¹ Yehova elabila na Mose na kuti, ² "lamulila bana ba Israeli, ndpo unene kuti, 'Mufunika kupeleka nsembe kwa neo pa nthawi yoikika, vakulya vopikika pamulilo vufumya kafungo kabwino kwa neo.' ³ Ubauzye soti kuti, "iyi ndiye nsembe yopikiwa oa muliro yati mukopeleka kwa Yehova- kamana ka mbelele kanalume kaliye cilema, zibili pa siku iliyonse, ici cinkhale copeleka cosalekezya. ⁴ Mbelele imozi mupeleke m'mawa, ndipo iyakine mucingulo. ⁵ Mukopeleka soti kilogilamu imozi ya fulaulo wolituka, wosakanizya na lita imozi ya mafuta ya olivi. ⁶ Iyi ni nsembe yoshoka ya siku na siku yenze lamuliliwa pa lupili la Sinai kufumya kafungo kabwino, copeleka copangiwa na muliro kwa Yehova. ⁷ Copeleka cakumwa cinkhale lita imozi pa mwana wa mbele imozi, mukotila pa malo opatulika cakumwa copeleka kwa Yehova. ⁸ Mbelele imozi mukopeleka mcingulo pamozi na copeleka ca cakulya monga m'mawa. Mufunika kupeleka soti cakumwa, copeleka cofumila pa muliro cufumiya kafungo kabwino kwa Yehova. ⁹ Pa siku la pacibelu, mkopeleka bana a mbelele abili, iliyonse inkhale yacaka cimozi iliye cilema, kuonjezapo na makilogilamu abili ya fulaulo yolituka yosakanizya na mafuta na copeleka cakumwa. ¹⁰ Iyi ndiye yati inkhale copeleka coshoka ca pacibelu ciliconse. ¹¹ Koyambila kwa mwezi uliwonse, mufunika mukopeleka nsembe kwa Yehova. Mufunika mukopeleka nkhabi zitontho-zitontho zibili, mbelele imozi, na mbelele seveni za cka cimozi ziliye kalema. ¹² Mufunika kupeleka soti makilogilamu atatu ya fulaulo monga copeleka ca unga wosakanizya na mafuta pa nkhabi iliyonse, na makilogilamu abili a fulaulo yoskanizya na mafutapa mbelele imozi. ¹³ Mufunika soti kupeleka kilogilamu imozi ya fulaulo wosakanizya na mafuta monga copeleka ca unga pa mbelele imozi ya caka cimozi. Ivi vufunika kuba copeleka coshokewa, yufumya kafungo kabwino, copeleka copangiwa na muliro kwa Yehova. ¹⁴ Copeleka cakumwa ca banthu cufunika kuba hafu lita ya wainipa nkhabi, imozi ya magawo atatu ya lita pa mbelele inalume, ndipo imozi ya magawo folo ya lita pa mwana wa mbelele. Iyi ibe nsembe yshoka pa mwezi uliwonse pa myezi yonse ya caka. ¹⁵ Mbuzi imozi inalume ngati copeeka ca ucimo kwa Yehova yufunika kupelekewa. Iyi ni kuikapo pa nsembe zoshokewa ya nthawi zonse pamozi na nsembe ya cakumwa ¹⁶ Mu mwezi woyamba, pa siku la fotini la mwezi, pali Paska ya Yehova. ¹⁷ Pa siku la fifitini mukocita mdyelero. Pa masiku seveni buledi uliye cofufumisha ukolyewa. ¹⁸ Pa siku loyamba, kufunika kuba msonkhano utuba kulemekeza Yehova. Mufunika lini kucita nchito zanu za nthawi zonse pa siku ilo. ¹⁹ Mwa ico, mufunika kupeleka nsembe yopamgiwa na muliro, nsembe yoshoka kwa Yehova. Mufunika kupeleka nkhabi zitontho-zitontho zibili, mbelele inalume imozi, na bana ba mbelele ba caka cimozi bali seveni baliye cilema. ²⁰ Pamozi na nkhabi mufunika kupeleka nsembe ya unga ya magao atata ya kilogilamu ya fulaulo yoyavizya na mafuta, pamozi na mbelele inalume, magao abaili. ²¹ Pa mwana wa mbelele iliyonse, mufunika kupeleka gao imozi ya kilo ya fulaulo yoyavizya na mafuta, ²² na mbuzi imozi yanalumemonga nsembe ya ucimo kupanga cotetezela ca mweo mweka. ²³ Mukopeleka izi kuikapo na opeleka zoshokewa za nthawi zumufunika kupeleka m'mawa mulimonse. ²⁴ Mwacalabililiwa apa, mufunika kupeleka nsembe izi nthawi zonse, pa masiku seveni ya Paska, copeleka ca cakulya copangiwa na muliro, cufumya kafungo kabwino kwa Yehova. Yufunika kupelekewa kuikapo pa cpeleka coshokewa na copeleka cakumwa. ²⁵ Pa siku la seveni mufunika kuba na msonkhano utuba kulemekeza Yehova, ndipo mufunika lini kucita nchito zanu za nthawi zonse. ²⁶ Soti pa siku la kupya vipaso voyamba, pamupeleka nsembe ya unga walombakwa Yehova mu masiku yanu ya cikondwelero, mufunika kuba na msonkhano utuba kulemekeza Yehova, ndipo mufunika lini kucita nchito zanu za nthawi zonse. ²⁷ Mufunika kupeleka copeleka coshoka cufumya kafungo kabwino kwa Yehova. Mufunika kupeelka nkhabi zibili, mbelele inalume imozi, na bana ba mbelele bali seveni ba caka cimozi. ²⁸ Mupeleke soti na copeleka ca unga kuti vipelekewe pamozi: fulaulo wolituka woyaviya na mafuta, magawo atatu ya makilogailamu ya fulaulo woyavizya na mafuta pa nkhabi na magao abili ya kilogilamu pa mbelele inalume imozi. ²⁹ Mupeleke gao limozi la kilo la fulaulo wolituka woyavizya na mafuta pa mwana wa mbelele umozi, ³⁰ na mbuzi inalume imozi kuzipangila coteteze mweo mweka. ³¹ Mukapeleka nyama izo ziliye cilema, pamozi na copeleka cakumwa, izi ni kuikapo pa zopeleka zoshokewa za nthawi zonse pamozi na copeleka ca unga.'"