¹ Oh, imbilani Yehova nyimbo yamanje; imbilani Yehova, ziko yonse yapansi. ² Imbilani Yehova, lemekezani zina yake; pundani chipulumuso chake siku na siku. ³ Kambani ulemelelo wake mumitundu, vodabwisa vake ku mitundu yonse. ⁴ Pakuti Yehova ni mukulu ndipo ayenela kulemekeza kwambili. Ayenela kuyopa kuposa milungu ina yonse. ⁵ Pakuti milungu yonse ya mitundu ni mafano, koma ni Yehova wamene analenga kumwamba. ⁶ Ulemelelo na ukulu vili pamenso pake. Mphamvu naku kukongola vili mumalo yake yopatulika. ⁷ Pelekani kuli Yehova, imwe mafuko ya bantu, lemekezani Yehova chifukwa cha ulemelelo wake na mphamvu zake. ⁸ Pasani Yehova ulemelelo oyenela. Bwelesani chopeleka na kubwela mubwalo yake. ⁹ Gwadani kuli Yehova mu ulemelelo wa chiyelo; njenjemela pamenso pake, ziko yapansi yonse. ¹⁰ Kambani pakati pa mitundu, "Yehova alamulila." Ziko yapansi inkazikika; singanyang'anyisiwe. Amaweluza mwachilungamo mitundu ya bantu. ¹¹ Lekani kumwamba kukondwele, na ziko yapansi ikondwele; nyanja iwulume na vonse vili mwamene vipunde mokondwela. ¹² Minda ikondwele na vonse vili mwamene. Ndipo mitengo yonse yamunsanga ipunde mokondwela ¹³ pamenso pa Yehova, chifukwa abwela. Abwela kuweluza ziko yapansi. Azaweluza ziko yapansi na chilungamo ndipo mitundu ya bantu na kukulupilika kwake.