¹ Piwesila mulili Yehpov eciti kwa Mose na Eliyaza mwana wa Aroni wansembe. Eciti, ² "belengani gulu la Israeli, kufuma pa zaka twenti kuya palulu, mwa mabanja bao, onse okwanisha kuya ku nkhondo a Israeli." ³ Teto Mose na Eliyaza wansembe elabila nao mucigw ca Moabu pafupi na mkolo wa Yorodani mu Yeriko ndipo beciti, ⁴ mubelenge banthu kufumila pa zaka twenti kuluta palulu, monga mwawalamulira Yehova kwa Mose na banthu ba mu Israeli, befuma mcalo ca Igipito." ⁵ Rubeni enze woyamba kubadwa kwa Israeli. Kufumila ku mwana wake mwanalume Hanoki niye kwefumila mtundu wa a Hanoki. Kufumila mwa Palu ndiye kwefumila mtundu wa Apalu. ⁶ Kufumila mwa Hezironi mwefuma mtundu wa a Hezironi. Kufumila mwa Khami mwefuma mtundu wa a Khami. ⁷ Iyi niye banja la Rubeni. Pamozi onse bekwanila 43, 730 analume. ⁸ Eliyabu enze mwana wa Palu. ⁹ Mwana wa Eliyabu enze Nemuel, Datani, na Abiramu. Aba niye benze bana ba Datani na Abiramu ekonkha Kora pibeyambana na Mose na Aroni nakuzoukila Yehova. ¹⁰ Nthaka yesegula kamwa kake nakuzobamela onse pamozi na Kola, mwakuti muliro weshoka banthu 250 analume, aba enkhala ngati cenjezo. ¹¹ Koma mtundu wa Kola uliye kufwe onse. ¹² Mtundu wa Simiyoni wenze uyu: kufumila mwa Numelo, mwefuma mtundu wa a Numelo, kufumila mwa Yamini, mtundu wa aYamini. Kufumila wa Yakini, mwefuma mtundu wa a Yakini, ¹³ Kufumila mwa Zera, mtundu wa a Zera, kufumila ma shau, mwefuma mtundu wa a Shau. ¹⁴ Uyu ndiye wenze mtundu wa bana ba Simioni, onse pamozi benze 22,200 analume. ¹⁵ Mtundu wa Gadi wenze teti: kufumila mwa Zefani, mtundu wa a Zefani, fumila mwa Hagi, mtundu wa a Hagi, kufumila mwa Shuni mwefuma mtundu wa a Shuni. ¹⁶ Kufumila mwa Ozoni mtundu wa a Ozoni, kufumila mwa Eli, mtundu wa a Eli. ¹⁷ Kufumila mwa Alodi, mtundu wa a Alodi. ¹⁸ Uyu niye wenze mubadwe wa Gadi bekwana ngati 40,500 analume. ¹⁹ Bana ba Yuda analume benze Ela na Onani, koma analume befwela mu calo ca Kenani. ²⁰ Mtundu wa Yuda uyakine wenze uyu: kufumila Shela, mtundu a Shela kufumila mwa Pelezi, mtundu wa a Pelezi ndipo kufumila mwa Zela mutndu wa a Zela. ²¹ Mtundu wa a Pelezi wenze aba: kufumila mw Heziloni mtundu wa a Heziloni, kufumila mwa Hamule, mtundu wa a Hamule. ²² Uyu niye wenze mtundu wa mbadwe Yuda, pamozi onse benze 76,500. ²³ Mtundu wa mbadwo wa Isaka wenze uyu: kufumila mwa Toal mwefuma mtundu wa a Tola, kufumila mwa Puwa mwefuma mtundu wa a Puwa. ²⁴ Kufumila mwa Yasubu mwefuma mtundu wa a Yasubu, kufumila mwa Simroni, mwefuma mtundu wa a Simroni. ²⁵ Aba benze mtundu wa Isaka, bamane benze 64,300 analume. ²⁶ Mtundu wa Zebuluni wenze uyu: mwa Seredi, mtundu wa a Seredi, mwa Eloni, mtunudu wa a Eloni, mwa Yahaleli mtundu wa a Yahaleli. ²⁷ Uyu niye wenze mtundu wa Zebuluni, wamene wenze 60,500 analume. ²⁸ mbadwo wa Yosefe kufumila mwa Manase na Efraimu wenze uyu: ²⁹ Mbadwe wa Manase wenze uyu, kufumila mwa Makiri, mtundu wa a Makiri (Makiri niye enze usuweni wa Giyadi), mwa Giliyadi, mtundu wa a Giliyadi. ³⁰ Mbadwo wa Giliyadi wenze uyu: kufumila mwa Iyezeli mtundu wa a Iyezeli, kufumila mwa Heleki mtundu wa a Heleki, ³¹ kufumila mwa Asiliyeli, mtundu wa a Asiliyeli, kufumila mwa Sekemu, mtundu wa a Sekemu, ³² kufumila mwa Semida, mtundu wa a Semida, kufumila mwa Hefa, mtundu wa a Hefa. ³³ Zelofehadi mwana wa Hefeli enzeve bana analume, koma bana anakazi tyala. Mazina ya bana anakazi benze Mala, Nowa, Hogila Milika na Tiriza. ³⁴ Uyu niye wenze mtundu wa Manase, wamene wenze 52,700 analume. ³⁵ mbadwo wa Efraimu wenze uyu: kufumila mwa Sutela