¹ Yehova elabila na Mose. Eciti, "lamulila bana ba Israeli kuti, ² "lamula bana ba Israeli kuti acose aliyense m'misasa wamene ali na matenda ba mambombo, na aliyense ali na cilonda cufumya nagazi, na aliyense aliyense waifyiwa na mubili wakufwa. ³ Angabe mwanalume olo mwanakazi, mufunika mubafumye mu misasa. basaifye msasa, ndaba nunkhala mwamene." ⁴ Bana ba Israeli becita teto, bebafumya mu misasa, monga mwelamulira Yehova kwa Mose. Bana ba Israeli bemvwira Yehova. ⁵ Yehova elabila soti na Mose. Eciti, ⁶ "labila na bana ba Israeli. Pamene mwanalume olo mwanakzi bacita ucimo ulionse monga banthu bangacitilane umozi na muayakine, ndipo bankhala osakhulupilika kwa neo, ula munthu ni olakwa. ⁷ Ndipo avomelezye ucimo uwacita ndipo alipile mtentgo wa kulakwa kwake na kuonjezerapo limozi la magao faifi. Ndipo apase ivi kwa wamene wawalakwira. ⁸ Koma ngati ula olakwiliwa aliye mkwao wapafupi kuti alondere malipiro bala, alipire mtengo wa kulakwa kwake kwa neo kupitira mwa wansembe, pamozi na mbelele kuti azitetezere. ⁹ Copeleka ciliconse ca bana ba Israeli, vinthu vonse vopatuliwa na kuletewa wansembe n bana ba Israeli, vinkhale vake. ¹⁰ Copeleka ca mutnhu aliyense cinkhale ca wansembe; ngati aliyense wapasa ciliconse kwa wa nsembe, cibe cake. ¹¹ Soti, Yehova elabila na Mose. Ecit, ¹² "labila na bana ba Israel. Bauzzye, 'ngati mwanakazi wa munthu wacoka nakocimwila mwanalume wake. ¹³ Ngati mwanalume walala naye ndipo cabisika ku menso ya mulume wake, ndipo kufipa kwake kuliye zibike olo kuti ezififya eka, ndipo paliye mboni yomsusha, pakuti aliye katiwe pocita teto, ¹⁴ olo niteto, mzimu wa nsanje ungazibishe mphera mwanlume wake kuti mkazi wake wafifyiwa. Mwacingabele mzimu wa nsanje ungawele mwawenye pa mwanalume pamene mkazi wake aliye fifyiwe. ¹⁵ Mlandu woteti, mwanalume alete mkazi wake ku wansembe. Mwanalume alete copeleka cofunika m'malo mwa mwanakazi,limozi la magao tetni la efa wa unga wa balele. Asatilepo mafuta yai, pakuti ni nsembe yaunga ya nsanje, nsembe ya unga yokumbukira, monga kukumbusha mphulupulu. ¹⁶ Wansembe amlte pafupi na kumuika pamenso pa Yehova. ¹⁷ Wansembe atole kapu ya manzi otuba na kutola kakungu wa pansi mu kacisi ndipo aike kakungu ula mu manzi. ¹⁸ Wansembe aike mwanakazi pa menso pa Yehova na kumasula sisi lake pamutu pake. Aike m'manja mwake nsembe ya unga ya cikumbukiro, yamene ili nsembe ya unga yomganizira. Wansembe anayamule m'manja mwake manzi obaba aba bangalete tembelero. ¹⁹ Wansembe aike mwanakazi pansi pa lumbiro nakuti kwa eve, "ngati kuliye mwanalume muyakine elala nawe, ndipo ngati uliye taike na kucita ciipa, unkhale omasuka ku manzi obaba aba bangalete tembelero ²⁰ Koma ngati wetaika, olo uli pansi pa ulamuliro wa mulume wako ndipo waziifya, ndipi mwanalume muyakine elala nawe, ²¹ ndipo (wansembe apange mwanakazi kuti alumbire lumbilo lingalate tembelero pa eve, ndipo apitilizye kulabira naye mwanakazi ula) 'Yehova akupange weo kuba tembelero iti ikaoneshewe ku banthu bakko kuti uli teto. Ici cicitike ngati Yehova wacitisha cibelo cako cionongenke na vumo lako kuti livimbe. ²² Manzi yoleta tembelero ilobe mumala mwako na kuvimbisha vumo na vibelo vako vionongeke.' Ndipo mwanakazi akoyankha, 'inde, lekani ivo vicitike ngati nineolakwa.' ²³ Wanse,be alembe matembelero onse mu buku, ndipo afafanize matembelero onse olembeka mu manzi obaba. ²⁴ Wansmebe amweshe mwanakazi manzi oababa oleta tembelero. Manzi oleta tembelero amlobe na kunkhala obaba. ²⁵ Wansembe atole copeleka caunga ca nsenje m'manja mwa mwanakazi. Ndipo aimye copeleka ca unga pamenso pa Yehova na kucileta pa guwa. ²⁶ Wansembe atoleko copelaka ca unga patontho mkwanja lake monga copeleka copanamilako, na kucishoka pa guwa. Ndipo ampase mwanakazi ula manzi yobaba kuti amwe. ²⁷ Akampasa manzi kuti amwe, ngati waifyiwa ndaba ecita ucimo kucimwira mulume wake, ndipo manzi oleta tembelero alobe na kunkhala obaba. Vumo lake livimbe na vibelo vake vionongeke. Mwanakazi akabe otembeleleka pakati pa banthu bake. ²⁸ Koma mwankazi aliye ifyiwe ndipo aliye ucimo, amasuliwe. Ndipo akakhale na bana. ²⁹ Iyi niye lamulo la nsaje, Ni lamulo la mwanakazi otaika kufuma kwa mwanalume wake na kuifyiwa. ³⁰ Ni lamulo la mwanalume ali mzimu wa nsanje, pakucitila nsanje mkazi wake. Ofunikoleta mwankazi pamenso pa Yehova, wansembe amcitire vonse valukamba lamulo la nsanje ³¹ Mwanlume sanzankhala wolakw ndaba waleta mkazi wake kwa wansembe. Ndipo mwanakzi atwike kulakwa konse kwangapezeke nako.