¹ Tamandani Yehova! Lemekezani zina Ya Yehova. Mutamandeni eve, imwe atumiki ya Yehova, ² imwe bamene mumaimilila munyumba ya Yehova, mumabwalo ya nyumba ya Mulungu wathu. ³ Lemekezani Yehova, pakuti ndiye wabwino; imbani zotamanda zina yake, pakuti nichokondwelesa. ⁴ Pakuti Yehova asankha Yakobo kuti ankhale wake, Israeli ankhale chuma chake. ⁵ Niziba kuti Yehova ni wamukulu, kuti Ambuye wathu ni woposa milungu zonse. ⁶ Chilichonse chamene Yehova afuna amachichita kumwamba, paziko yapansi, munyanja na munyanja zonse zakuya. ⁷ Iye amabwelesa mitambo kuchokela kutali, kuchitisa mphezi kutsata mvula, na kutulusa mpempo munkhokwe yake. ⁸ Anapaya mwana oyamba kubadwa wa Aigupto, banthu na nyama. ⁹ Anatumiza zizindikilo na zodabwisa pakati pako, Aigupto, pa Farao na atumiki bake onse. ¹⁰ Anamenya mitundu yambili naku paya mafumu amphamvu, ¹¹ Sihoni mfumu ya Aamori, na Ogi mfumu ya Bashani nama ufumu onse ya Kanani. ¹² Anatipasa ziko yawo ngati cholowa, cholowa cha Aisiraeli banthu bake. ¹³ Zina yanu, Yehova, izankhalapo muyayaya; mbili yanu, Yehova, izankhalapo ku mibadwomibadwo. ¹⁴ Pakuti Yehova amateteza banthu bake ndipo amachitila chifundo atumiki bake. ¹⁵ Mafano ya mitundu ni siliva na golide, nchito ya manja ya banthu. ¹⁶ Mafano yali na makamwa, koma siyamakamba; manso yali nawo, koma siyamayangana ; ¹⁷ matu yali nawo, koma siyamamvela, ndipo mukamwa mwao mulibe mpweya. ¹⁸ Bamene bapanga izi ali monga vamene ivi. monga onse wamene akhulupilila muli ivi. ¹⁹ Iwe bana ba Israyeli, lemekezani Yehova; mibadwo ya Aroni, lemekezani Yehova. ²⁰ Iwe a mbumba za Levi, lemekezani Yehova; imwe bamene amalemekeza Yehova, lemekezani Yehova. ²¹ Wolemekezeka Yehova mu Ziyoni, iwe wonkhala mu Yerusalemu. Tamandani Yehova.