¹ Yehova elabila na Mose na Aroni. Eciti, ² "tolani cibelengelo ca bana ba Kohati banalume pakati pa Alevi, mwa mikoka yao na mabanja yao. ³ Belengani analume onse ali na vyka sate mpaka fifite. Analume aba alobe nchito yotumikira mu citenti cokumanilamo. ⁴ Bana ba Kohati basamalire vinth vituba ngako vosungiwila neo mu citenti cokumanilamo. ⁵ Ndipo bam'misasa bakakonzele kuya pasogolo, Aroni na bana bake bakuloba mu tenti, nakucosa nyula yosiyanisha malo atuba nagako na malo atuba na kuvwinikira likasa la umboni. ⁶ Bakovwinikira likasa na cikumba cosalala. bakoyanzikapo nyula yobilibila. Bakoikamo vimiti vonyamulilako. ⁷ Bakoyanzika nyula yobilila pa thebulo ya bukedi wa malo yopatulika. Bakoikapo soti madishi, masipuni, mabulu na makapu yothilira. Beledi nthawi zonse ukonkhala pa tebulo. ⁸ Bakoyanzikapo nyula isweta na kuvivwinikira na vikumba vosalala. Bakoikako soti vimiti vonyamulira tebulo. ⁹ Bakotola nyula yobilibira na kuvwinikira coikapo nyale, pamozi na nyale zake, mbano zake, vonyamulilapo vake na voikamo mafuta ba mnyale. ¹⁰ Bakoika coikapo nyale na vofunikira vake mu cophimba ca cikumba cosalala, ndipo bakoika mu conyamulila cake. ¹¹ Bakoyanzika nyula yobilibila pa guwa ya golide. Bakovwinikira na covwinikira ca cikumba cosalala na kuikako vimit vonyamulilako. ¹² Bakotola vokatizyilako nchtio vonse mu malo atuba na kuvivunga mu nyula yobilibila. Bakovivwinikir na vikumba va cikumba cosalala na kuika cokatizyilako pa conyamulilapo. ¹³ Bakocosa milota pa guwa na kuyanzikapo nyula yoswetelela. ¹⁴ Bakoikapo conyamulilapo vokatizyila vonse vakukatizyira mu nchito ya guwa. Ivi vinthu n mbale zoputizyila, mafoloko, mafosholo, mabulu na vonse vokazyila pa guwa. Bakovwnikira guwa na cikumba cosalala na kuikamo vimiti vonyamulila. ¹⁵ Pamene Aroni na bana bake bakuyovwikiliratu malo atuba na vokatizyilako vake vonse, na misasa yakalutapasogolo, na bana ba Kohati bakowela kuzonyamula malo atuba. Bakakata viya vituba, bofunikira kufwa. Iyi ni nchito ya bana ba Kohati, kunyamula kunyamula vowamishira mu cihema cokumanamo. ¹⁶ Eliazara mwana wa Aroni wansembe nioyang'anila cisamliro ca mafuta ba mnyale, voputizya va fungo labwino, na vopeleka va unga, na mafuta ozozela. Oyang'anila ciamaliro conse camkacisi na vonse vilimo, malo atuba na vokatizyila vonse. ¹⁷ Yehova elabila kwa Mose na Aroni. Eciti, ¹⁸ "usalole kuti mkoka wa mabanja ba Kohati utendewe pakati pa a Levi. ¹⁹ Ucite teto kwa beve kuti bankhale na moyo basafwe pakufwika pafupi na vinthu vituba: Aroni na bana bake bakoloba na kubagabila aliyense ku nchito yake na udindo wake. ²⁰ Koma ba Kohati basalobe kuona mu malo atuba, olo kanthawi katontho, kuti bangafwe." ²¹ Yehova elabila soti kwa Mose. Eciti, ²² "utole soti cibelengelo ca bana ba Gerosoni mwa mabanja ba vikolwde vao na mikoka yao. ²³ Ubelenge bala bali na vyaka sate kufwika pa vyaka fifite. ubelenge onse bati balobe nchito yotumikira mu citenti cokuimanamo. ²⁴ iyi niye nchito ya mkoka wa bana ba Gerisoni, potumikira na vakunyamula. ²⁵ Bakonyamula nyula zocinga zamkacisi, citenti cokumanilamo, na vovwinikilira va cikumba