¹ Lomba kwa Mose kwewela bana anakazi ba Zelofehadi mwana mwanalume wa Giliyadi mwana mwanalume wa Manase, wa banja la Manase mwana mwanalume waYosefe. Aya niye mazina ya bana bake banakazi: Mala, Nowa, Hogila, Milika na Tiriza. ² Pecizopanama pamensso pa Mose, Eliyaza wansembe, msogoleri, wa banthu onse pamlyango wa tenti yokumanilamo. Beciti, ³ "Ausuwasu efwila mcipululu. Koma enzelini pamozi na gulu leukila Yehova pamozi na Kora. Efwila macimo bao, ndipo enzevye bana analume. ⁴ Nicifukwa cinji zina lao lefumapo pa banthu amtundu wao ndaba enzevye mwana mwanalume? Tipasenkoni malo pakati pa banthu amtundu wasu." ⁵ Ndipo Mose etwala nkhani yao pamenso pa Yehova. ⁶ Yehova elabila kwa Mose kuti, ⁷ "bana anakazi ba Zelofehadiolabila cendi. Ubapase malo yao pakati pa banja la ausuwao ndipo uonesheshe kuti gawo ya ausuwao yapasiwa kwa beve. ⁸ Ulabile na bana ba Israeli kuti, 'ngati munthu mwanalume wa mwalila ndipo enzevye mwana mwanalume, coloba cake cipasiwe ku mwana mwanakazi. ⁹ Ngati aliye na mwana mwanakzi coloba cake cilute kwa anekwao. ¹⁰ Ngati aliye anekwao pelekani coloba cake kwa anekwao ba ausuwake. ¹¹ Ngati ausuwake aliye anekwa analume, teto pasani mnekwao wapafupi wa mtundu wao ndipo atole unkhale wake. Iyi inkhale ni lamulo kwa Aisraeli, monga mwe lamulila Yehova kwa Mose.'" ¹² Yehova eciti kwa Mose, "kwella palulu pa lupili la Abarimu na kuciona calo cinapasa bana ba Israeli. ¹³ Ukasilizya kuciona, weo, nawe, ufunika umwalile monga mkwanu Aroni. ¹⁴ Izi zikacite ndaba mweo mwabili mwepandukila lamulo langu mcipululu ca zini. kwamene kula, manzi payefuma kucokela pa mwala, mu ukali wako wekangiwa kulemeza monga mtuba pakati pa bana ba mtundu wonse." Aya niye manzi ya Meriba yaku Kadesi mcipululu ca Zini. ¹⁵ Mwaici Mose elabila na Yehova nakuti, ¹⁶ "lekani mweo, Yehova, Mulungu wa mizimu ya banthu, musankhale munthu wati akosogolera gulu la banthu aba, ¹⁷ munthu amene wati akofuma nakuwela soti nakusogolera gul pofuma na poloba, kuti gulu la banthu banu ansankhale ngati vibeto viliye mbusa obetela." ¹⁸ yehova eciti kwa Mose, "tola Yoswa mwana wa Nuni, munthu amene ali na mzimu wangu, umusanzike manja bako pa eve. ¹⁹ Umupanamike pamenso ya Eliyaza wansembe napamenso ya bantu onse nakumulamulila kuti niye wati akosogolera banthu pamenso pao. ²⁰ Umupase mphamvu zako za ulamuliro wako uike pa eve kuti a Israeli onse akomumvwilila. ²¹ Apaname pamenso pa wansembe Eliyaza kuti amuzibishe vakufuna Yehova pogwilisha nchito Urimu. Eve kalamula kuti bafume bakofuma, soti akati lobani bakolobaonse pamozi na eve, na banthu onse." ²² Teto Mose ecita mwecimuuzyila Yehova. Emutola Yoswa nakumupanamika pamenso pa Eliyaza wansembe na banthu onse. ²³ Emusanzika manja nakumulamulila kuti ayambe kusogolera banthu monga mwelamulila eve kuti cite.