¹ Salimo ya Davide. Wolemekezeka Yehova, tantwe yanga, wopunzisa manja yanga kunkondo, na vimbombo vanga kunkondo. ² Imwe ndimwe pangano yanga yokulupilika na chipupa changa, nsanja yanga itali, na wonipulumusa, chishango changa, na wamene nimatamangilako, wamene anagonjesa bamitundu pansi panga. ³ Yehova, muntu nindani kuti mumusamalile, kapena mwana wa muntu nindani kuti mumukumbukile? ⁴ Muntu ali monga mpepo; masiku yake yali monga chimfwile chopita. ⁵ Mbilisani kumbi, nakuyi selusa, Yehova; Gwilani mapili nakuyachosa chusi. ⁶ Tumani tuleza naku mwazya badani banga; ponya mivi yako, nakubabweza mumusokonezo. ⁷ Tambululani kwanja yanu kuchokela kumwamba; nipulumuseni mumanzi yambili, mumanja ya balendo. ⁸ Pakamwa pao pakamba boza, ndipo kwanja yao yamanja niyaboza. ⁹ Nizakuimbilani nyimbo yasopano, MULUNGU; Nizayimba voyimbila va zingwe khumi, Imwe bamene mupulumusa mafumu, ¹⁰ bamene munapulumusa Davide mtumiki wanu ku lupanga yoyipa. ¹¹ Nipulumuseni na kunipoka mukwanja mwa balendo. Pakamwa pabo pakamba boza, ndipo kwanja yao yamanja niyaboza. ¹² Bana batu bamuna bankale monga vomela vamene vakula msinku mu ufana wao, na bana batu bakazi monga mizati yapa kona yobezewa, yo oneka monga nyumba zaufumu. ¹³ Vimpaka vatu vinkale na vipaso va mitundu iliyonse, ndipo nkosa zatu zibale masausande nama sausande mu minda zatu. ¹⁴ Pamenepo ng’ombe zatu zizabala bana bambili. Palibe amene azaboola vipupa vatu; sipazankala kupoka, kapena kulila munjila zatu. ¹⁵ nibodalisika bantu bamene bali namadaliso yamene aya; nibodalisika bantu bamene Mulungu wawo ni Yehova.