¹ Ba Israeli penzonkhala ku Sitimu, analume beyamba kucia vigololo na anakazi baku Moabu, ² pakuti banthu baku Moabu elabila kuti bapeleke nsembe ku mulungu yao. ³ Analume ba Israeli beluta kuyopembeza nao mulungu Baala waku Peori ndipo Yehova ekwiya nao a Israeli. ⁴ Yehova eciti kwa Mose, "Paya asogoleri onse ba banthu ndipo ubapanyike pamenso pangu kuti baonekele patuba mzuba kuti mkwiyo wangu ukulu ocoke pa Israeli." ⁵ Teto Mose eciti kwa asogoleri ba Aisraeli, "aliyense wa mweo ofunikila kupaya banthu bake benzokuya naye kuyopembeza milungu ya Baala-Peori." ⁶ Lomba mwanalume umozi wa Aisraeli eleta mwanakazi waci Midiyani wambanja yake izi zenzocitika pamenso pa Mose na banthu onse ba Israeli, apo ndipo olila banthu pakhomo pa tenti yokumanamo. ⁷ Pamene Finihasi mwana wa Eliyazara, mwana wa wansembe Aroni peciona teti, enyamuka pakati pa gulu nakutla mkondo m'mnja mwake. ⁸ Emukonkha mu israeli wala mpaka mu tenti yake. Esolola mkondo ula nakumgwaza na kupyola eve mpakana kuzogwaza soti mwanakazi ula. Pamene apo mulili weleka mu Israeli. ⁹ Awo ecifwa na mulili bekwanila 24000. ¹⁰ Yehova elabila kwa Mos kuti, ¹¹ "Finihasimwana wa Eliyazara mwana wa Aroni wansembe, wawezya mkwiyo wangu pa Aisraeli ndaba enze na cidwi pakati pao. Teto niliye baononge Aisraeli mu mkwiyo wangu. ^{12 13} Mwa ici unene kuti, 'Yehova akuti nuika pangano langu ya mtendele pa Finihasi. ya eve na mibadwe yake yukuza, inkhale pangano ya unsembe yosasila ndaba enze na cidwi pa neo Mulungu wake. Enze na nchito yopepesela macimo ya Aisraeli.'"" ¹⁴ Lomba zina la ula munthu mu Israeli enzepaiwa pamozi na mwankazi wa ciMidiyani enze Zimiri mwana mwanalaume wa Salu, msogoleri wa banja la Simioni. ¹⁵ Zina la mwanakazi waci Midiyani epaiwa enze Kozibi mwana wa Zuri enze msogoleri wamtundu na banja la Midiyani. ¹⁶ Yehova euzya Mose kuti, ¹⁷ "a Midiyani na dani banu mubapaye, ¹⁸ ndaba ekutolani ngati adani pekulolani mucinyengo cao. Nakukupusikani pa nkhani yaku Peori na za mlongosi wao kozibi, mwana mwanakazi wa msogoleri mu Midiyani, epaiwa pa siku ya mulili kamba ka zecita ku Peori."