¹ Ndipo, ine monga omangiwa chifukwa cha Ambuye, nikulimbikisani kuti muziyenda mo yenera na mwamene munaitaniwa. ² Nikulimbikisani kuti muzinkala bozichepesa maningi ndipo bo teka mitima nakutekanya, ndikugwilizana umozi ndi muzake mu chikondi. ³ Chitani motero kuti musunge kugwilana kwa Muzimu ndi kulimba kwa mutendere. ⁴ Kuli tupi imozi na Muzimu Umozi, monga mwamene munaitaniwa mu kukulupirila kwa ma maitanidwe yanu. ⁵ Ndipo kuli Ambuye umozi, chikulupiliro chimozi, na kubatiziwa kumozi, ⁶ ndipo Mulungu umozi na Tate wa bonse, wamene ayanginila vonse ndipo kupitila muli vonse na muli bonse. ⁷ Kwaise bonse wina na wina kunapasiwa chisomo kulinganiza na mpatso ya Kristu. ⁸ Chilimonga mwamene malembedwe yakamba: “pamene anakwezeka ku mwamba, anangenesa kumangiwa mu kumangiwa, ndipo anapasa mpatso ku bantu.” ⁹ Kodi chitantauza chani kuti “anakwezeka” koma ngati anabwera pa madera ya pansi ya muziko? ¹⁰ Wamene anabwera ni umozi muntu wamene anakwezeka ku mwamba maningi kuchila mulengalenga, kuti akwanilise zintu zonse. ¹¹ Kristu anapasa bena kunkala ba tumwi, ndipo bena aneneri, ndipo bena balaliki, ndibena ma busa na bapunzisi. ¹² Anapasa nchinto izi kuti balimbise bantu ba Mulungu kuchita chinto zo sebenza, kumanga tupi ya Kristu. ¹³ Apitiliza kumanga tupi yake panka bonse tikafike kugwilana kwa chikulupiliro na kuziba Mwana wa Mulungu, ndipo kuti tinkale bokula na kufikila kuchipimo chamakulidwe ya Kristu. ¹⁴ Kristu atimanga ise pakuti tisankale monga bana bong’ono botaiwa uko na uko na miza, otengewa na miza za mapunziso ndipo za bantu bo nyenga mu manyengo yabo yaboza. ¹⁵ Koma, kukamba zoona mu chikondi, tizakula munjila zonse mwa iye wamene ni mutu, ndipo, Kristu. ¹⁶ Kristu amanga tupi yonse, ndipo inayikiwa na kugwilana pamozi na mizipe, ndipo yasebenzela pamozi, manje pamene pati yina ndiyinzake vasebenzela pamozi, ichi chilengesa tupi kukula pakuti ingazimange yeka mu chikondi. ¹⁷ Nichomwecho, nikamba ndipo nifotokoza paizi mwa Ambuye, kuti masaziyenda monga mwamene bakunja bamayendela, mu kupusa kwa mu mitu zabo. ¹⁸ Balinamudimu mu kuziba kwabo, nibochosewako ku umoyo wa Mulungu chifukwa chakusaziba kwamene kuli muli beve, chifukwa chamitima zabo zolimba. ¹⁹ Banankala balibe nsoni ndipo banazipeleka beka ku chiwelewele, ndipo bamachita machitidwe ya madoti mukuzikonda. ²⁰ Koma simwamene munapunzila pali Kristu. ²¹ Niziba kuti munanvela pali eve, ndipo muna punzisiwa mwa eve, monga mwamene chonadi chili mwa Yesu. ²² Munapunzisiwa kuchosa za mankalidwe yakudala, kuchosako munthu wakudala. Ni munthu wakudala wamene ali nabumambala chifukwa chazifunilo zake zo nyenga. ²³ Munapunzisidwa ku sukiwa muzimu wa maganizo yanu, ²⁴ ndipo kuvala munthu wa sopano wopangiwa mu chionekele cha Mulungu – mukudera na kuyenera kwa zoona. ²⁵ Nichomwecho, tayani maboza, ndipo lekani alionse akambe zoona ku munzake, chifukwa ndimwe banja imozi. ²⁶ Kwiyani koma musachimwe. Musaleke zuba igwele pa ku kwiya kwanu. ²⁷ Musapase mujelekezi ndime. ²⁸ Wamene enze kuba asabe futi. Koma, afunika kusebenza, kusebenzela pa za bwino na manja yake, pakuti angankale na chopasa banzake balibe kantu kalikonse. ²⁹ Musaleke kukamba kwachionenge kulikonse kuchoke mu kanwa kanu. Sebenzesana chabe mau ya bwino yamene yazaleta chilimbiso kwa aba bamene bachifunisisa, pakuti mau yanu yalete chisomo kwa abo bamene bayanvela, ³⁰ Ndipo musachite chliliso kwa Muzimu Oyera wa Mulungu, chifukwa ndimwe eve mwamene munachitiwa chidindo cha pa siku ya Chipulumuso. ³¹ Tayani kuzivuta mitima konse, ukali, kukwiya, kushautana, ma nyozo, ndi zintu zonse zoyipa. ³² Nkalani na chikondi ku wina ndi munzake, munkale na mitima zamushe, kukulukililana, mwamene Mulungu anakukulukililani mwa Yesu Kristu.