¹ Lomba banthu bedandaula za manzunzo bao ndipo Yehova enzokumvwa. Yehova ebamvwa banthu ndipo ekalipa. Muliro wefuma kw Yehova weyaka pakati pao na kunyesha misasa iyakine mkosilizyila kwake. ² Ndipo banthu beta Mose, teto Mose epemphera kwa Yehova, na Muliro wezima. ³ Malo bala bepasiwa zina lakuti Tabera ndaba muliro wa Yehiva weyak pakati pao. ⁴ Ndipo banthu bacilwendo beyamba kunkhala na bana ba Israeli. Benzofuna cakulya cabwino kuti balye. Ndipo bana ba Israeli beyamba kulira na kuti, "wati atipase nyama kuti tilye nibani? ⁵ Tukumbukila nsomba zitenzokulya tyala ku Ikgipito, mag'uta, vimwa manzi, na anyezi, na galiki. ⁶ Lomba tufuna lini na kulya, ndaba lomba cauona ni mana aba." ⁷ Mana benze ngati vipaso vmpasa. Benzooneka ngati vipaso voyumika. ⁸ Banthu benzokuya noyola. benzopela pa mphero, nakuthwa mu bende, na kupika mu poto, na kupanga tumitanda. Venzomvweka ngati mafuta abisi ba azitona. ⁹ Ngati mame pbapna mu misasa usiku, mana nayo yenzopona. ¹⁰ Mose ebamvwa banthu olira mu mabanja bao, munthu aliyense enze pamlyango wa tenti yake. Yehova ekalipa ngako, ndipo kudandaula kwao kwenze lini bwino pamenso pa Mose. ¹¹ Mose eciti kwa Yehova, mwamucitiranji ciipa coteti mtumiki wanu? muliye kondwre nane ndaba cinji? Munithwikisha katundu wa banthu onse aba. ¹² Ko nebamita banthu onse aba? nevyala ni neo kuti muniuzya kuti, 'ubanyamule pa cifuba cako monga atata onyamula kamwana?' Ko nibanyamule kuya nao ku calo cimwelumbirila makolo bao kubapasa? ¹³ Nifumye kuni nyama yakuti nipase banthu onse aba? olila pamenso panu nonena kuti, 'tipase nyama tilye.' ¹⁴ Ningabanyamule lini aba banthu neka. Nibanyinji ngako kwa neo. ¹⁵ Lomba pakuti mucita teti, nipayeni kansi lomba- ngati napeza kukondelewa pamenso panu- nisaone kuvutika koteti." ¹⁶ Yehova eciti kwa Mose, "niletele analume sevente ba Israeli. usimiizye kuti ni bkulu ndipo akapitao ba banthu. Balete ku citenti cokumanolamo bakaimilire pamozi na weo. ¹⁷ Nikaseluke na kulabila namwe kwamene uko. Nikatoleko mzimu uyakine uli pa weo na kuuika pa beve. Bakanyamule katundu wa banthu pamozi na weo. Ukafunike lini kunyamula weka. ¹⁸ Nena kwa banthu, 'zipatulileni mweka, pakuti mailo mosakaika mukalye nyama, pakuti mwalila ndipo Yehova wamvwa. Mweciti, "nibani wati atipase nyama kuti tilye? cenze bwino kwa seo mu Igipito." Mwaici Yehova akupaseni nyama ndipo mumulye. ¹⁹ Mulye lini kwa siku tyala limozi, masiu abili, masiku faifi, masiku teni nangu masiku twenti. ²⁰ Koma mulye nyama mwezi wonse mpaka ikafume mphuno mwanu. Ikamtinkhni pakuti mwakana Yehova wamene ali pakati panu. Mwlira pamenso pke, mweciti, "tifumilanji ku Igipito?'"" ²¹ Ndipo Mose eciti nili na banthu 600,000 ndipo mwanena kuti, 'nibapase nyama kuti balye kwa mwezi wonse.' ²² Ko tipaye magulu ba mbelele na magulu ba ng'ombe kuti bakwanile? ko tikate nsomba zonse mnyanja kuti bakwanile?" ²³ Yehova eciti kwa Mose, "ko kwanja langu ni lifupi? lomba uone ngati mau bangu nioona kapena yai." ²⁴ Mose eluta panja nakubauzya bansthu mau ba Yehova. Esonkhanisha akulu ba banthu bali sevente na kubaika mozungulira tenti. ²⁵ Yehova eseluka mu mkumbi nolabila kwa Mose. Yehova etolako mzimu uyakine wenze pali Mose nouika pa akulu bali sevente ba Israeli. Pamene mzimu wedekha p beve, benenera. koma kwenze pamene pala ndipo baliye wlezyelepo soti. ²⁶ Analume abili besalira mu msasa Elidadi na Medadi. Mzimu wedekha pa beve nao. Mazina bao belembewa pamndanda, koma benzevekuye ku citenti. Olo nteto, benenela ku misasa. ²⁷ Mnyamata muyakine eutuka nakuuzya Mose, "Elidadi na Medadi oneneras mumisasa." ²⁸ Yoswa mwana wa Nuni mthandizi wa Mose, m'mozi wa analume osankhiwa, eciti kwa Mose, "akulu bangu balesheni." ²⁹ Mose eciti kwa eve, "ucita nsanje kamba ka neo? ningafune kuti banthu ba Yehova benze aneneri nakuti aika mzimu wake pa beve bonse!" ³⁰ Ndipo Mose na akulu onse ba Israeli bewelera kumisasa. ³¹ Ndipo mphepo yewela kufumila kwa Yehova kuleta akwale kufumila ku nyanja. Beponela pafupi na misasa, monga ulwendo wa siku limozi mbali iyakine. Akwale bezungulira misasa ngati mikono ibili palulu pake. ³² Banthu benze yakali-yakali kusonkhanisha akwale siku lonse lokonkhapo. plaiye etola kucepa pa mahomeritetni ba akwale. Begana akwale misasa yonse. ³³ Pamene nyama ikali pakati pa meno yao bakalusheta, Yehova ekalipa nao. Ebakantha banthu na nthenda ikuru ngako. ³⁴ Malo bala ebaita kuti Kibroti-Hataava, kamba kakuti pamene apo beika maliro ya banthu benzofunisha nyama. ³⁵ Kufumira ku Kibroiti-Hataava, banthu beyenda ulwendo kuya ku Hazeroti, kwamene kwabenkhala.