¹ Yehova alamulila; lekani ziko yapansi ikondwele; visumbu vambili vikondwele. ² Makumbi na mudima vimuzunguluka. Kululungama na chiweluzo chabwino ndiye maziko ya mupando wake wachifumu. ³ Mulilo upita pasogolo pake na kunyekesa badani bake pambali ponse. ⁴ mphezi zake ziunikila ziko yapansi; ziko yapansi iona nakunjenjema. ⁵ Mapili yasungunuka monga sela pamenso pa Yehova, Ambuye wa ziko yonse yapansi. ⁶ Mulengalenga ukambilila chilungamo chake, ndipo mitundu yonse yaona ulemelelo wake. ⁷ Bonse balambila mafano yosema bazachita manyazi, bamene bazitamandila ma mafano yalibe kantu- bamugwadila eve, milungu yonse! ⁸ Ziyoni ananvela nakukondwela, ndipo minzi ya Yuda inakondwela chifukwa cha malemba yanu yolungama, Yehova. ⁹ Pakuti imwe, Yehova, ndimwe wamumwambamwamba pa ziko yonse yapansi. Mwakwezekewa kupita milungu yonse. ¹⁰ Imwe bamene mukonda Yehova, nakuzonda voipa! Amateteza moyo ya bokulupilika, ndipo amabachosa mumanja ya boipa. ¹¹ Kuunika kumafesedwa kuli bolungama na chisangalalo kuli bamene ba mitima yazona. ¹² Kondwelani muli Yehova, bolungama imwe; ndipo tokozani pamene mukumbukila chiyelo chake.