mtundu wa a Sutela, kufumila mwa Bekeli mtundu wa a Bekeli, kufumila mwa Tahani, mtundu wa a Tahani. ³⁶ Mbadwo wa Sutela wenze, kufumila mwa Erani, mtundu wa a Erani. ³⁷ Uyu niye wenze mtundu wa Efraimu, wamene wenze 32,500 analume. Aba benze bana ba Yosefe, kubelenga mtundu pa mtundu. ³⁸ Mtundu wa Benjamini wenze uyu: Kufumila mwa Bela, mtundu wa a Bela, kufumila mwa Asibeli, mtundu wa a Asibeli, kufumila mwa Ahiramu, mtundu wa ba Ahiramu, ³⁹ kufumila mwa Sefufamu, mtundu wa a Sefufamu, kufumila mwa Hufamu mtundu wa a Hufamu. ⁴⁰ Mbadwo wa Bela wenze, kufumila mwa Aridi na Namani. Mwa Aridi mwefuma mtundu wa ba Aridi, ndipo mwa Namanai mwefuma mtundu wa a Namani. ⁴¹ Uyu niye wenze mtudu a Benjamini. Analume benze 45,600. ⁴² Mitundu ya mbadwo wa Dani yenze: kufumila mwa Suhamu, mtundu wa a Suhamu. Uyu niye wenze mtundu wa Dani. ⁴³ Mtundu onse wa a Suhamu webelengewa 64,400 analume. ⁴⁴ Mtundu wa mbadwo wa Aseri wenze uyu: kufumila mwa Imina, mwefuma mtundu wa Imina, mwa Isivi, mwefuma mtundu wa Isivi, kufuma mwa beriya mtundu wa a Beriya. ⁴⁵ Mbadwo wa Beriya wenze uyu: kufumila mwa Heberi mtundu wa a Heberi, kufumila mwa Malakiyeli, mtundu wa a Malakiyeli. ⁴⁶ Zina ya mwana mwanakazi wa Aseri enze Sera. ⁴⁷ Iyi niye mitundu ya Aseri, yonse pamozi 53,400 analume. ⁴⁸ Mitundu ya mbadwo wa Nafitali yenze: kufumila mwa Yahazeli, mtundu wa a Yahazeli, ⁴⁹ kufumila mwa Guni, mtundu wa a Guni, kufumila mwa Yezeri, mtundu wa a Yezeri, kufumila mwa Silemu mutundu wa a Silemu. ⁵⁰ Iyi ndiye mitundu ya Nafitali, kubelenga pamozi benze 45,400. ⁵¹ Ici ndiye cenze cibelengelo conse ca analume mu Israeli: benze 601,730. ⁵² Yehova elabila na Mose na kuti, ⁵³ "malo yofunika kugabiwa pakati pa analume aba monga coloba kulingana na nambala ya mazina bao. ⁵⁴ Mtundu ukuleni uupase malo yakulu, na mtundu utontho uupase malo atontho. Banja ilioyonse ulipase malo kulingana na cibelengelo ca analume bebelengewa pa cibelengelo. ⁵⁵ Mwaici, calo ucigabile banthu pocita mayele. Bofunika kulandila malo pakugabanisha pakati pa mitundu ya makolo bao. ⁵⁶ Malo yao yofunika yagabiwe pakati pa mitundu ikuleni na mitundu itontho, kubagabila pocita mayele." ⁵⁷ Mitundu ya Alevi yebelengewa mtundu pa mtundu ni aba: kufumila mwa Geresoni, mtundu wa a Geresoni, kufumila mwa a Kohati, mtundu wa a Kohati, kufumila mwa Merari, mtundu wa a Merari. ⁵⁸ Mitundu soti ya Levi yenze iyi: mtundu wa a Lebini, mtundu wa a Hebroni, mtundu wa a Mali, mtundu wa a Musi, na mtundu wa a Kohati. Kohati enze kholo la Amuramu. ⁵⁹ Zina la mwanakazi wa Amuramu enze Yokobedi, mzukulu wa Levei, ebadwa ku mu Levi mcalo ca Igupto. Ebala bana na Amuramu, mazina ya bana ni Aroni, Mose na Miriyamu mlongosi wao. ⁶⁰ Aroni enze usuweni wa Nadabu, Abihu, Eliyaza na Itamara. ⁶¹ Koma Nadabu na Abihu becifwa pebepeleka nsembe yosavomelezyewa kwa Yehova. ⁶² Analume bebelengewa bekwana 23,000, analume onse kufumila pa mwana wa mwezi umozi na kuluta palulu. Koma baliye belengewe pamozi na mbadwo wa a Israeli ndaba beve kwenzeve mbali yao kukagabidwe ka calo ca Israeli. ⁶³ Aba niye bebelengewa na Mose pamozi n Eliyaza wa nsembe. bebelenga bana ba Israeli pa cigwa ca Mowabu m'mbali mwa Yorodani mu Yeriko. ⁶⁴ Koma pa banthu aba paliye mwanalume olo umozi ebelengewa na Mose na Aroni wansembe pebecita cibelengelo pa bana ba Isralei mu cipululu ca Sinai. ⁶⁵ Pakuti Yehova elabila kuti banthu onse aba bakafwele mu cipululu. Kuliye olo umoz mwanalume esalapo wamoyo pa banthu bala koma tyala Kalebe na Yoswwa mwana wa Nuni.