¹ Chinachitika kuti pa kusila kwa zaka 20, pamene Solomoni anamanga nyumba ya Yehova na nyumba yake, ² Solomoni anamanganso mizinda imene Hiramu anamupasa, nakunkazikamo bana ba Israeli. ³ Solomoni anaukila Hamati-Soba na kubagonjesa. ⁴ Anamanga Tadimori muchipululu, na yonse mizinda yosungilamo chuma, yamene anamanga ku Hamati. ⁵ Anamanganso Betihoroni Wakumwamba, na Betihoroni Wamunyashi, mizinda yochingiliwa na vipupa, komo, na mipilingizo. ⁶ Solomoni anamanga Balati na mizinda yonse yosungilamo vintu vamene anali navo, mizinda yonse ya magaleta yake, na mizinda ya bantu bokwela pamahachi yake, na chilichonse chamene anafuna kumanga ponvela bwino ku Yerusalemu, ku Lebanoni, na mumaziko yonse pansi pa ulamulilo wake. ⁷ Kwa bantu bonse bamene banasala baku Ahiti, Aamori, Aperezi, Ahivi, na Ayebusi, bamene sibanali baku Israeli, ⁸ Bazukulu bawo bamene banasala pambuyo pawo mu ziko, bamene bana ba Isiraeli sibanaononge - Solomoni anabangenesa munchito zokakamiza, zamene ziliko namanje. ⁹ Mwaichi, Solomoni sanapange bakapolo kuchoka ku Israeli. Mumalo mwake, banakhala basilikali bake, bakazembe bake, bakapitawo bake, na aakazembe ba magaleta yake, na bapakavalo yake. ¹⁰ Bamene abo banali woyanganila amene banali kuyanganila mfumu Solomoni, bali 250, bamene banali kuyanganila bantu bamene banali kugwila nchito. ¹¹ Solomo anatenga mwana wamukazi wa Farao kuchokela ku Muzinda wa Davide kupita naye ku nyumba yamene anamumangila, chifukwa anati, "Mukazi wanga sayenela kunkala nyumba ya Davide mfumu ya Israeli, chifukwa kulikonse kwamene likasa ya Yehova yapita kunkala koyera. " ¹² Ndipo Solomoni anapeleka nsembe zoshoka kwa Yehova paguwa yake yansembe yamene anamanga pasogolo pa konde. ¹³ Anapeleka nsembe monga mwa masiku na siku yobwela; anazipasa, kukonka malangizo yamene yapezeka mumalamulo ya Mose, pa masiku ya Sabata, mu mwezi wamanje, napantawi yoikika yamadyelelo katatu muchaka chilichonse: Madyelelo ya buledi ilibe chofufumusa, madyelelo yapa sabata, na madyelelo ya misasa. ¹⁴ Mukusunga malamulo ya Davide batate bake, Solomoni anasanka vigawo va bansembe pa nchito yawo, na Alevi pa nchito zawo, kuti balemekeze Mulungu na kutumikila pamenso pa bansembe, monga mwamene chifunikila kunkalila siku ndi siku. Anasanka futi olonda muvigawo pa komo iliyonse, ya Davide, muntu wa Mulungu, anavikambapo ivi. ¹⁵ Aba bantu sibanapatuke kuchoka ku malamulo ya mfumu kuyenda ku bansembe nama Levi vokuza nkani iliyonse, kapena yokuza vipinda vosungilamo. ¹⁶ Nchito zonse zamene Solomoni analamulila zinasila, kuchokela pamene maziko ya nyumba ya Yehova yanayafaka kufikila pamene inasila. Nyumba ya Mulungu inasila. ¹⁷ Pamenepo Solomoni anayenda ku Ezioni Geberi na kuyenda ku Elati ku gombe, ku ziko ya Edomu. ¹⁸ Hiramu anamutumizila boti yolamulila banchito bake, bamene banaziba nyanja, na banchito ba Solomoni banayenda ku Ofiri ndipo banatenga 450 matumba ya golide nakuyabwelesa kuli mfumu Solomoni.