¹ Manje pamene Yesu anali kucoka kufuma m'tempele, umodzi wa wophunzila ake anati kwa iye, "Mphunzisi, wonani mwala uyu wabwino na mamangidwe abwino!" ² Iye anati ka iye, " Mulikuona mamangidwe akulu aya? Palibe mwala uliwonse wamene uzasala pamwamba pa uyake wamene uti ukakane kucosewapo." ³ Pamene anankhala paluphiri lwa Oliva kumpali kwina kwa tempele, Petulo, Yakobo, Yohane ndi Anduleya anamfunsa cakuseli, ⁴ "Tiuzyeni kodi izi zizacitika liti? Kodi cizindikiro nicani kuti izi zilikufupi kuti zicitike?" ⁵ Yesu anamba anawauza iwo, "Nkhalani celu kuti wina asakusoceleseni. ⁶ Ambiri azabwela mzina langa ndikuti, 'Ndine wamene, 'ndipo azasocelesa ambiri. ⁷ Pamene mzamvela za nkhondo ndi nkhani za nkhondo, msakavutike mtima, izi zifunika kuti zicitike, koma kusila kwa dziko kukalimbe kucitika. ⁸ Cifukwa dziko lizaukirana ndi dziko. ndiufumu uzaukirana ndi ufumu. Kuzankhala civomezi ca dziko madela ambiri, ndi njala. Ici nicayambi cabe ca cipota. ⁹ Nkalani na celu. Azakupelekani inu kwa akulu ansaka, ndipo muzakamenyedwa mumasunagogi. Mzakaimilila kwa akulu a boma ndi mafumu cifukwa ca ine, ngati umboni kwawo. ¹⁰ Koma uthenga wabwino ufunika kuti ulalikiridwe ku madziko wonse. ¹¹ Pamene azakakugwirani ndikukupelekhani, msakhacite nkhawa kuti tizakakamba ciani. Cifukwa panthawi ija, zamene mzakakamba zizakapasidwa kwa inu; simzakakhala inu wolankhula , koma Mzimu Woyela. ¹² Mbale azakapeleka mbale mzake kuti apedwe, ndi atate azakapeleka mwana wawo. Ndi ana azaukira makolo awo ndkufuna kuti apedwe. ¹³ Azakuzondani anthu ambiri cifukwa ca zina langa. koma amene azalimbikira kufikira kucimalizilo, uja munthu azaphulumusidwa. ¹⁴ Pamene mzakaona zamalodza zosaloledwa zilikuimilila pamene sizifunika kuimilirira (inu amene mziwa kuwelenga mvesesani), inu muli ku Yudeya tamangani ku maluphiri, ¹⁵ uyo ali pamwamba pamtenge wa nyumba asaseluke kungena mkati mwanyumba kapena kuti akatenge cili conse kucosa mnyumba, ¹⁶ uyo ali m'munda asabwelele kuti athenge covala cake. ¹⁷ Koma soka kuli aja amene ali ndi ana ndi iwo amene oyamwisha ana m'masiku aja! ¹⁸ Pemphelani kuti osati vikacitike mtnawi ya mphepo. ¹⁹ Cifikwa kuzakhala zowawisa zikulu, kuti zikalibe kucitikapo kuyambila koyamba, pamene Mulungu analenga dziko lapansi, kufikira manje, yayi, sikuzankhalanso. ²⁰ Kapena Ambuye akacepeseko masiku, kulibe aliyense amene azaphulumusidwa. Koma cifukwa ca awo wolungama, amene iwo anasankha, azacosako masiku. ²¹ Ndipo ngati wina azati kwa inu, 'Onani uyu niye Kristu!' kapena Onani, kuja kwamene alili! Msakhulupirire. ²² Cifukwa a Kristu aboza ndi aneneli aboza, azaonekela ndikuonesa zizindikiro ndi zodabwisa, kui asocelese, ngati nkoteka cukanga wolungama. ²³ Nkhalani celu! Ndakuuzani zonse izi nthawi ikhaliko. ²⁴ Koma yakasila masautso pamasiku yaja, zuwa lizasandulika mdima, mwezi suzapelekanso kuwala, ²⁵ nyenyezi zizagwa kucokela kumwamba, ndi mpamvu zamene zili kumwamba zizasung'uzika. ²⁶ Ndipo mzaona Mwana wa Munthu alikubwela m'makumbi ndi mpamvu zikulu ndi ulemelelo. ²⁷ Ndipo azatuma angelo ake azasonkhanisa wonse wolungama kucokela kumpali zonse zinai, kucokela kusilililo kwa dziko ndikusilililo kwa thambo. ²⁸ Mphunzilani ciphunzitso ca mtengo wa mukuyu. pamene muona misambo iyamba kupukira ndikuyoyosha matepo, mziwa kuti nthawi ya kupya kuli pafupi. ²⁹ Cimodzi-modzi pamene muona izi zilikucitika, ziwani kuti ali pafupi, pafupi ndi pageti. ³⁰ Zoonadi ndikuuzani, uyu mbadwo suzapita pamene izi zizacitika. ³¹ Kumwamba ndi dziko lapansi zizapita, koma mau anga sazapita. ³² Koma kulingana za siku kapena nthawi, palibe amene azaiwa, cukanga angelo kumwamba, kapena Mwana koma Atate. ³³ Nkhalani acelu! Yanganani ndi kupemphela cifukwa simuziwa nthawi yamene iyo. ³⁴ Cilingana ndi munthu amane anayenda paulendo- anasiya nyumba yake ndikuikamo anchito kuti akale woyiyanganila, aliyense ndi nchito yake ndipo analemba na woyangana kuti ankhale m'maso. ³⁵ Cifukwa cake nkhalani ndi celu, cifukwa simuziwa pamene mwine nyumba azabwela; kungankale m'mazulo, kapena pakati kausiku, kapena pamene kombwe alikulila m'mamawa. ³⁶ Ngati azabwela movundumukiza, asakakupezani muli mtulo. ³⁷ Camene nili kunena ine kwa inu ndilikunena kwali aliyense: Nkhalani maso!"