¹ Mau ya Yehova yanabwela kuli ine, kuti, ² Kodi mutanthauuza chani, imwe bamene mukuchula mwambi wamene wukamba za ziko ya Isiraeli, kuti, ‘Atate bamadya mphesa yosasamila, ndipo mano ya bana yapangiwa yofupa’ ? ³ Pali Ine wamoyo- , ichi ndiye chamene Ambuye Yehova akamba- sipazakalanso cifukwa chonena mwambi uwu mu Israyeli. ⁴ Onani! Moyo uliwonse ni wanga- umoyo wa atate na umoyo wa mwana , ni wanga! Umoyo wachimwa ndiye wamene uzafa! ⁵ Kodi tingakambe chani za muntu olungama na ochita chilungamo - ⁶ ngati eve sakudya pamwamba pamapili kapena kukweza menso yake ku mafano yonyansa ya nyumba ya Isiraeli, samagona na mukazi wamuzake wapafupi kapena nakugona na mukazi ali kumwezi , kodi ni muntu wolungama? ⁷ Kodi tingakambe chani za muntu wamene sapondelela aliyense, wamene amabweza nkongole kuli wamene anankongolako, na wamene samaba koma amapasa vokudya kuli bali na njala na kuvinikila bamene balibe vovala- kodi muntu uyu ni wolungama ? ⁸ Kodi tingakambe chani pa muntu wamene salipilisa kuchuluka pa ndalama zamene akongolesa koma samachita zoipa nakwanja yake? Amanenewa kuti amachita chilungamo nakunkhazikisa kukhulupilila pakati pa banthu. ⁹ Ngati muntu ayenda mumalamulo yanga na kusunga malamulo yanga kuti azichita zintu mokhulupilila, lonjezano ya muntu wolungama ni iyi: Azankhala na umoyo - ichi ndiye chamene Ambuye Yehova akamba. ¹⁰ Koma ngati ali na mwana mwamuna wandeo wamene akesa magazi, nakuchita chimozi cha vinthu ivi vakambiwa, ¹¹ (ngankale tate wake sanachite chilichonse cha ivi vinthu ). Amadya pamwamba pamapili ndipo amagona na mukazi wamuzake wapafupi, tingakambe chani pali uyu? ¹² Eve amapondelela bosauka na bosoba ; amaba ndipo samabweza chikole, amakwezeka menso yake ku mafano na kuchita vinthu vonyansa, ¹³ ndipo amakongolesa ndalama naku onjezelapola chokwela kwambili, kodi muntu wamene uyu azankala na umoyo? Zoona sazakankhala na umoyo ! Ndipo magazi yake yazankala pali uyu chifukwa achita vinthu vonyansa. ¹⁴ Koma onani ! Ngati pali muntu wamene abala mwana mwamuna, ndipo mwana wake aona machimo yonse yamene bambo wake anachita, ndipo nangu aona, samachita vintu vamene ivi. ¹⁵ Mwana wamene uyu sakudya pamwamba pamapili, sama kwezeka menso yake kumafano ya munyumba ya Israeli, ndipo samagona na mukazi wamuzake wapafupi, kodi nichani chamene chingakambiwe pali eve ? ¹⁶ Mwana wamene uyu sapondelela aliyense, kapena kutenga chikole, kapena kutenga vintu vakuba, koma amapasa vakudya vake kuli bali nanjala na kuvinikila bamene balibe vovala. ¹⁷ Mwana uyu sapondelela muntu aliyense kapena kutenga chowonjezela chakuchulukila, koma achita malemba yanga nakuyenda monga mwa malemba yanga; mwana wamene uyu sazafa chifukwa cha chimo ya batate bake: eve azankala na umoyo! ¹⁸ Batate bake, kupeza kuti banapondelela bena mwa chinyengo naku bela mubale wake, nakuchita voipa kuli bantu ba mutundu wake- onani, azafa muzolakwa zake. ¹⁹ Koma imwe mukuti, 'Chifukwa nichani mwana savutikila machimo ya batate bake? Pakuti mwana uyu achita chiweluzo na chilungamo nakusunga malemba yanga yonse ; amavichita. Azankala na umoyo ! ²⁰ Wamene achimwa, ndiye wamene azafa. Mwana sazavutikila machimo ya batate bake, ndipo batate sibazavutikila machimo ya mwana wao. Chilungamo cha ochita zolungama chizankhala pali mwine, na kuipa kwa zoyipa kuzankala pali eve mwine. ²¹ Koma woyipa akatembenuka kusiya machimo yake yonse yamene anachita, nakusunga malemba yanga yonse, kuchita Vintu volungama, azankala na umoyo ndipo sazafa. ²² Volakwa vonse vamene anachita sivizakumbukilila futi. Azankhala na umoyo na chilungamo chamene amachita. ²³ Kodi ndimakondwela kwambili pa imfa yaboyipa— ivi vakambiwa na Ambuye Yehova- osati chifukwa chosiya njila yake kuti ankale na umoyo? ²⁴ Koma olungama akatembenuka kuleka chilungamo chake nakuchita machimo na vonyansa monga vonse vonyansa oipa achita, azankala na umoyo kodi? Volungama Vonse vamene anachita sivizakumbukiliwa pamene anigulisa muku chenjela kwake. Choncho azafa mumachimo yamene anachita. ²⁵ Koma imwe mukamba kuti, Njila ya Yehova si yolungama !' Mvelani, nyumba ya Israyeli! Kodi njila zanga ni zopanda chilungamo? Kodi si njila zanu zosalungama? ²⁶ Muntu olungama akabwelela kuleka chilungamo chake, nakuchita chimo nakufa chifukwa chamachimo , azafa chifukwa cha machimo yamene achita. ²⁷ Koma oipa akatembenuka kuleka voipa vake anachita, nakuweluza kwa bwino na chilungamo, azasunga umoyo wake. ²⁸ Pakuti aona nakutembenuka kusiya volakwa vonse vamene anachita. Azankhala na umoyo, ndipo sazafa. ^{29 30} Koma nyumba ya Israyeli ikamba kuti, 'Njila ya Yehova si yolungama!' Kodi njila yanga ili yosalungama bwanji, nyumba ya Isiraeli? Njila zanu ni zosalungama. Mwaichi nizaweluza aliyense mwa imwe monga mwa njila zake, nyumba ya Isiraeli! Ichi chakambiwa na Ambuye Yehova . Tembenukani nakusiya volakwa vanu vonse kuti visankale vokuvalizani kushushana naimwe. ³¹ Tayani yonse machimo yamene munachita; pangani mitima na muzimu yanu inkale yasopano,kodi nichani chamene muzafela, nyumba ya Israeli ? ³² Chifukwa sinima sangalala muli infa ya muntu wamene afa- izi Ambuye Yehovah akamba- tembenukani naku nkala na umoyo ! ''