¹ Yehova elabila na Mose. Eciti, ² "labila na bana ba Israeli, nena kwa beve, 'pamene mwanalume kapena mwanakazi wazipatulila yeka kwa Yehova na lumbiro lapadela la Unaziri, ³ azipatule yeka ku vinyo na cakumwa caukali. Asamwe vinyo wosasa wopangiwa na vinyo kapena cakumwa caukali. Asamwe cakumwa copangiwa na mpesa olo kulya mpesa ubisi olo woyuma. ⁴ Masiku onse yawapatulira neo, asalye cili conse cpangiwa na mpesa, kuikapo na ciliconse copangiwa na nsele mpaka na cikumba cake. ⁵ Nthawi zonse za ulumbilo wa kuzipatula kwake, lumo lililonse lisapite ku mutu kwake mpaka masiku a kuzipatula kwake kwa Yehova yakwanilishike. Ankhale opatuliwila Yehova. Aleke sisi lake litalimphe pamutu pake. ⁶ Pa nthawi yawazipatulira kwa Yehova asafwike pafupi na mubili wakufwa. ⁷ Asazififye yeka olo nawisi, anyina, mlongosi wke olo mkwao ngati bafwa. Apa ni kamba ka kuti wapatulikila Yehova monga aliyense anagone mwa sisi lake litali. ⁸ Pa nthawi yonse ya kuzipatula kwake, ni mtuba, wosugiwila Yehova. ⁹ Ngati muyakine ngati wafwa mozizimusha pafupi na eve kufifya mutu wake wopatulilkika, ofunika kugela mutu wake pa siki la kutubishiwa kwake- pa siku la seveni ofunika kugela. ¹⁰ Pa siku la eiti ofunika kuleta njiba zibili kapena nkhunda kwa wansembe pamlyando wa citenti cokumanamo. ¹¹ Wansembe apelke nyoni imozi ngati copeleka caucimo, ni iykine ngati nsembe yoshoka. Ivi vimtetezere eve pakuti ecimwa pa kunkhala pafupi na mubuli mwa munthu wakufwa. Ndipo apatule soti mutu wake pa siku lila. ¹² Ndipo azipatulire yeka kwa wansembe pa masiku ya kuzipatula kwake. Akoleta mbelele inalume ya caka cimozi monga nsembe ya ucimo. Masiku yala penze akaliyo ifyiwa yasabelengewe pakuti kuzipatula kwake kweifyiwa. ¹³ Ili ni lamulo la Anaziri masiku ya kuzipatula kwao yakwana. Akoletewa ku mulyango wa citenti cokumanamo. ¹⁴ Akopeleka copeleka cake kwa Yehova. Akopeleka moknga nsembe yoshoka mbelele linalume ya caka cimozi iliye cilema. Akoleta monga nsembe yaucimo mbelele inakazi imozi ya caka cimozi iliye cirema. Akoleta mwana waa mbelele moga nsembe ya ciyanjano iliye cirema. ¹⁵ Akoleta soti nswanda ya buledi uliye vofufumisha, mitanda ya uanga wosalala wosakanizya na mafuta, na tumitanda twa panthi tuliye vofufumisha topakiwa na mafuta, pamozi na nsembe yaunga na nsembe zakumwa. ¹⁶ Wansembe akovipeleka pamenso pa Yehova. Akopeleka nsembe zake za ucimo na nsembe zake zoshoka. ¹⁷ Na nswanda ya buledi uliye vofufumisha, akopeleka mbelele inalume ngati nsembe, nsmebe yaciyanjano kwa Yehova. Wansmebe akopeleka soti nsembe ya unga na nsembe ya cakumwa. ¹⁸ Mnaziri kogela kumutu kwake kuonsha kuzipatula kwa Yehova pa mlyango wa citenti cokumanamo. Akotola sisi la m'mutu wmake nakuliika pa muliro uli pansi pa nsembe ya copeleka ca ciyanjano. ¹⁹ Wansembe akotola kwendo yopika ya kusogolo kwa mbelele inalume, na buledi umozi uliye vofufumisha kufumya mu nswwanda, na matanda umozi wa panthi uliye vofufumisha. Akoviika m'manja mwa mnaziri akaingela sisi lake kuonesha kuzipatula kwake. ²⁰ Wansembe akoiyanglazya mululi monga nsembe kwa Yehova. Iyi ni gawo lituba ya wansembe, pamozi na nganga yoyangalazyiwa na kwndo yapelekewa kwa wansembe. Vikapita ivo, mnaziri anagamwe vinyo. ²¹ Ili ni lamulo la mnaziri kolumbila copeleka cake kwa Yehovaca kuzipatula kwake. Ciliconse ciyakine cangapeleke, akosunga vofunika va lumbilo lecita, kusunga lonezo luonesha u lamulo la mnaziri.'" ²² Soti yehova elabila na Mose. Eciti, ²³ "labila na Aroni na bana bake, unene 'mufunika kudalisa bana ba Israeli mu njira iyi, mukolabila nao kuti, ²⁴ "Yehova akudaliseni na kukusungani. ²⁵ Lekani Yehova apange cinso cake cikubalileni nakukucitilani cisomo. ²⁶ Lekani Yehova akulangeni nakukondelewa na kukupasani mtendele.'" ²⁷ Ni munjira iyi yakufunikira kupasa zina langu kwa bana ba Israeli. Ndipo nikabadalise."