¹ Ndipo Yehova elabila na MOse, eciti, ² "Tuma madoda ayakine kuti akaone calo ca Kenani, cinapasa bana ba Israeli. Tuma munthu kufumira ku mtundu uliwonse wa makolo bao. Munthu aliyense ankhale msogoleri pakati pao." ³ Mose ebatuma kufumirsa ku cipululu ca Parana koteto kuti bamvwire lamulo la Yehova. Onse mwebenzeli benze asogoleri pakati pa bana ba Israeli. ⁴ Aba niye benze bazina bao: kufumira ku mtundu wa Rubeni, Samuwa mwana wa Zakuri; ⁵ Kufumira ku mtundu wa Simeoni, Safati mwana wa Hori; ⁶ kufumira ku mtundu wa Yuda, Kalebe mwana wa Yefune; ⁷ kufumira ku mtundu wa Isakara, Igala mwana wa Yosefe; ⁸ kufumira ku mtundu wa Efraimu, Hoseya mwana wa Nuni; ⁹ Kufumira ku mtundu wa Benjamini, Paliti mwana wa Rafu; ¹⁰ kufumira ku mtundu wa Zebuluni, Gadiyele mwana wa Sodi; ¹¹ kufumira ku mtundu wa Yosefe (uko niye kunena kuti, kufumira ku mtundu wa Manase), Gadi mwana wa Susi; ¹² kufumira ku mtundu wa Dani, Amiyeli mwana wa Gemali; ¹³ Kufumila ku mtundu wa Aseri, Sturi mwana wa Mikayeli; ¹⁴ kufumila ku mtundu wa Nafitali, Nabi mwana wa Vopisi; ¹⁵ kufumira ku mtundu wa Gadi, Geuyeli mwana wa Maki. ¹⁶ Aba niye benze mazina ya bala becituma Mose kuyoona calo. Mose eita Hosiya mwana wa Nuni na zina lakuti Yoswa. ¹⁷ Mose ebatuma kuyolangishisha calo ca Kenani. Eciti kwa beve, "mulobe ku Negevu na kuluta kukwela caku lupili. ¹⁸ Mulangishishe kuti muone calo mucilili. Muone banthu onkhala kwamene uko, ngati nibamphamvu olo niofoka, ngati nibatontho olo nibanyinji. ¹⁹ Muone calo mucili kwamene kwakunkhala, nikwabwino olo nikuipa? mizinda iliko ili ngati misasa olo niyocingiwa? ²⁰ Muone calo mucili ngati nicabwino kulima mbeu olo yai, kapena kuli vimiti olo yai. Nkhalani bacikanga letankoni vipapso vmacalo ico." Lomba yenze nthawi yoyamba kupya mpesa. ²¹ Teto banthu beluta na kuyolangishisha calo kufumira ku cipululu ca Zini kuya ku Rehob pfupi na Lebo Hamati. ²² Beluta fumura ku Negevu na kufwika ku Hebroni. Ahimani, Sesai, na Talimai, bana ba Anaki, kwamene, lomba hebroni emangiwa zaka seveni akaliyomanga Zoani mu Aigupto. ²³ Befwika ku cigwa ca Eskolo, betenda msambo kwenze mpesa. Beunyamaula pa conyamulilapo pakati pa magulu abiri. Beletako soti makangaza na mkuyu. ²⁴ Malo ao enzoitiwa kuti cigwa ca Eskolo, kamba ka msambo wa mpesa wamene bana ba Israli betenda kwamne kwala. ²⁵ Payepita masiku fote, bewelela kweciyoona calo. ²⁶ Bewelela kwa MOse, Aroni naku gulu lonse la bana bs Isralei mu cipululu ca Parani, ku Kedesi. Bewela na mau kwaa beve na gulu lonse, na kubaonesha vipaso vamcalo ico. ²⁷ Beuzya Mose, " tefwika ku calo cimwetitumako. ni cendi kuti cuyenda mkaka na uci. Si ivi vipaso viyakine, ²⁸ koma olo niteto, banthu onkhla kula nibamphamvu. Mizinda niyocingililiwa ndipo niikulu ngako. tionako soti bana ba Anaki. ²⁹ Amaleki onkhla mu negevu, a Hiti, a Yebusi, na a Amori bali na minzi yao mu malupili. Akenani onkhala mbali mwa nyanja na mbali mwa msinje wa Yorodani." ³⁰ Koma Kalebe enkhalisha banthu cete benze pamenso pa Mosenakuti, "teyeni tilute tikalonde calo, pakuti tukhoza ndithu kugonjesa." ³¹ Koma madoda baykine benze nao beciti, "tukwanisha kini kubacita nkhondo bantu bala cifukwa nibamphamvu kupambana seo." ³² Teto bewandisha mbili yobawezyela kuvuli bana ba Isralei za calo cila cabenze beciona. Beciti, "calo cateona ni calo cukulya bantu bonkhalamo. Banthu onse beteona kula ni banthu ba misinkhu itali. ³³ Teonako soti banthu atali na mphamvu ngako bana ba Anaki, banthu befumira ku banthu ba talali ndipo bamphamvu. M'menso mwasu tabene tenzooneka ngati vidiza polinganizya na beve, ndipo niye mwitenzele na m'menso mwao, soti.