¹ Chomela chizachoka mubadwe wa Jesse, na ntambi kuchokela mumizyu zake izabala ² chipaso. Muzimu wa Yehova uzapumulila pali eve, muzimu wachizindikilo na chinveseso, muzimu olangiza na mpanvu, muzimu wa nzelu na wa kuyopa Yehova. ³ Kukondwela kwake kuzankala kuyopa ambuye;sazaweluza monga mwamene menso yake ya onela, olo kusanka monga mwamene matu yake yanvelela. ⁴ Koma azaweluza bosauka na chilungamo na kusanka bwino kuli bozichepesa pa ziko yapansi. Azakamenya ziko na nkoli ya mukamwa mwake, na kupema kwa milimo yake azakaononga boipa. ⁵ Chilungamo chizakankala chovala cha mumusana wake, na kukulupilika chavala chamumbali mwa musana wakwe. ⁶ Nyalugwe azakankala pamozi na mbelele, na kaingo kazakankala pamozi na mwana wa mbuzi; mwana wa ngombe, mwana wa nkalamu, na ngombe yoina pamozi, na mwana mungono azakavisogolela. ⁷ Ngombe na chimbalangondo vizakadya pamozi, na bana bao bazakagona pamozi. Nkalamu izakadya mauzu monga ngombe. ⁸ Mwana mun'gono azakasobelela pa komo ya njoka, na mwana olekachabe kunyonka azakaika kwanja yake pa mubo wa njoka. ⁹ Sibazaka nvesa kubaba olo kuononga yonse malupili yanga yoyela; chifukwa ziko yapansi izakazula na nzelu za Yehova, monga mwamene manzi yamavinikila nyanja. ¹⁰ Pa siku ija, muzyu wa Jesse uzakaimilila monga cho onelako ku bantu. Maziko yazakamusakila eve, na malo yake yopumulilako yazakankala ya ulemelelo. ¹¹ Pa siku ija, ambuye azakavungulula kwanja yake na kubweza bosalapo pa bantu bake banasala mu Asiliya, Iguputo,Patilos, kushi,Elamu, Shina,Hamati, na malo yapa nyanja. ¹² Azakaika cho onelako kuli maziko nakuika pamozi banataiwa kunja ba Israeli na bomwazikana baku Yuda kuchokela kumakona yonse ya ziko yapansi. ¹³ Azakapindamulila kubali kukumbwila kwa Efulemu, na kuipa mutima kwa Yuda kuzaka chosewapo. Efulemu sazakakumbwila Yuda, ndipo sazakankala oipa mutima kuli Efulemu. ¹⁴ Mwaicho bazatamangila kumapili ya ba Filisiti kumbali yakumazulo, ndipo pamozi bazaononga bantu baku maba. Bazamenya Edomu na Moabu, na bantu baku Ammoni baza banvelela. ¹⁵ Yehova aza onongelatu mbali ya nyanja ya Iguputo. Na mpepo yake yakupya azapitisa kwanja yake pa mumana wa Ufuleti naku ugabanisa mutu mimana seveni, kuti ungajumpiwe na mansapato. ¹⁶ Kuzankala kuyenda kwabambili pabosalapo pa bantu bake bazabwelela kuchokela ku Asiliya, monga kunalili kuli Israeli pakubwela kwao kuchokela ku Iguputo.