¹ Ndipo Miriamu na Aroni elbaila mosushana na Mose kamba ka mwanakazi mkusi welungula. ² Beciti, "Ko Yehova elabila na Mose eka? nanga seo nase aliye labile nase?" lomba Yehova ecimvwa vibenzolabila. ³ Lomba Mose enze munthu wofasa, wofasa wopasa munthu aliyense pacalo conse. ⁴ Pamene apo Yehova elabila na Mose, Aroni na Miriamu: "fumani mwe batatu, ku tenti youkumanamo." Teto bala banthu batatu befuma. ⁵ Ndipo Yehova eseluka mumkumbi. Epanama pa mulyango wa tenti na kuita Aroni na MIriamu; Onse babili bewela pasogolo. ⁶ Yehova eciti, "lomba mvwani mau bangu, ngati mneneri wangu ali na mweo, nikazioneshe neka mu menso mphenya nakulabila naye mu maloto. ⁷ Mtumiki wangu Mose ali lini teto niokhlupilika mng'anda yangu yonse. ⁸ Nulabila naye moonekera, osati mumenso mphenya olo mumiyambi. Oona maonekedwe bangu. Lomba nicinji muliye yope kulabila mosushana naye?" ⁹ Ukali wa Yehova webakira, ndipo ebasiya. ¹⁰ Mkumbi wekwela palulu pa tenti, na Miriamu pamene apo enkhala na mambombo- enze mbuu ngale cipale cofewa. Pamene Aroni ecungulukira kwa Miriamu, eona kuti ali na mambombo. ¹¹ Aroni eciti kwa Mose, "aa, mfumu yangu, musatisungile uchimo. Talabila mopusa, ndipo tacimwa. ¹² Napapata musaleke kuti ankhale ngati ni kamwana kakufwa kabaadwa loadwa lomba kamene mnyofu wake niwolyewa kumozi pakenzofuma m'mla mwa anyina." ¹³ Teto Mose ekuwa kwa Yehova. Eciti, "Napapata mpolesheni, Mulumgu, napapata." ¹⁴ Yehova eciti kwa Mose, ngati awisi emthunyila mata pamenso, sembe ecitishiwa nsoni kwa masiku seveni. Mvalileni kunja kwa misasa kwa masiku seveni. Mkacita mleteni soti." ¹⁵ Teto Miriamu evaliliwa kunnja kwa misasa kwa masiku seveni. Bantu baliye yende ulwendo wao mpaka pewelela soti mu misasa. ¹⁶ Kufuma apo, banthu beyenda kufuma ku Haziroti nakuyomnaga misasa mu cipululu ca Parana.