¹ Lekani munthu aliyense ankhale omnvelela mausogolelei yapamwamba. Pakuti palibe usogoleli koma wamene uchokela kwa Mulungu. Mausogolelei onse yamene yaliko yanasankhiwa na Mulungu. ² Mwaichi wamene ashusa maulamulilo aya asusana na ulamulilo wa Mulungu. Ndipo onse osusana na maulamulilo aya azalandila chiweluzo cha Mulungu pali beve. ³ Pakuti asogoleli sasusana na ntchito zabwino, koma zintchito zoipa. Kodi mufunisisa kusayopa baja bali mu usogoli? Chitani zabwino ndipo muzalandila kuvomelezewa kwake. ⁴ Chifukwa nikapolo wa Mulungu kwa imwe kuzinthu zabwino.Koma ngati muchita zoipa,chitani mantha. Pakuti sanyamula lupanga mwachabe. Pakuti nikapolo wa Mulungu, obwezela mukwiyo kuwochita choipa. ⁵ Motelo mumnvelele, osati chabe kamba ka mkwiyo, koma kamba ka chikumbu mtima. ⁶ Kamba ka ichi mulipila ndalama ku boma. Pakuti asogoleli nibatumiki ba Mulungu, bamene bachita ivi vinthu mosaleka. ⁷ Lipilani kuli aliyense nkhongole zamene muli nazo. Ndalama kuwamene afunika kulipiliwa. Nkhongole kuwamene ayenela. Mantha kuwamene tifunika kuyopa, ulemu kuwamene ayenela ulemu. ⁸ Osankhala na nkhongole na aliyense, koma kondanani wina ndimu nzache, Pakuti wamene akonda mnzake akwanilisa lamulo, ⁹ Malamulo, Musachite chigololo, osapha, osaba, osakhumba, ndipo ngati pali lamulo iliyonse, zonse zipezeka mumau aya ''Konda mnzako monga mwamene uzikondela wamwine. ¹⁰ Chikondi sichichita choipa ku mnzako, chikondi nichikwaniliso cha lamulo. ¹¹ Kamba ka ichi muziba nthawi, kuti yakwana kudala yakuti muuke kutulo, Chifukwa manje chipulumuso chilipafupi kuchila nthawi yamene tinakhulupilila, ¹² mdima wafika ndipo siku ya yandikila, tsono tiyeni tiyike kumbali ntchito zamumdima,ndipo tiyeni tibvale zida zakuunika. ¹³ Tiyeni tiyende moyenela,monga muzuba, osati mumaphwando yamuziko kapena muzolezelesa, ndipo tisayende muzadama, kapena zilakolako zosayenela, osati mukwiyo kapena nsanje, ¹⁴ koma valani Yesu, ndipo musakhutise zakuthupi, kukwanilisa zilakolako zake.