¹ Mobwezela anangenanso musinagoge munali mwamuna anali ndi kwanja yofota. ² Benangu banthu banali kumuyang'ana kuti baone ngati azamupolesa pa sabata kuti bamupase mulandu. ³ Yesu anati kuli uja munthu wofota kwanja, " Ima, Imilila pakati pa wonse." ⁴ Ndipo anati ku banthu, " Kodi nichovomelekezeka kucita chabwino pa siku ya Sabata kapena kuchita chinthu choyipa; kupulumusa moyo, kapena kupaya?" Ndipo wonse banali chete. ⁵ Anabayangana naukali, na kumudwisiwa na kuuma mutima kwawo, ndipo anati kumwamuna, "Tambulula kwanja kwako." Ndipo iye anatambulula, na kwanja kwake kunankhala bwino. ⁶ Bafalisi panthawi yamene iyo banapita kukafuna-funa njila yomupailamo pamodzi nama Helodiya. ⁷ Ndipo Yesu, pamozi na wophunzila, banayenda kunyanja, ndipo banthu bambili banamukonkha kucokela ku Galileya ndi ku Yudeya ⁸ na kucokela ku Yelusalemu naku Idumeya nakupitilila Yorodani na kuzungulila Tireya na Sidoni. Pamene ananva pa zamene analikucita, banthu bambili banabwela kuli eve. ⁹ Ndipo anafunsa wophunzila bake kuti bakonzeke kaboti kang'ono chifukwa banthu banali bambili, kuti osati bazimuguma-guma. ¹⁰ Chifukwa anachilisa bambili, kuti aliyense wamene anali wovutika anafuna-funa kuti afike kuli eve kuti amugwileko. ¹¹ Nthawi zonse pamene mizimu yoipa unamuona eve, unalikugwa pansi na kulila kokuwa, nakukamba kuti, " Iwe ndiwe Mwana wa Mulungu." ¹² Ndipo iye anali kukulesa kuti asamuzibe. ¹³ Anayenda palupili, na kuyitana baja bamene anali kufuna, ndipo banabwela kuli eve. ¹⁴ Anasankhapo bali 12, ( bamene anaitana kuti apositolo), kuti bazinkhala naye ndipo akabatume kukalalikila uthenga. ¹⁵ na kunkala na mpamvu zochosela vibanda. ¹⁶ Ndipo anasankhapo 12: Simoni, wamene anapasa zina yakuti Petulo; ¹⁷ Yakobo mwana wa Zebedayo, and Yohana mu mbale wa Yakobo, kuli awo anapasa zina Bonenge, kuthanthauza Bana baka kaleza; ¹⁸ na Andileya, Filipo, Batolomeyo, Mateyo, Tomasi, Yakobo mwana wa Afalesi, Thadeyo, Simoni wa Zilote, ¹⁹ na Yudasi Iscariyoti, uja wamene anamugulisa. ²⁰ Ndipo anayenda kunyumba, na banthu bambili banabwela pamozi futi, kuti bakane kudya buledi. ²¹ Pamene babanja bake bananvaa ivi, banayenda kuti bakamugwile, cifukwa anati, "aleka kuganiza bwino." ²² Balembi bamane banabwela kucokela ku Yelusalemu anati, "ali na vibanda vya Beluzabebu," ndipo, "mwa ulamulilo wa vibanda ochosa vibanda," ²³ Yesu anabaitana na kubauza mu myambi, "Zingachitike bwanji kuti Satana achose Satana? ²⁴ Ngati ufumu niwogabanikana suungaimilile. ²⁵ Ngati nyumba niyogabanikana, ija nyumba siingaimilile. ²⁶ Ngati Satana aziukila eka na kugabanikana, sangaimilile, koma kwabwela kusila. ²⁷ Koma palibe amene angangene munyumba ya wampamvu nakuba vonse vauja munthu bakalibe kumumangilila, ndiye pamene bangaononge nyumba yake. ²⁸ Zoona nikuuzani , uchimo uliwonse wa mwana wa munthu uzakakhululukidwa, na minyozo yonse yokambiwa, ²⁹ koma aliwonse wonyoza Muzimu Woyela sazakakhululukiwa, koma azankhala wochimwa ndi uchimo wa nthawi zonse." ³⁰ Yesu anakamba izi chifukwa banali kukamba kuti, " Ali na mizimu yonyansa." ³¹ Ndipo bamai bake na babale bake banabwela nakuimilila panja. Banatuma banthu, nakumuitana. ³² Ndipo banthu bambili banalipo nankhala momuzungulila iye na kuti,"Bamai bako na babale bako bali panja, dnipo bakufuna," ³³ Anabayankha nakuti,"Nibandani bamai banga na babale banga?" ³⁴ Anabalangana baja bamene banali nkhale banamuzunguluka nakuti, "Onani, aba ndiye bamai banga na babale banga! ³⁵ Chifukwa aliwonse wamene achita chifunilo cha Mulungu, uja munthu ndiye mubale wanga, na mulongo ndi mai wanga."