¹ Bana, nvelelani makoro anu mwa Ambuye, chifukwa ichi nichabwino. ² "Lemekeza tate wako ndi mayi” (ili ndiye lamulo loyamba lonkala nachilonjezano), ³ ”pakuti zinthu zizikuyendela mushe ndipo unkale ntawi ikulu pa ziko.” ⁴ Atate, musakwiyise bana banu. Koma, mubakulise mukuzilesa na muchilangizo cha Ambuye. ⁵ Bakapolo, muzinvelela ma bwana yanu akutupi na ulemu ukulu ndi kuyopa, ndi mutima wanu osakumbukira kanthu kena. ⁶ Banveleleni mwameni munganvelele Kristu. Musanvelele chabe pamene ma bwana yanu yakali kumiyangana, pakuti mubanvese mushe. Koma, munvelele monga bakapolo ba Kristu, bamene bachita chifunilo cha Mulungu kuchoka mu mutima wanu. ⁷ Sebenzani namitima zanu zonse, monga musebenzela Ambuye osati banthu, ⁸ chifukwa tiziba kuti chilichonse chabwino chamene wina achita, chizalandila chobwezela kwa Ambuye, angankale ni kapolo kapena omasuka. ⁹ Mabwana, nainu mubachitile zinthu zomwezo iwo. Musabanyoze. Muziba kuti iye wamene ali Mbuye wabo ndi inu ali ku mwamba, ndipo kulibe sanku kwa iye. ¹⁰ Chosalira, limbani mwa Ambuye ndi mu mukulimba kwa mpavu zake. ¹¹ Valani chovala cha usilika cha Mulungu, pakuti mukalimbe pa muchenjelelo wa mujelekezi. ¹² Chifukwa kulimbana kwatu sikulimbana kwa mutupi na gazi, koma tilimbana na maukulu, ndipo na maulamulilo, na ma mpavu ya aziko lino la mudimu, na mpavu za mizimu zoipa umo mu malo yaku mulengalenga. ¹³ Mwaichi valani chovala chomenya ngondo ya Mulunngu, pakuti mukaimilile pa siku ya mayeso, ndipo mukasilizisa kuchita zonse, mukankale bolimba. ¹⁴ Nkalani bolimba, zimangileni muchuwuno mwanu na chonadi, muvalenso chapachifuwa chachilungamo, ¹⁵ ndipo, na mendo yanu yankale nakuzipeleka kwamene kuchokela ku utenga wa mutendere. ¹⁶ Mulivonse vamene mupitamo tengani chikopa chachikulupiliro, chamenecho muzazimila mivi yonse yoyaka moto ya muntu oyipa. ¹⁷ Ndipo tengani chisote chachiulumuso na lupanga lwa Muzimu, lyamene luli ndi mau ya Mulungu. ¹⁸ Napempelo lonse ndi pempezero, pempelani ntawi zonse mu Muzimu. Mukusilizisa, muziyanganila na kulimba konse pamene mupeleka ma pempelo yanu pa banthu bonse boyera ba Mulungu. ¹⁹ nipempeleleni koni naine, kuti mau yapasiwe kwaine pamene nili kusegula kamwa kanga. Pempelani kuti nilangize mu kulimbikisa chonadi chobisika pa nkani ya utenga. ²⁰ Nichifukwa cha utenga chamene ndiri kazembe omangiwa mu unyolo, pakuti nilankule molimbika, mwamene nifunika kulankulila. ²¹ Tayichikas, mubale wokondewa ndi kapolo wachendi mwa Kristu, azakuuzani zonse, pakuti muzibe mwamene nilili. ²² Namutuma kwainu chifukwa cha chamene ichi, pakuti muzibe mwamene tilili, ndipo pakuti alimbikise mitima zanu. ²³ Mutendere kwainu ba bale, ndi chikondi na chikulupiliro kuchokela kuli Mulungu Tate ndi Ambuye Yesu Kristu. ²⁴ Chisomo kwainu monse bamene mukonda Ambuye watu Yesu Kristu na chikondi cholimba ngako.