¹ Nichomwecho nkalani bokonkeleza Mulungu, monga bana bokondewa. ² Ndipo yendani muchikondi, mwamene naeve Yesu anatikonda nakuzipeleka eka kwaise ³ Koma pasankale dama iliyonse painu ya ma chimo ya chiwelewele kapena chisiliro olo chidetso, chifukwa ivi nivosayenera pa bantu ba Mulungu boyera. ⁴ Lekani pasankale chinyaso, kapena kukamba kopusa, ndipo pasankale majokusi yosayenera – ivi vonse sivifunika. Koma pankale kupeleka mayamiko. ⁵ Chifukwa muziba ndipo muzindikila kuti kulibe aliyense wamene achita chiwelewele, wachideso, kapena wosilira – uyu munthu wopempeza tumilungu twina – azalowa mu Ufumu wa Kristu ndi Mulungu. ⁶ Musaleke aliyense akunameni na mau yopanda pindu, chifukwa chaizi zintu ukwiyo wa Mulungu ubwera pa bana bosanvelela. ⁷ Nichifukwa chake, musankale olandirana nabo. ⁸ Chifukwa mwenzepo mudimu, koma manje ndimwe kuwanika mwa Ambuye. Yendani monga bana bachiyaniko ⁹ (chifukwa zopeleka za kuwanika zipezeka mu ubwino onse, kulungama, na mu chonadi), ¹⁰ ndipo punzilani chamene chisekesa Ambuye. ¹¹ Musayanjane na nchito zilibe pindu za mudimu, koma muzisuse. ¹² Chifukwa sichoyana nakukambapo zintu zamene bamachita museri. ¹³ Koma pamene chintu chaululidwa mu kuwunika, chimaonekela. ¹⁴ Chifukwa chonse chamene chionekela nikuwanika. Chomwecho chikambiwa, “wuka, iwe wogona, ndipo ima kuchoka ku imfa, ndipo Kristu azawala pa iwe.” ¹⁵ Onani mushe mwamene muyendera – osati monga balibe nzelu koma ngaba nzelu. ¹⁶ Mubwezelepo ntawi chifukwa masiku niyoipa. ¹⁷ Chomwecho, musankale bopusa, koma zibani chifunilo cha Ambuye. ^{18 20} Musakolewe na vinyo, chifukwa ichi chipeleka kumachitidwe yotayika. Koma, nkalani ozula na Muzimu Oyera, ¹⁹ kukambisana mu masalimu ndi ma himino ndi nyimbo za uzimu, kuyimba ndi kukomesera kwa Ambuye na mutima wanu onse, ²¹ Ndikupeleka mayamiko pa zonse muzina la Ambuye Yesu Kristu kuli Mulungu Tate, na kunvelelana wina ndi muzake mukoyopa Kristu. ²² Bakazi, nvelelani bamuna banu, monga ni kwa Ambuye. ²³ Chifukwa mwamuna ndiye mutu wa mukazi monga Kristu naye ni mutu wa mupingo, wamene mupulumusi wa tupi. ²⁴ Koma mwamene mupingo unvelela Kristu, bakazi nabo banvelele bamuna babo mwa zonse. ²⁵ Bamuna, kondani bakazi banu, mwamene Kristu anakondela mupingo ndi kuzipeleka eka mumalo mwake pakuti akaupatule, ²⁶ anauwamya ndi ku usuka na manzi na mau, ²⁷ pakuti angazipase eka mupingo wa ulemelero, wopanda banga, kapena kwinya, kapena kanthu kotere, koma oyera ndiopanda chilema. ²⁸ Munjila imozi bamuna bafunika kukonda bakazi babo monga matupi yabo. Wamene akonda mukazi wake azikonda eka nae. ²⁹ Chifukwa kulibe muntu wamene anazondapo tupi yake, koma amaidyesa bwino na kuzisunga bwino, monga mwamene Kristu adyesela na kusunga bwino mupingo, ³⁰ chifukwa ise ndise ziwalo za tupi yake. ³¹ "Chifukwa chaichi mwamuna azasiya tate wake ndi mayi wake ndipo azapatikizana ku mukazi wake, ndipo aba babiri bazankala tupi imozi.” ³² Ichi chonadi chobisika nichikulu – koma nilikulankula pa nkani ya Kristu ndi mupingo. ³³ Komanso, aliyense pa inu afunika kukonda mukazi wake monga mwamene azikondela, na mukazi apase ulemu mwamuna wake.