¹ Salimo ya matamando. ya Davide. Nizakutamandani, imwe Mulungu wanga, Mfumu; nizalemekeza zina yanu ntau zonse. ² Nizakudalisani masiku onse; Nizalemekeza zina yanu mpaka muyayaya. ³ Yehova ni mukulu, ayenela kulemekezewa kukulu; Ukulu wake siwochita kusakila. ⁴ Mubadwo winango uzalemekeza vochita vanu ku mubadwo winango, ndipo uzazibisa vampamvu zanu. ⁵ Nizaganizila ukulu wa ulemelelo wanu, na vochita vanu vabwino. ⁶ Beve bazakamba pa mpamvu za nchito zanu zabwino, ndipo nizakamba ukulu wanu. ⁷ Bazakamba va kuwama kwa mtima wanu, ndipo bazaimba va chilungamo chanu. ⁸ Yehova ndiye wachisomo, ni wachifundo, wosakwiya msanga, ni wa chifundo chikulu. ⁹ Yehova ni wabwino kuli bonse; chifundo chake chili pa nchito zake zonse. ¹⁰ vonse vamene munapanga vizakuyamikilani, Yehova; ¹¹ Beve bazakamba pa ulemelelo wa ufumu wanu, ndipo bazakamba pa mpamvu zanu. ¹² Bazazibisa muntu alionse pa zinchito za mpamvu za Mulungu na kuwama kwa ulemelelo wa ufumu wake. ¹³ Ufumu wanu ndiye ufumu wosasila, na ulamulilo wanu unkalilila mumibadwo yonse. ¹⁴ Yehova atandizila bonse bamene bakugwa na kuyimilika bonse bobelama. ¹⁵ Menso yabo bonse yayembekeza imwe; mumabapasa chakudya chao pa ntau yoyenela. ¹⁶ Mumasegula kwanja yanu naku kutilisa chilakolako cha volengewa vonse. ¹⁷ Yehova ni wolungama mujila zake zonse, ni wokulupilika muvochita vake vonse. ¹⁸ Yehova ali pafupi na bonse bamene baitana kuli eve, kuli bonse bamene baitana pali eve mokukulupilika. ¹⁹ Amakwanilisa vofuna va bamene bamamulemekeza; amamvela kulila kwao na kuba pulumusa. ²⁰ Yehova amayanganila onse bamene bamukonda, koma azawononga boipa bonse. ²¹ Pakamwa panga pazakamba matamando ya Yehova; nena matamando a Yehova; muntu wonse adalise zina yake yoyela muyayaya.