¹ Nikulimbisani abale kotelo, kulingana na chifundo cha Mulungu, kuti mupeleke mathupi yanu monga nsembe, wachiyelo, olandilidwa kwa Mulungu.Uku ndiye kutumikila kwabwino. ² Musalondole machitidwe yaziko, koma musinthiwe nakunkhala na maganizo yasopano. Chitani ichi kuti muzibe chifunilo. chabwino, cholandilidwa cha Mulungu. ³ Pakuti nikamba kuti kamba ka chisomo chinapasiwa kuli ine, kuti aliyense waimwe asaziwone kuchila munzake, monga mwamene afanika kuganiza. Koma aganize munjila ya nzelu. Monga mwamene Mulungu anapasila muyeso wachikhulupililo kuli aliyense. ⁴ Pakuti tili naziwalo zambili muthupi imozi,koma siwonse alinantchito imozi. ⁵ Munjila imozi, ise tilibambli tili thupi imozi mwa Yesu ndipo payeka payeka ndise membala wa wina ndimzace. ⁶ Tilina mphaso zosiyana siyana kulingana na chisomo chinapasiwa kwa ife. Ngati mphaso yaumozi niuneneli, lekani achite kulingana na muyeso wa chikhulupililo chake. ⁷ Ngati mphaso yawina nikutumikila,lekani atumikile. Ngati winangu alinamphaso yophunzisisa,lekani aphunzisise. ⁸ Ngati mphaso ya munthu nikulimbikisa, lekani alimbikise.Ngati mphaso yamuthu nikupasa, lekani apase mokondwelesa. Ngati mphaso ya muthu nikusogolela, lekani achite mosamalila.Ngati mphaso ya munthu nikuwonesa chifundo, lekani chite mosangalala. ⁹ Lekani chikondi chinkhale chilibe chinyengo. Kanani choipa, gwilisisani chabwino, ¹⁰ kulingana na chikondi cha abale, nkhalani okondana wina ndi mnzace. Kulingana na ulemu, lemekezanani wina ndi munzake. ¹¹ Kulingana na kusebenzesesa, osanyalanyaza. Kulingana na Muzimu, nkhalani ba chidwi. Kulingana na Ambuye, mutumikileni, ¹² Sangalalani na chisimikizo chamene mulinacho pasogolo lanu. Nkhalani oleza mtima mumabvuto yanu. Pitilizani kupemphela, ¹³ Gabanani muzofuna za okhulupilila, pezani njila zambili zochitilamo zabwino. ¹⁴ Dalisani bamene bamunzunzani, dalisani osatembelela. ¹⁵ Sangalalani nabamene basangalala,Lilani nabamene balila, ¹⁶ nkhalani na nzelu zimozi kuli wina ndi mnzace. Osaganiza munjila yozitukumula, koma landilani bamene bali pansi. Osaziwona banzelu mumaganizo banu. ¹⁷ Osabwezela choipa pa choipa,Chitani zinthu zabwino kuli aliyense. ¹⁸ Ngati nichotheka, makamaka ngati chilipali imwe, nkhalani namtendere na banthu onse. ¹⁹ Osabwezela choipa pakati panu, okondodwa, koma pasani njila ku mkwiyo wa Mulungu. Pakuti nicholembedwa,kubwezela nikwanga, nizabwezela, atelo ambuye, ²⁰ koma ngati mnzako ali nanjala, mudyese, ngati amnvela njota, mupaseni chakumwa, ngati muchita ichi, muzaika makala yamoto pamutu pake. ²¹ Osagonjesewa na choipa,koma gonjesani choipa na chabwino.