambelaanu nji oye neli yo kilesite. ²¹ Kutanda eco nako Jesu opo tateka kuambela alutiwa aye nji a swanela kuca ku Jerusalema, kunyandihiwa yonene mumakaha na akulu no ma prisita na añoli, na kuipaiwa, na ku kaingukela o upilo oliiwa nou hatu. ²² Henyi Pitolosi opo mukokela ku mukunda, na kumwambela nji, "Eyi ipitite kule noe, Mulena, eyi ya kutendahala okoe." ²³ Kono Jesu opo kutemuna na kwambela Pitolosi nji,"Tunde o kwange, Satani ! wani tanukisha, kakuli konanahanine inu ya mulimu, kono oinu no anu. ²⁴ Hony Jesu opo ambela a lutiwa aye nji, " inji kwa ikala oyu faile kunikoña, akukane, ahimbe ohifapano hyaye, na kunikoña. ²⁵ Kakuli oyu yoshe afaile ku mamela omoyo waye kuma akuyawa, kame oyumbo yawa omoyo waye mulibaka lyange kuma mbauwna . ²⁶ Kwatusa ike omunu hiwqanga yo heta o liyunga lyohye na kusinyehela o moyo waye? Hike o munu hya twehya kupa mu hibaka no moyo? ²⁷ Kakuli omwana munu kuma mbakeya mu kanya ca i Hwaye na mañeloi. Honyi kuma mbaapa munu na munu mupuzo kuca mumisebezi caye. ²⁸ Na miambela hemwa, amweya openu onwi mwimananine apa mwaka kamono lifu ku twala apa mbamona o mwana munu yo keile mu mubuso waye.