vosalala vili palulu pake na nyula zocinga zili pamlyango pa citenti cokumanilamo. ²⁶ Bakonyamula nyula zocinga za panja, na nyula za pamlyango wa polobera, wamene uli pafupi na kacisi na pafupi na guwa, nthambo zake, na vokatizyilako vonse na nchito yao. Vonse vufunika kucitika na vinthu ivi, bakocita beve. ²⁷ Aroni na bana bake bakosogolera mu nchito zonse za bana ba Gerisoni, mu katundu wonse wati bakonyamula, na mu nchito zonse. Mukobagabila maudindo bao onse. ²⁸ Uyu niye utumiki wa bana ba Gerisoni wa mu citenti cokumanamo. Itamara mwana wa Aroni wansembe akobasogolera mu utumiki wonse. ²⁹ Ubelenge bana ba Merari mwa mikoka bao, nakubandandamika monga mwa mabanja na vikolwe vao. ³⁰ Kuyambira zaka sate na kuya palulu mpaka fifite. Ubelenge aliyense wati akalobe nchito yotumikira mu citenti cokumanilamo. ³¹ Uyu ni udundo wao na nchito yao mu utumiki wao onse mu citenti cokumanilamo, bakosamlila matabwa yonse ya kacisi, mitanda yonse, na mizati yonse na nsanamira zake, ³² pamozi na mizati ya panja yozungulira kacisi, nsanamira zake, ziciri zake na nthambo zake, na vinsimbi vonse. Uvilembe mwa mazina bao vonse vakufunika kunyamula. ³³ uyu niye utumiki wa mikoka ya bana ba Merari, wakufunika kucita mu citenti cokumanilamo, monga mwangabauzyile Itamara mwana wa Aroni wansembe." ³⁴ Mose na Aroni na asogoleri ba gulu ebelenga bana ba Kohti mwa mikoka ya mabanja na vikolwe vao. ³⁵ Ebabelenga kuyambila pa zaka sate na kupyola mpaka zaka fifite. Ebelenga aliyense eloa nchito you=tumukira mu citenti cokumanilamo. ³⁶ Bebelenga banthu 2,750 analume mwa mikoka na mabanja bao. ³⁷ Uyu niye wenze mndandanda wa mkoka wa Kohati betumikira mu citenti cokumanilamo. Mose na Aroni ebabelenga monga mwebalamulira Yehova kupitila mwa Mose. ³⁸ Bana ba Gerisoni bebelengewa mu mikoka yao, mwa mabanja ya vikolwe vao, ³⁹ kuyambila vyaka sate mpaka vyaka fifite aliyense eloba nchito yotumikira mu citenti cokumanilamo. ⁴⁰ Analume onse ebelengewa mwa mikoka yaoo na mabanja yao pa vikolwe vao benze 2,630. ⁴¹ Mose na Aroni ebelenga mikoka ya bana a Gerisoni bati batumikire mu citenti cokumanilamo. Pocita ici bemvwilira Yehova pocita vebalamulirakucita kupitila mwa Mose. ⁴² Bana ba Merari bebelengewa mu mabanja ba vikolwe va, ⁴³ kuyambila zaka sate mpaka zaka fifite aliyense eloba nchito yotumikira mu citenti cokumanilamo. ⁴⁴ Analume onse, ebelengewa mwa mikoka na mabanja ya vikolwe vao, bekwnila 3,200. ⁴⁵ Uyu niye wenze mndandanda wa mikoka ya bana ba Merari, bamene Mose na Aroni ebelenga monga lamulo l Yehova lewela mwa kwanja ya Mose. ⁴⁶ Teto Mose na Aroni, na asogoleri ba a Isralei ebelenga a Levi onse mwa mikoka yao mu mabanja ba vikolwe vao ⁴⁷ kuyambila zaka sate mpaka zaka fifite. Ebelenga aliyense wati acite nchito mu kacisi, na wati anyamule na kusamalira viya vonse mu citenti cokumanilamo. ⁴⁸ Ebelenga analume 8,530. ⁴⁹ Mwa lamulo la Yehova, Mose ebelenga mwanalume aliyense, na kusunga cibelengelo ca onse monga mwa nchito yepasiwa kucita. Ebelenga aliyense mwa mtundu wa udindo wake wati atwike. Mwakucita ici bemvwira cebalamulila Yehova kuti bacite kupitila mwa Mose.