¹ Choncho muchaka chakumi na chimozi, siku yoyamba ya mwezi uja, mau ya Yehova yanabwela kuli ine, kukamba ² “Mwana wa muntu, chifukwa Turo anena moshuhsana na Yerusalemu, ‘Eya, zipata za bantu zatyolewa! Ani pindamukila; nizakuta chifukwa aonongeka.' ³ Chifukwa chake Mulungu Yehova, akamba ichi, ‘Onani! “Ine nitana naiwe, Turo, ndipo nizaimya mitundu yambili ya bantu kuti ikumenyane naiwe, monga mwamene nyanja imaumilizila mafunde yake. ⁴ Bazaononga vipupa va Turo na kugwesa nsanja zake. Niza pyanga kalukungu kake monga mwala ilibe kantu. ⁵ Azankala malo poyumisa masumbo pakati pa nyanja, popeza nanela, uyu ni Mulungu Yehova, ndipo azankala otengewa monga katundu yankondo maiko ya mitundu. ⁶ bana bake bakazi bamene bali mu munda azapaiwa na lupanga, ndipo bazaziba kuti ine ndine Yehova. ⁷ Ichi ndachemene Ambuye Yehova akamba: onani, kuchokela kumwela kuleta Nebukadineza mfumu ya ku Babiloni, mfumu ya mafumu, kuchokela Tyre, nama kavalo, na magaleta, nabo kwela pakavalo, na bantu bambili. ⁸ Azapaya bana bako ba kazi mu munda na bemba. Azakumangilani mpanda na kukumanga mpanda pa makoma yako, na kukuikila zishango. ⁹ Azaika mbelele zimuna zogumulila zipupa zako, nazo sebenzesa zake azaagwesa zomangiwa zitali zako. . ¹⁰ Makavalo yake yazankala yambilil kuti kavuluvulu kabo kaza ku vininkila. vipupa vako vizanyanganya pamozi na ku venka kwa bapa kavalo, chikochikala, na magaleta. Akangena pazipata zako, azangena monga mwamene bantu bamangenela mumzinda vamene vipupa vake vagwesewa. ¹¹ Mendo ya makavalo yake yazadyakiwa misebu yako yonse. Azapaya bantu bako na lupanga, ndipo zoimilisa zako za miyala zamphamvu zizagwa pansi. ¹² Beve bazalanda chuma chako na kulanda malonda yako. Beve bazagwesa vipupa vako na kuononga nyumba zako zapamwamba. Azataya miyala zako, matabwa yako na zinyalala zako mu manzi. ¹³ Nizalesa chongo cha nyimbo zanu. Kunveka kwa azeze bako sikuzamveka na futi. ¹⁴ Nizakusandusa mwala iibe kantu, ndipo uzankhala malo yoyanika sumbo kuti yayume. Suzamangiwanso mpaka kalekale, pakuti ine Yehova Mbuye nakamba kuti: “Uku ndiye ku kambilila kwa Ambuye Yehova. ¹⁵ Ambuye Yehova akamba ichi kuli Turo, zisumbu sizanyang'anisiwa na kunveka wa kugwa kwako, na kubula ko chitiwa, pamene kupaiwa kuli pakati pako? ¹⁶ Pamene akalonga bonse ba m’nyanja azasika pamipando yabo yachifumu a kuvula vovala vawo vachifumu na kuvula vovala vawo vopikapika. bazazivalika vovala kunjenjemela, azankala pansi na kunjenjemela ntawi yonse, ndipo azadabwa chifukwa cha imwe. ¹⁷ Bazakuimbilani nyimbo ya malilo pali mzinda, monga ichi mzinda ozibika, mwamene ba muna bambili banayenda mu nyanja kunkala manje sibalipo! Bantu bamuzinda uja ukulu banala na mphamvu zambili pamene bana nkala, koma manje banakala pansi pa nyanja; bana yofya bantu bonse bonkala pa pafupi nabeve. ¹⁸ Manje magombe banjenjemela pa siku po kugwa kwako. Zisumbu za munyanja zichita mantha, chifukwa suli mumalo mwako. ^{19 20 21} Ambuye Yehova akamba ichi, Nikalengesa munzi wabwinja, monga minzi yosankalamo bantu, nikazausha mabwinja yamene yalimbana naiwe, na pamene manzi yambili yazakuvininkila, manje niza kuleta pansi pali bantu bantawi yaku dala monga bamene banangena mu mugodi; chifukwa nizalengesa unkale malo yapansi maningi, monga ngati mabwinja yakudala; Chifukwa cha vamene ivi simuzabwelela na kuimilila mu ziko ya umoyo. Nizaika soka pali iwe, simuzankalamo futi mpaka muyayaya. ndipo azakufuna funa, koma simuzapezeka mpaka muyayaya, uku niku kambilila kwa Ambuye Yehova.